沖繩旅遊｜水底電單車唔識游水、無潛水牌都可以玩！暢遊海底世界

旅遊攻略日韓旅遊日本旅遊

By Jennifer on 16 May 2023

Digital Editor

今晚食乜餸：小二，嚟一碟花生！

夏天就到，日本沖繩絕對係夏日旅遊好去處。去沖繩玩又點可以唔睇下海底！即使唔識游水、無潛水牌都可以近距離接觸珊瑚！The Sensuiscooter嘅水底電單車即使係小朋友都玩到，一覽海底世界～

Photo from JNTO

沖繩位於日本最南端，有唔少美麗嘅海灘，日本國家旅遊局推薦遊客欣賞珊瑚叢同各式海底生物，想睇珊瑚同海底生物除咗去水族館之外，當然唔少得親身落水近距離接觸海底世界喇！

Photo from JNTO

沖繩有半潛式觀光船，可以喺船底欣賞到於海底暢游嘅熱帶魚。但如果想親身接觸海底世界嘅話，浮潛亦係唔錯嘅選擇～如果對浮潛有擔心嘅話，可以試下玩「水底電單車」。

Photo from JNTO

水底電單車唔識游水、潛水都一樣可以玩，就算係小朋友都玩到㗎！而且水底電單車唔會整濕塊面，可以化妝或者戴眼鏡，連髮型都可以保持不變，想喺海底影相都無難度。

Photo from 思い出販売所美ら海

一架水底電單車可以坐兩個人，可以同另一半、朋友閏密、屋企人一齊玩，即使完全無潛水經驗都有教練幫忙。而喺沖繩名護市嘅「思い出販売所美ら海（The Sensuiscooter）」亦係日本唯一嘅潛水電單車。

Photo from 思い出販売所美ら海

落水一次嘅費用係8,000円（約$461港元）一人，小學生以下為7,000円。成個潛水時間約為15分鐘，不過留意，為避免減壓症，請勿喺潛水後第二日搭飛機。可以通過email預約，但需要至少提前3日預訂，否則需打電話預約。

Photo from 思い出販売所美ら海

思い出販売所美ら海
地址：沖縄県名護市済井出223
電話：0980-52-8855
預約網址：按此

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【沖繩旅遊】沖繩恐龍主題樂園STEM RESORT+南部最大商場iias沖縄豊崎親子遊必去！水族館/燒烤場/水上樂園

6 May 2022

「iias沖縄豊崎」可說是近年沖繩的人他新景點，它是沖繩南部最大的商場，總面積13萬5千平方公尺，於2020年6月開幕，商場設有4層，當中有博物館、水族館、燒烤場、空中酒吧以及一個大型恐龍主題公園「STEM RESORT Creative Playground」，商場距離那霸機場僅15分鐘車程，非常方便，適合一家大細去逛。

Photo from イーアス沖縄豊崎 FB

商場內共有約160間店舖，包括家電、服飾、超市等，亦有沖繩首個設在商場內的水族館「DMM Kariyushi水族館」，它設在商場1-2樓，館內分成大主題空間，分別是「常綠之森」與「澄清之海」, 當中有約5000種海洋生物及植物，同時水族館會採用虛擬投影技術，配合館內各式各樣的生物，打造出自然療癒的休憩空間。

Photo from DMM Kariyushi水族館 FB

商場頂樓設有大型恐龍主題公園「STEM RESORT Creative Playground」，園區有各種逼真的恐龍模型，公園分為4大區域，分別是可愛博物館、恐龍博物館、BBQ燒烤場、空中酒吧。恐龍博物館有50種以上嘅恐龍，全部栩栩如生，遊客可以同恐龍互動，睇效果圖遊客會坐喺車中，好似侏羅紀公園咁！！