賴彥妤訪問馮素波被批「傷口灑鹽」！多次出事，網民：又係佢！
TVB娛樂新聞主持賴彥妤曾多次於訪問中失言，最近佢又「出事」，喺訪問中老戲骨馮素波自爆切咗五分之一大腸，但賴彥妤嘅回應卻十分不恰當，被網民狠批「喺人哋傷口上灑鹽」！又質疑佢出事過咁多次，點解仲係無進步。
Photo from 賴彥妤IG
賴彥妤兩度參選港姐，落選後加入TVB成為娛樂新聞台主持，不過喺主持生涯中佢被指經常失誤，問一啲唔適當嘅問題，佢第一次失言就係問單親家庭長大嘅姜麗文會點同媽咪慶祝母親節，雖然姜麗文大方回應但網民認為賴彥妤無做好功課就訪問人，又指呢條問題十分無禮！事後賴彥妤有向姜麗文道歉。
Photo from TVB
之後到聖誕節亮燈活動，賴彥妤採訪郭富城疑無認真聽對方嘅回應，喺城城啱啱講完會有兩個囡囡嚟打卡後佢又再問返：「會唔會帶埋小朋友過嚟.....」結果被城城打斷：「頭先咪講咗囉！」場面尷尬！
Photo from TVB
最近一次佢又訪問方力申，當時方力申表明無計劃帶女友Maple與公眾會面，但賴彥妤竟又追問：「有無諗住情侶檔接job呀？」方力申嚴肅回應：「應該就無喇！因為佢唔係圈內人呀嘛！」
Photo from TVB
所謂「事不過三」，但近日賴彥妤嘅訪問再度出事！當日馮素波、鄧月平、林耀聲等為醫療健康節目擔任嘉賓，賴彥妤代表娛樂新聞台做採訪，其中78歲嘅馮素波就自爆切咗五分之一大腸，賴彥妤竟面帶笑容問佢：「咁你有無咩秘訣呀？」令馮素波都嚇親，頓時不知所措：「下？！秘訣？！」
Photo from TVB
賴彥妤即表示：「食清啲？定係.....」馮素波回應：「我不嬲都食得好清，唔知點解清極都清唔到，你哋要小心！」雖然馮素波最後都答到，但其他人表情嚴肅，與賴彥妤嘅笑容形成對比，加上佢問馮素波嘅問題，被網民狠批佢「喺人哋傷口上灑鹽」，又指佢用字十分不尊重被訪者！
Photo from TVB
Photo from TVB
亦有人指出賴彥妤已多次失言，不但無改善，反而再次失禮於人，質疑TVB點解會再用佢，指就算搵佢採訪都應該要好好培訓，學識採訪技巧先。
Photo from 賴彥妤IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
TVB主持賴彥妤採訪方力申，問女友Maple被批失禮！曾多次訪問出事
6 Mar 2023
Photo from TVB
方力申大方認愛Maple，自爆兩人已見過家長
單身5年嘅方力申被爆與圈外藝術家Maple Yip拍拖，之後Maple更被認出疑似係Netflix紀錄片《以神之名：信仰的背叛》嘅苦主。而方力申就大方認愛，公開力撐女友指會考慮陪佢去韓國出庭。
Photo from 《以神之名：信仰的背叛》
方力申表示佢早就知道女友嘅過去，對方更因為呢件事而提出分手，但佢好欣賞女友嘅勇敢。方力申又指拍拖一星期雙方都已經見過家長，兩人互相信任，感情十分穩定。
Photo from TVB
TVB主持賴彥妤採訪方力申問會唔會同女友Maple情侶檔接job
方力申嘅戀情受到外界關注，唔少人都問到佢同Maple嘅事，方力申就表示佢同女友有共識，對方都唔介意佢公開兩人之間嘅事，不過方力申指佢唔會刻意帶女友同大家見面，但日後Maple出席佢嘅首映或去睇演唱會等可能會公開露面。
Photo from HOYTV
Photo from ViuTV
今次佢大方回應戀情獲唔少傳媒採訪，其中亦包括TVB娛樂新聞台，當時方力申雖表明無計劃帶女友與公眾會面，但主持賴彥妤卻再追問：「有無諗住情侶檔接job呀？」方力申即正色道：「應該就無喇！因為佢唔係圈內人呀嘛！」
Photo from HOYTV
Photo from HOYTV
賴彥妤採訪郭富城、姜麗文都曾經出事
其實賴彥妤之前都被批問問題「唔聽書」，去年聖誕節佢就訪問郭富城，當時城城表示會帶女兒嚟商場打卡，點知講完賴彥妤就問：「會唔會帶埋小朋友過嚟.....」隨即被城城打斷：「頭先咪講咗囉！」之後再強調：「會呀！啱啱講咗啦！」
Photo from 賴彥妤IG
Photo from TVB
賴彥妤亦曾經因為問姜麗文母親節會點同媽媽慶祝而被狠批唔做功課，因為姜麗文生母1歲時已離開佢身邊，姜麗文由爸爸秦沛獨力撫養長大，而生母亦已於2016年離世。事後賴彥妤向姜麗文道歉指自己嘅採訪做得唔好。
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
