陳靜淡妝驚現「細眼」嚇親網民，姚子羚豆豉眼再現？網民：眼妝對佢好重要

性感女神陳靜(Dada)一向樣貌身材正，社交平台上不時大派福利，近日出席ViuTV新劇活動時，為符合劇中單身媽媽形象，Dada收起傲人身材，更以淡妝上陣，但就令唔少網民嚇親！

Photo from 陳靜 IG

現年34歲嘅陳靜(Dada)擁有甜美樣貌、火辣身材，出道15年參演過電視劇、電影，係唔少人心目中嘅女神。上周三（17日），Dada出席ViuTV新劇《法與情》拜神儀式，劇中飾演被控誤殺嘅單親媽媽Liza，為符合劇中單身媽媽形象，Dada當日着寬鬆裇衫、牛仔褲，並以近乎素顏嘅淡妝現身，但就有唔少網民都直呼「嚇親」，話認唔到Dada，覺得妝前妝後唔同樣：「眼妝對佢好重要」、「咁佢平時個妝都幾濃」，仲有人直接貼出姚子羚嘅經典「表哥」惡搞圖。

Photo from Viu1 HK YouTube

Photo from Instagram @viu1hk

Photo from Instagram @viu1hk

Photo from 連登討論區

Photo from 連登討論區

Photo from 連登討論區

Photo from 連登討論區

Photo from 連登討論區

Photo from 連登討論區

即睇更多人氣文章：
【iPhone15預測】iPhone 15預計9.15上市，螢幕尺寸增加／靜音、聲量鍵將被取代？
22歲孕婦生仔 產房4男自稱爸爸？等候過程緊張激動 真相揭開故事超感人

隔日（18日），Dada即刻上載返輯靚相，見到Dada化咗全妝，舉起相機大派福利，令唔少網民心心眼。

Photo from 陳靜 IG

事實上，Dada唔係第一次素顏演戲，去年於電影《被消失的凶案》中便以素顏演繹早婚媽媽，雖然同社交平台上嘅相係有啲分別，但皮膚狀態都係咁好！

Photo from 《被消失的凶案》預告截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳靜行山晒身材，手臂比例奇怪惹 P 圖疑雲！網友：路飛？係未食咗橡膠果實？

3 Mar 2021

31歲嘅陳靜（Dada）近年愛上咗行山，不時都會喺社交網上傳自己行山嘅相，大騷玲瓏浮凸的身材，因此唔少網友都讚佢逆齡仲愈嚟愈靚。雖然性感小背心加貼身褲相當吸睛，不過近日佢上傳嘅一張行山相，大家嘅 focus 就唔係佢身材上，而喺係佢隻手上呀！

陳靜出道以來出名火辣性感，不時都會 share 靚相派福利。近日一張去南丫島郊遊嘅新相中，見佢身穿黑色緊身背心，身材玲瓏浮凸，再加上小蠻腰，真係索到爆！

不過一眾網民除咗讚佢又 Fit 又靚之外，唔少人嘅重點都放咗喺 Dada 嘅手臂上呀！

相中 Dada 望向大海展開手臂，不過就咗睇張相，大家有冇發現佢隻手好似長得有啲誇張，比例好似怪怪咁，難免引起大家懷疑佢 P 圖勁咗。

見到 Dada 嘅手臂比例咁奇怪，網民當然會懷疑佢係因為 P 圖過度搞到咁：「隻右手好『修』長，唔係，應該係話修到好長！點解要咁做？」、「隻手應該就咁可以摸到個膝頭」、「隻手可以辦去對面海」、「無法可修飾的一對手」，更有網民搞笑問佢係咪食咁路飛嘅橡膠果實，手臂可以伸縮自如，非常搞笑。

有人笑，亦有網友為佢平反指「其實應該係wide鏡張邊緣位拉長咗」、「係咪攝影師用咗廣角鏡企得太埋影」、「Wide鏡都會有依d效果」

而 DaDa 本人睇到啲留言，都忍唔住都為自己平反指自己絕冇P圖：「睇完大家啲留言我都覺得好好笑...不過邊有人會P長自己隻手......真係影出嚟係咁，我懷疑我係一路郁住影所以先會咁。」佢咁講又冇錯喎，方會有人 P 圖係 P 自己隻手嘅呢？