台北咖啡店公審留1星負評客人，一連30限時動態公開親友樣貌／反嘲對方眼妝

By Wing Ws on 18 May 2023

Digital Content Writer

每個人去餐廳、食肆用餐感受都唔同，因此有負評都在所難免。台北一位陳姓女子日前到一間韓系咖啡店，因未能滿足最低消費，事後於Google評論留下1星負評，但竟然被店家發30條以上嘅限時動態公審兼人肉追擊，因此引起網民熱烈討論。

Photo from Instagram @jpg_coffee

未能滿足低消，事後留1星負評

據該名客人所留下嘅評論所見，該名客人於下午2:15用過午飯後到店，而店內嘅咖啡、飲品平均係100～180台幣（約25～46港元），女子於是嗌咗一杯140台幣嘅燕麥奶，但被店員告知店內嘅最低消費係200台幣（約51港元），陳女打算點60台幣（約15港元）嘅棉花糖餅乾湊數但未有供應，其他都係200台幣起跳嘅甜品，陳女表示自己已經食唔落，而店員則詢問：「還是你要改外帶？」最後，陳女表示歉意，並表示自己唔會再踏入店內，陳女於評論中解釋：「1.我願意符合店內低消規則，但是貴店品項沒有準備齊全 2.店內若客滿狀態，我可能真的拉低店家均消，我會識相離開，但桌子全空」，又指「真的覺得這間店...打壞想要喝杯咖啡的心情」。

Photo from ●【爆廢公社公開版】● FB

店家狂發30條以上限時動態公審

該名客人留下負評後，店家竟然cap圖、上載至IG限時動態，並公開貼出陳女嘅FB帳號及樣貌，直斥對方「把吃不下變成是店家的問題我們沒有逼妳進門消費啊是妳自己闖進來的」，雖然店家指「GOOGLE那幾顆破星打從開店我就沒在CARE」，但卻一連發佈30條限時動態嘲諷，事後陳女嘅朋友同於GOOGLE留下評論，店家同樣貼出對方及陳女親友嘅社交帳號，嘲笑對方長相，更公開店內嘅監視畫面，貼出陳女到店嘅情況。

Photo from ●【爆廢公社公開版】● FB

老闆後續做法被嘲幼稚

事件引起網民熱烈討論，認為店家公開陳女資料嘅做法唔恰當，另有網絡紅人搜出老闆FB帳號，以及多年前參加節目跳唱嘅圖片。據知，大批網民曾因此湧入咖啡店嘅社交平台留言，Google嘅評論一度降至1.5星，但今日（18日）唔少人發現Google評論刪到變100條，評價都上返變4星。另有網民發現，老闆關閉其中一個FB帳號，更將帳號改為陳女個名，被網民批評做法幼稚。

Photo from Cheap FB

向警方提出刑事控告

據報，陳女曾要求店家下架限時動態上貼出嘅個人資料及相片但被拒，陳女坦言店家舉動嚴重影響佢同親友嘅私生活，指「今後踏進咖啡廳、餐廳都會有陰影」，夜晚都唔敢出門放狗，現時，陳女已向警方提出刑事控告，認為店家嘅做法涉嫌公然侮辱罪、加重排謗罪、侵害隱私權、肖像權及名譽權等，並要求店家3日內聯繫律師說明，否則將依法追究刑事民事責任。

Photo from Cheap FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

客人怒斥餐廳難食要求免收費見人投訴成功有樣學樣最後待應姐姐咁處理

20 Jan 2023

只要在香港從事過服務業，必然遇過不少無理又麻煩的客人，面對種種辛酸及委屈，很多時候只能忍氣吞聲，息事寧人。最近有網民分享影片，當中有一對男女在茶餐廳用餐後，向待應投訴食物難食，要求餐廳完全豁免收費。期間待應向女子解釋狀況及理論，但對方堅持不付錢，最後待應無奈屈服。事件引起網民熱議，紛紛批評食客要求無理兼面皮厚。

Photo from 香港茶餐廳及美食關注組 FB社團

見隔離枱投訴有樣學樣疑似想食霸王餐？

上星期六（14日）有網民於FB公開社團「香港茶餐廳及美食關注組」分享一單關於「西店 vs 西客」的茶餐廳見聞，他上載一段影片，並以文字描述當時情況，片中有一對老年男女找待應理論，該名女士向待應投訴，指茶餐廳的食物味道強差人意，據影片上傳者指，事發前有另一枱客人不滿該店的食物質素，要求豁免收費，不過據稱這枱客人幾乎沒有吃到食物就離開。而片中老年男女則吃過部分食物並喝完凍檸水，然後再有樣學樣投訴，指食物質素參差，與待應爭論帳單費用，要求完全豁免收費。

Photo from 香港茶餐廳及美食關注組 FB社團

自稱是餐廳常客不滿食物款式過少

根據片主的文字描述及影片顯示，待應向該老年男女收取飲品費用，但該女士一直吵鬧，要求豁免全部收費，又自稱是餐廳熟客「你明㗎，我地都係樓上樓下，即係成日都嚟呢度食㗎」其後該女士開始投訴，指今次用餐體驗很差，批評食物款式選擇少「真係好差，咩咩海南雞又冇，跟住呢個呢…跟本唔係擺落口… 呢個又冇蝦…好少，…又冇薯條，我想食羊扒果個…但係果個又係冇。」該女士又提到先前不滿食物而投訴的客人，強調自己亦只吃了很少東西，，最後待應選擇息事寧人，表示二人帳單收費全免。

Photo from 香港茶餐廳及美食關注組 FB社團留言

Photo from 香港茶餐廳及美食關注組 FB社團

網民批評食客面皮厚兼呃飲呃食

不少網民看過影片及文字描述後，指該女直吃完飯才投訴食物有問題，目的就是「食霸王餐」，又批評她面皮厚兼無理取鬧：「人無恥便無敵」、「唔掂咪以後唔好幫趁囉，呃飲呃食好乞衣啫」、「活左幾十年人第一次聽到唔好食，可以唔俾錢走人，如果係咁香港好多食店可以提早結業」有人則指餐廳若遇上這種客人，建議報警處理：「報警，唔好食就下次唔好再食，食左就要比錢」、「講多無謂，唔比錢就報警」、「直接報警話有人食野唔比錢算啦，同佢理論都多餘」同時亦有網民笑問：「到底係邊間連續兩檯人都話難吃呢?」