江嘉敏露V面宣布減磅成功！多年被笑Fatman／似大媽，素顏樣被指似薛凱琪？

TVB花旦、現年28歲嘅江嘉敏近年因身材多次受到討論，更因此被改花名「Fatman」、「肥膩嘢」等，雖然回應嘅時候唔太介意咁，但近日江嘉敏似乎係下定決心減肥，社交平台上post咗成功減磅嘅相，仲有人話佢似薛凱琪。

Photo from Instagram @kaman_kong

圓潤身型盡現嘲似大媽

江嘉敏(Kaman)初出道時，憑清純學生look收獲唔少網民喜愛，但近年身形卻多次被嘲笑，早於《萬千星輝頒獎典禮2020》時，江嘉敏身穿銀色連身裙現身嘅時候，身型盡現，仲見到雙下巴，加上多次出現「時裝車禍」，因此被嘲似「大媽」。

Photo from TVB (official) YouTube

即睇更多人氣文章：
薛凱琪內地拍內衣廣告罕有曬身材！大方承認胸小的女生都可以好靚
和歌山酒店｜無邊際溫泉＋海景桑拿房！套房俯瞰白濱大海超寫意

多年被笑Fatman／肥膩嘢

前年作為《野外步出》嘉賓出場時，更被黃美棋笑出面：「喂，Fatman，你點解喺度嘅？」主持方紹聰仲介紹話：「《野外步出》第1季嘅第1集，就係由『Fatman』江嘉敏小姐打頭陣。當時佢着咗件粉紅色風褸，個感覺係好健康，好似啲Auntie咁樣，好雍容華貴，好似去咗慧妍雅集嗰啲活動。」當時江嘉敏仲話：「我fat唔係新聞，係舊聞，2年前已經講緊，講到而家。」似乎唔太介意。今年江嘉敏出席劇集《黃金萬両》宣傳活動，接受媒體訪問時，被同劇演員馬貫東直稱為「肥膩嘢」。

Photo from J2 YouTube

Photo from J2 YouTube

Photo from Instagram @kaman_kong

宣布瘦身成功

近日，江嘉敏於社交平台上發布一輯相，表示自己努力瘦身有成果：「呢幾日一返公司，個個都話我瘦咗成個碼」、「好開心！努力有成果」，並貼出瘦身餐嘅圖：「每次肚餓好想食零食，我妹就會勁惡咁啤住我，佢哋仲會陪我夜晚跑步」，限時動態上更分享跑步影片，睇嚟今次係下定決心減磅！

Photo from Instagram @kaman_kong

Photo from Instagram @kaman_kong

素顏樣被指似薛凱琪？

宣布減肥成功嘅江嘉敏今次post嘅仲係素顏相，唔少網民大讚靚女、後生咗，江嘉敏都好開心咁接受讚賞，仲有人話覺得江嘉敏張相好似薛凱琪！

Photo from Instagram @kaman_kong

Photo from Instagram @kaman_kong

Photo from 薛凱琪 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

江嘉敏承認不懂得打扮！過往衣著品味屢成焦點，被稱為「時裝災難」代表人物！

2 Jun 2022

現年27歲嘅江嘉敏過往出席大台活動時，經常都被網民批評衣著品味，成為「時裝災難」代表人物之一。最近，佢接受由Do姐（鄭裕玲）所主持嘅電台節目《口水多過浪花》坦承自己唔太識得打扮，所以成日都會選擇咗同身型不相符嘅衣服！

Photo from 江嘉敏IG

江嘉敏回復單身，大晒好身材！

江嘉敏2個月前宣佈與交往4年嘅電競公司高層男友Anthony分手，仲一度暗示男友不忠，而且係因為唔鍾意佢短頭髮look而感情有變？！回復單身嘅佢似乎已經走出情傷陰霾，最近仲上載咗身穿低胸貼身短裙嘅照片，大晒好身材～

Photo from 江嘉敏IG

Photo from 江嘉敏IG

坦承自己並不懂打扮！

然而，江嘉敏過往出席大台公開活動時，衣著品味經常引起網民熱議，仲被選為「時裝災難」嘅人選之一！日前，佢喺接受Do姐電台訪問時亦坦承自己並唔識打扮「我唔識扮靚！如果唔使化妝，我就唔化妝出街，因為我自己化都幾恐怖。」

Photo from 商業電台YouTube

解釋鬧出「時裝車禍」主因！

對於被外界指係「時裝車禍」，江嘉敏解釋「可能件衫係靚，但我又冇諗咁深層次原來件衫唔啱我身形」，指自己唔太知道如何選擇能夠修飾身型嘅衫！隨後，Do姐追問「咁你著咗上身之後，自己都覺得OK嘅？」，而佢就補充「只會見到件衫好靚，冇咩留意整體，將髮型、妝容分開睇」，所以經常都會「惹禍」。

Photo from 江嘉敏IG

過往多數搵朋友幫手襯衫！

江嘉敏表示未來可能真係要搵返造型師幫手，話指過往都係搵朋友幫手，而Do姐亦講笑咁話「咁個朋友係咪絕咗交喇？」；但佢就強調係自己問題「朋友好好，係我個人比較堅持，唔聽佢哋講，淨係覺得件衫好靚！」揚言會努力改變穿衣風格「一定要著前短後長，見到對腳嘅，盡可能遮住上身」，睇嚟非常用心鑽研穿搭～

Photo from 江嘉敏IG

回顧過往公開活動服裝造型！

宜家就等我哋一齊睇返江嘉敏過嘅穿搭啦！其實大部分衣服都係因為太過成熟，與佢年齡並不相符而導致「出事」，加上服裝嘅cutting未能修飾身型，反而令佢顯得有啲臃腫。

Photo from 江嘉敏IG

部份網民覺得短髮造型都幾適合佢，但就覺得呢套全黑嘅服裝對佢而言有啲成熟！

Photo from 江嘉敏IG

黑色露背背心加螢光粉紅色嘅裙，被網民認為顏色配搭唔太襯！

Photo from 江嘉敏IG

喺出席電視劇《食腦喪B》時，單睇服裝造型江嘉敏就非常青春，但髮型就似乎「出咗事」！

Photo from TVB Anywhere (SG MY) @YouTube

最經典嘅莫過於2020年《萬千星輝頒獎禮》中，佢身穿嘅肉色禮服，正面睇都唔算有好大問題；然而當佢行入場嘅時候，由於衣服太貼身，佢身型變得非常圓潤，而鏡頭亦不時影到肚子出現三節肉！

Photo from 江嘉敏IG

Photo from 《萬千星輝頒獎典禮2020》紅地毯直播