泰國3大榴槤放題推介！最平128蚊任食！仲有稀有榴槤／生果／特色小食

泰國旅遊

By Wing Ws on 11 May 2023

Digital Content Writer

泰國絕對係各位榴槤愛好者嘅天堂，抵食之餘又夠多品種，相信大家去到當地都好想一次過食個滿足！咁啱到咗榴槤嘅當造季節，今次為大家介紹3間泰國榴槤放題，畀各位鍾意食榴槤嘅朋友作為參考！

Photo from Instagram @greyhoundcafe

ICONSIAM水果節可以食到玲瓏榴槤

嚟到夏天，泰國有唔少美食節，當中就不得不提曼谷暹羅天地ICONSIAM由4月起舉辦嘅「榴槤與水果自助餐」，大家可以食到唔同品種嘅榴槤，包括金枕頭、干堯、青尼等，仲有稀有嘅玲瓏榴槤。除咗榴槤，大家仲可以食山竹、紅毛丹等水果。

Photo from Instagram @sooksiam

榴槤與水果自助餐ICONSIAM Durian Buffet 2023
地址：299 Charoen Nakhon 5 Alley, Khlong Ton Sai, Khlong San, Bangkok 10600
日期：即日起至5月28日
時間：15:00-16:00，18:00-19:00（逢星期五、六、日，限時1小時）
價錢：599泰銖（約139港幣，可食金枕頭及其他水果）、999泰銖（約232港幣，可食玲瓏及其他品種嘅榴槤）
電話：064-6460302

彩虹雲霄餐廳有得睇埋靚景

呢間位於酒店18樓嘅水果放題一直深受遊客喜愛，去到5月，酒店就會提供3個品種嘅榴槤放題，除咗榴槤，大家仲可以任食芒果、菠蘿、西瓜、火龍果、椰子、紅毛丹、番石榴等水果，仲有果乾及水果製成嘅啫喱，同時，芒果糯米飯同榴槤糯米飯都係人氣料理。放題價錢仲包埋77樓嘅觀景台及旋轉觀景台入場費，大家可以食飽再去睇靚景！

Photo from Baiyoke Sky Hotel 官網

Photo from Baiyoke Sky FB

Photo from Baiyoke Sky Hotel 官網

彩虹雲霄餐廳18樓水果放題
地址：222 Soi Ratchaprarop 3, Ratchaprarop Road, Ratchathewi, Bangkok 10400 Thailand
時間：10:00-15:00（限時1.5小時）
價錢：550泰銖（約128港幣）

Greyhound Cafe限定榴槤放題

連鎖餐廳Greyhound Cafe今年會喺Terminal 21商場舉辦榴槤自助餐，現場有新鮮嘅金枕頭、長柄、托曼尼等榴槤品種，仲有特色小食及飲品，有興趣嘅朋友記得盡快去啦！

Photo from Instagram @greyhoundcafe

Greyhound Cafe Durian Buffet
地址：88 Soi Sukhumvit 19, Khlong Toei Nuea, Thawi Watthana, Bangkok 10110
日期：即日起至5月14日
時間：11:00-19:00（限時1小時）
價錢：770泰銖（約179港幣，限任食金枕頭榴槤），990泰銖（約230港幣，可任食所有品種榴槤）

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【榴槤品種】31個「果王」品種一覽！推薦13個必食品種！唔易中伏揀榴槤貼士！

24 May 2021

又來到盛產「果王」榴槤的季節！榴槤迷又有口福啦~在香港最受歡迎的榴槤品種，一般來自馬來西亞及泰國，如貓山王、D24、竹腳、金枕頭及青尼等，咁究竟邊款最好吃？多肉核小？味道濃郁回甘？以下一文睇清31種榴槤的特性及口感、推薦必食品種，以及唔易中伏揀榴槤貼士！

Photo from 姚子羚IG_elaine_yiu

揀榴槤貼士！

1.先睇顏色，偏青色代表未熟，偏黃較熟，但如果底部已經有爆裂的痕跡，代表已經熟透。

2.由於榴槤品種多，未必每種都是根據外表顏色來判斷是否熟透，可以睇果刺的軟硬度。果刺之間如果可以輕輕按下，就代表榴槤開始成熟。

3.將榴槤舉起搖一搖，如果有少少聲且感覺墜手，代表果肉已經離殼，即是成熟。不過，如果聽到很明顯的聲音，代表果肉很乾。

4.可以用刀背拍一拍，如果聲音清脆有回響，即表示已經成熟。

5.如果不是即刻要食，可以揀有些許裂口的榴槤。

6.留意榴槤底部中間位置，切勿揀已開口或裂開的，代表果肉過熟不新鮮，容易滋生細菌，亦會吸引昆蟲飛進殼內產卵，導致果肉壞或被蟲蛀。

7.泰國金枕頭是未完熟就摘，外殼仍然是青色，要在室溫放到變黃甚至外殼爆開，才是成熟。

8.一般榴槤的果刺越密，代表越多果肉。

Photo from UrbanLife Health

馬來西亞榴槤品種一覽！

馬來西亞盛產榴槤，有超過200個品種！當地的榴槤是待它自然成熟後脫蒂落地，否則不熟就摘果會很傷榴槤樹，所以榴槤的味道相對會更香濃。除了一般市面常見的品種，不妨來睇下仲有咩品種，有機會可以試下~

品種	特性/顏色/味道
D2 夢中情人	果肉金黃色，甜中帶微甘。
D3 次郎	外形較細，甜中帶微甘，口感幼滑，產量較少。
D5 尹巴謙	果肉金黃且乾身，味道偏甜。
D6 三叔公	果肉較濕潤，甘中帶苦，產量較少。
D10 青頭	果肉較乾身，味道較甜。
D13 金包	「貓山王表弟」，果刺寬短，果肉橘黃色，味道偏甜，口感幼滑。
D18 夕陽紅	果肉金黃乾身，味道偏甜。
D24 蘇丹王	外形較細，果刺排列不規則，核大肉厚，味道濃郁，甜而不膩。
D28 奶油包	口感似貓山王，果肉細滑，奶油口感。
D78 甜姐兒	果肉較乾身，味道濃郁，甜中帶甘。
D88 小甜甜	外形及果核較大，果肉金黃飽滿，甜中帶甘，產量較少。
D101 紅肉	外形較細，果肉有紅色、橙色或黃色，口感清甜，還帶點酒香回甘味。
D158 長柄	果皮薄但果肉厚實，金黃色，味道濃郁，口感軟滑，產量較少。
D160 竹腳	果肉偏橙黃色，微苦回甘又帶點奶油甜味。打開後中間有一排黃色粒狀。
D163 葫蘆	外形葫蘆狀，果肉厚實，味道偏苦帶有朱古力味，口感綿密略有乾黏性。
D165 青刺	果肉淡黃色，厚實飽滿，甜中帶微甘且有黏喉的口感。
D175 紅蝦	外形較圓，果肉顏色偏深，果核細，甜中帶點甘，口感綿密creamy！
D197 老樹貓山王	外形細，果刺短細，底部有五角星形或六星形，肉厚核小，味道濃郁，甜中帶甘，入口即化！
D198 金鳳	外殼較圓，果皮薄，肉厚核小，甘味較重。
D200 黑刺	外形較圓扁，果刺尖短，核大肉厚，果肉深黃或橙黃色，甜中帶苦甘味。
D888 純種老樹	有「馬來西亞榴槤的母親」之稱，純種老樹，野生有機，不經任何嫁接，果肉比實，味道偏甜。
十三半	甜味較重，口味大眾化。
名種	特選的純種榴槤，不經任何嫁接，果肉厚實，味道偏甜。
大紅	野生榴槤，味道濃郁，甜中帶微甘。
愛槤	檳城獨有的上一代老樹，接枝榴槤，味道濃郁。

Photo from UrbanLife Health

泰國榴槤品種一覽！

泰國同樣種植了多個榴槤品種，除了「四大天王」金枕頭、干堯、青尼及甲侖，來睇睇仲有咩品種啦！

品種	特性/顏色/味道
金枕頭	外形橢圓狀，果刺粗大，肉多核細，清甜中帶點酒味，味道最清淡。
干堯	外形圓球狀，頂部有一根長莖，核大肉細且無尖尾，味道濃郁，口感甜糯。
青尼	外殼偏綠，果刺粗鈍，尾錐凹陷，肉多核細，果肉深黃色，味道濃郁creamy。
甲侖	果肉瓣狀分明，厚實無尖尾但核大，味道較濃郁，味香甜糯。
寶石球	青綠色外殼，外形較細，果核大，果肉爽口但不乾身。
金鳳凰	外形偏細，肉厚核細，甜中帶苦，還會帶點花香味。