盤點10位圈中靚媽！同時兼顧家庭事業，狀態勁fit唔輸蝕！

By Wing Ws on 12 May 2023

Digital Content Writer

娛樂圈有唔少結婚生仔嘅女藝人，雖然已經有小朋友，但仍無阻佢哋兼顧家庭、事業，樣貌身材都仲係咁fit之餘，生活都係咁精彩！

Photo from Instagram @ghlchan

陳凱琳

講到圈中靚媽，陳凱琳(Grace)絕對係當中嘅代表，繼早前再誕下細仔Carlos，Grace已經係3個小朋友嘅媽媽，現時Grace將重心放於家庭上，並主力KOL事業，社交平台上仍不時分享幸福家庭生活，見到Grace嘅身型、狀態都係咁fit！同小朋友一齊影嘅合照都一樣咁靚！

Photo from Instagram @ghlchan

岑麗香

現年38歲嘅岑麗香(香香) 與老公強強婚後育有兩個仔仔，近年減少幕前工作並專注家庭，社交平台上不時分享與仔仔嘅生活照，湊住2個小朋友嘅佢，睇落仲係少女感十足！

Photo from Instagram @heungheungeliza

鍾嘉欣

現年38歲嘅鍾嘉欣婚後先後誕下兩女一子，去年晒出一輯牛仔褸孕照，獲網民大讚型爆！近日再上傳與仔兒去遊樂園玩嘅相，見到狀態非常好，亦有網民留言希望佢返嚟TVB拍劇。

Photo from Instagram @chungkayanlinda

Coffee林芊妤

林芊妤(Coffee)婚後育有一子，現時主力教瑜伽嘅Coffee身材一向fit爆，社交平台上除咗會靚相之餘，亦經常晒仔仔翟德彥（伯伯）嘅相，一家三口非常溫馨。

Photo from Instagram @coffee89921

楊怡

楊茜堯（前名楊怡）與老公羅子溢（前名羅仲謙）婚後育有一對仔女，上年再生完細仔之後，極速恢復狀態，仲同老公一齊拍劇集《家族榮耀》，獲網民大讚一樣咁好戲。

Photo from Instagram @tavia_yeung

陳嘉寶

陳嘉寶(Anjaylia)雖然已經係3女之母，但本身就童顏嘅佢仍然充滿少女味，長相依然甜美，完全睇唔出已經生過小朋友！

Photo from Instagram @anjaylia

李蘊

李蘊(Renee)於2015年嫁金融才俊羅章冠後，二人育有一對仔女，Renee婚後淡出幕前、相夫教子，直至最近重返樂壇推出新歌，見到Renee身型外貌都keep得好好，依然係咁靚女！

Photo from Instagram @renee0727

譚凱琪

41歲嘅譚凱琪(Zoie)雖然已為人妻，生咗個女，但樣同身材都同以前一樣，除咗專注拍劇，讚不時晒出靚相，生活豐富。

Photo from Instagram @zozotam1o1o

吳若希

30歲吳若希(Jinny)婚後為老公誕下一仔一女，社交平台上不時晒出同兩個小朋友玩嘅相，無懼素顏！繼去年開演唱會後，Jinny今年繼續開巡迴演唱會，狀況非常好！

Photo from Instagram @jinnyng

倪晨曦

網絡女神倪晨曦(Elva)樣同身材就唔使多講，雖然生咗兩個仔，但仍然keep得好好，廣告不斷，係唔少時尚品牌嘅寵兒。

Photo from Instagram @misselvani

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

盤點圈中5對甜蜜「父女戀」李美慧同繼女同齡有人仲大過外母？！

16 Feb 2023

娛樂圈中嘅「父女戀」向來引人注目，早前，比李龍基細超過30年嘅太太引起熱議。除咗佢哋，圈中仲有5對年齡差甚大嘅情侶都修成正果，愛得甜蜜！

#郭富城方媛

Photo from 方媛 IG

郭富城同方媛相差22年，佢哋於2017年結婚，先後誕下兩個寶貝囡。當二人嘅拍拖結婚消息傳出後，好多人都唔睇好呢段戀情，網民亦多次攻擊女方，例如批評佢以往感情生活混亂、整容、過度修圖等，亦有傳聞指方媛曾修讀「天王嫂訓練班」，但郭富城仍然對方媛愛護有加，勇於為愛妻護航，成功建立好爸爸及恩愛夫妻形象。

Photo from 方媛 IG

#鄭嘉穎陳凱琳

Photo from 鄭嘉穎 IG

鄭嘉穎與陳凱琳相差22年，兩人喺2018年拉埋天窗，婚後育有兩子。陳凱琳經常於社交平台上載一家嘅溫馨照片，幸福滿瀉。早前，女方媽媽於訪談中表示，其實佢當初有因二人嘅年齡差而反對呢段關係，但之後，經親自了解鄭嘉穎嘅為人後，感受到佢對女兒真摰嘅愛意，終被打動。現在，陳凱琳一家都好放心將女兒交比嘉穎照顧。

Photo from 鄭嘉穎 IG

#甄子丹汪詩詩

Photo from 甄子丹微博

甄子丹與汪詩詩於2003年閃婚，育有一子一女。雖然兩人相差18年，但戀情由一開始已進展迅速，佢哋拍拖兩星期後，甄子丹已向詩詩求婚。汪詩詩曾表示，同甄子丹一起時，完全感受不到年齡差，所以知道佢真實年紀後都嚇咗跳。雖然女方未婚先孕，但佢從不後悔，亦認為自己係個好幸福嘅女人。

Photo from 甄子丹 IG

#杜德偉李曉冰

Photo from 杜德偉 IG

杜德偉同攝影師李曉冰育有一子。二人於2009年時合作拍攝向傳奇舞王Michael Jackson致敬嘅紀錄片時認識，之後於2012年結婚。杜德偉自爆佢同外父同年，比為外母還要老一歲，但憑著愛與誠意，終說服其家人，呢段關係可以行落去。杜德偉一家三口非常幸福，不時上載家庭照到社交網站上，收到不少網民嘅祝福。