一舞傾城｜4大尷尬位，醉駕楊明綠幕拍揸車場景／出浴戲賣肉被批趕客
Photo from TVB 娛樂新聞台 TVB Entertainment News FB
Photo from TVB (official) YouTube
Photo from TVB USA Official YouTube
醉駕楊明用綠幕拍揸車場景
呢套劇拍嘅時候，楊明嘅「醉駕案」仲未定罪，其中一幕係由楊明開車送陳法蓉，而呢一幕就以綠幕再加上電腦效果拍攝。
Photo from TVB
Photo from TVB
第一集就有強姦戲！
《一舞傾城》喺預告片中已經有唔少刺激場景，而第一集開波未夠20分鐘已經有強姦戲，劇中，飾演王牌陪酒嘅蔡潔招呼飾演洪泰大佬嘅李嘉時，被對方硬上，上下其手，過程中更撕爛蔡潔嘅黑絲。最終楊明及時趕到，救出蔡潔。
Photo from TVB
Photo from TVB
Photo from TVB
出浴戲賣肉被指趕客
除咗強姦戲，第一集仲有賣肉畫面，包括莊鍶敏嘅出浴、搽潤膚膏片段，加埋燈光、配樂，以及佢同李嘉嘅床上搏鬥戲，不過網民就唔buy，覺得個畫面「好趕客」。
Photo from TVB
Photo from TVB
Photo from TVB USA Official YouTube
被批場景服飾老土
劇集背景係70、80年代香港嘅夜總會，但唔少人覺得劇中場景、演員服飾髮型等都非常老土，演員嘅妝造都好重手，另有人以《華燈初上》作比較，認為《一舞傾城》喺選角、造型、背景都輸晒。
Photo from TVB
Photo from TVB USA Official YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
羅天宇、張景淳深圳擺攤賣雞蛋仔！網友：深圳擺攤都比在TVB掙得多
3 May 2023
近日有內地網民喺微博、小紅書晒相表示卡深圳見到羅天宇、張景淳、李興華擺攤賣香港特色小食，包括：魚蛋、雞蛋仔、碗仔翅、奶茶等。唔少網民都同佢哋合照大讚真人好nice，更有網友直言：「可能在深圳擺攤都比在TVB掙得多。」
Photo from 微博
好多廣東嘅市民其實都係睇TVB長大，近年唔少香港演員、歌手都北上掘金，證明香港藝人喺內地都有市場，大部分人都會選擇直播帶貨，亦有如佘詩曼、胡杏兒等出演綜藝節目或內地電視劇。除咗上節目、拍劇、直播，仲有藝人揀開小食攤賺人仔？！
Photo from 抖音
有內地網民喺網上公開唔少照片，表示TVB藝人羅天宇、張景淳、李興華喺深圳擺攤，從照片中可見佢哋3人身穿制服，上面分別寫上「羅小二」、「張店長」、「李老闆」，攤檔售賣嘅係香港常見嘅特色小食，有魚蛋、雞蛋仔、碗仔翅、奶茶等等。
Photo from 微博
Photo from 小紅書
據網民公開嘅相片，張景淳負責賣魚蛋，而羅天宇則主力整雞蛋仔，雖然攤檔仲有其他員工，但佢哋兩個都落手落腳、親力親為，有網友同佢哋合照，大讚佢哋真人超nice！
Photo from 微博
Photo from 小紅書
Photo from 小紅書
Photo from 微博
Photo from 微博
張景淳雖然之前被指因為遲到而暫時調離《愛回家》劇組，但現時已回歸，加上佢飾演嘅「龔燁」戲份頗多，另一方面羅天宇亦係TVB力捧嘅小生，工作量唔少，因此有內地網民見佢哋出現喺深圳擺攤感驚喜，有疑似知情人就回覆指張景淳係喺香港拍完《開心速遞》就馬不停蹄趕過去深圳開檔。
Photo from TVB
Photo from 羅天宇IG
Photo from TVB
近年越嚟越多TVB藝人北上掘金，佢哋都提到喺TVB工作時十分辛苦，所以鍛練到佢哋身心。有網友好奇羅天宇、張景淳明明有工作，點解仲要上深圳擺攤，一嚟應該係支持好友李興華嘅小店，亦有網友笑言：「可能在深圳擺攤都比在TVB掙得多。」
Photo from 微博
Photo from 小紅書
唔少同佢哋影咗合照嘅內地網友都大讚羅天宇、張景淳真人靚仔，不過晒出嘅相片卻被網民指：「黑眼圈和眼袋好明顯」，該網友即表示照片無加到任個filter。可能係拍完戲就北上擺攤所以顯得比較疲累。
Photo from 小紅書
Photo from 小紅書
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
