陳偉霆亂泊車被保安斷正＋當場訓話！聽到頭耷耷被網民笑
陳偉霆（William）北上工作多年，事業發展相當順利，已喺內地置業。近日有網民目擊陳偉霆喺社區因為亂泊車被保安斷正而當面訓話，而陳偉霆更被教訓到頭耷耷，狀甚懊惱，掀起網民熱議。
Photo from 陳偉霆微博
陳偉霆返內地發展後主演多套偶像劇，合作嘅對象更有一線女星楊冪，佢又出演唔同嘅綜藝節目，又創立個人品牌，獲唔少fans支持，吸金力超強！
Photo from 陳偉霆微博
事業順風順水嘅William喺香港同內地都成功置業，更有唔少時間發展個人興趣，平時佢會去下滑雪、露營，生活多姿多彩。最近有網民喺北京目擊陳偉霆，更指佢為人超級貼地？！
Photo from 陳偉霆微博
網上有一張陳偉霆嘅偶遇照曝光，指佢因為喺社區亂泊電單車而被保安教育，雖然面對藝人，但鐵面無私嘅保安表示：「把摩托車停好，不然我們就給鎖了。」
Photo from 小紅書
Photo from 陳偉霆微博
網民形容陳偉霆好認真咁聽保安叔叔嘅教訓：「沒有一點明星架子」，有網民關注到陳偉霆被訓話時立正，更內八字腳咁企，睇落十分謙遜，好似以前讀書被老師鬧咁。
Photo from 陳偉霆微博
Photo from 小紅書
網友笑言：「他的腳看起來非常聽話和拘謹」、「都說了我叫陳違停了」，亦有fans指陳偉霆媽媽一直唔同意佢踩電單車，所以被人訓話嗰陣個樣特別心虛。
Photo from 陳偉霆微博
其實之前陳偉霆就分享過佢喺滑雪場見到有女仔著咗佢嘅個人品牌嘅衫，於是就跟喺對方後面拍片，打算之後喺微博公開多謝對方，點知被人哋男朋友斷正，仲要求佢刪除影片。陳偉霆嘅平日生活同普通人差唔多，平民都無將佢視作高高在上嘅明星。
Photo from 微博
Photo from 陳偉霆微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳偉霆久違回港拍電影！北上發展近10年，內地網民指香港人唔識貨
2 Aug 2022
陳偉霆（William）近年將事業重心轉移至內地，佢最近回港拍攝電影，唔少網友都喺香港街頭偶遇劇組，更影咗唔少花絮照，並放上「小紅書」分享，William以新髮型亮相，內地網民激讚佢完美駕馭呢個造型！
Photo from 陳偉霆微博
陳偉霆北上發展近10年成內地當紅男星
陳偉霆以往因為Angelababy同黃曉明嘅戀情而被多次提起「而我不知道陳偉霆是誰」，喺香港人氣唔算高嘅William於2013年開始轉往內地發展，並憑住劇集《古劍奇譚》人氣急升，成為內地灸手可熱嘅男星。
Photo from 陳偉霆微博
北上發展多年，William已札穩根基，喺內地擁有唔少fans，佢一直劇接劇，又開個人演唱會，歌影視3棲發展都有唔錯嘅成績，期間仲上咗好多綜藝節目，知名度急升。
Photo from 陳偉霆微博
Photo from 陳偉霆微博
Photo from 陳偉霆微博
久違來港拍戲，William與影帝、視帝合作
已經好耐無參演香港電影嘅陳偉霆最近就留港拍攝電影《爆裂點》，電影仲有影帝張家輝、視帝譚俊彥、周秀娜出演，卡士強勁。有指電影劇本係為張家輝、陳偉霆度身訂造，有得同影帝鬥戲，難怪喺內地有咁多工作嘅William亦專程回港拍電影。
Photo from 陳偉霆微博
William非主流新髮型，內地網友大讚好帥
《爆裂點》於香港取景，最近唔少網民都喺深水埗街頭見到劇組拍攝，有人將William嘅路透照放上「小紅書」等地方分享。相中可見William以銀白色超短寸頭新造型現身，加上花紋襯衣，有一啲「非主流」感覺。
Photo from 小紅書
Photo from 小紅書
網友拍攝嘅片段可見，William大展親切笑容，電影拍攝如火如荼！公開相片嘅網民都表示William真人「又高又帥」，直呼佢係「無死角男神」，又大讚William新髮型好好睇！
Photo from 小紅書
Photo from 小紅書
有香港網民就表示唔明點解陳偉霆咁受歡迎，有內地網民就指香港觀眾唔識貨：「香港人喜歡的都是一些糊本土18線，紅不過羅湖。」直言香港娛樂圈已走下坡，唔了解內地大市場都好正常。
Photo from 陳偉霆微博
Photo from 小紅書
其實陳偉霆近年不但參演多個國內電影、電視劇、綜藝節目，在內地人氣的確但紅不讓，近日更獲國際品牌 Golden Goose 心儀邀請成為全球代言人，未知會否幫助品牌提升全球銷量呢？
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
