芝士控必去！農夫包必食溶岩芝士炸雞同芝士韓醬牛肋麵包～紫薯年糕吐司令人好驚喜啊！

位於觀塘嘅小火焰韓式咖啡餐廳，絕對係「芝士迷」打卡首選！未入到門口，已經可以感受到濃濃嘅韓味，好似飛咗轉韓國咁啊！
Photo from presslogic

餐廳裝潢有D似cafe嘅輕鬆格局，亦有好多大電視播放韓國明星MV，令到成間餐廳都充滿韓風！女仔男仔都一樣鍾意啊～而呢間餐廳提供多款以芝士為主嘅菜式！
Photo from presslogic

同好多識食嘅香港人一樣，小編都好熱愛熱辣辣，又可以拉到絲嘅芝士！一場嚟到，點都要試吓餐廳主打菜--農夫包！

1)溶岩芝士炸雞麵包 $128
大大個芝士麵包，裝滿好多芝士啊！單係個賣相就冇得輸～炸雞脆口皮簿，本身已經淋咗小小芝士汁，如果仲未夠芝士味，識食一定會將成舊炸雞浸埋落芝士麵包！更加濃芝士
香。而食完炸雞之後，介可以將麵包外圍鬆脆嘅部分食咗佢！一樣可以沾拉絲芝士食～都好好味嫁！
Photo from presslogic

2)溶岩芝士韓醬牛肋麵包$125
韓醬牛肋就食得多，但有冇試過韓醬牛肋加芝士呢？當見到牛肋插係芝士海中，小編都心心眼！最令小編surprise嘅係，牛肋肉好唸好入味！再加上大量芝士一齊食，真係好邪惡啊！
Photo from presslogic

3)拉絲芝士bb豬肋骨伴泡菜炒飯 $88
想主食食飯？呢個泡菜炒飯就岩晒你啦～豬肋骨炆得好入味，淡淡芝士醬汁同飯非常match～而且，炒飯都有少少泡菜辣香。飯入面有青椒，紫菜，粟米冋泡菜，撈埋芝士一齊食真係無得輸！
Photo from presslogic

4)牛面珠墩$168

牛面珠墩真係好唸，咸咸地～加埋簿餅點埋醬汁一齊食！真係好香～牛面珠墩嘅味道有少少似牛展～鍾意食牛嘅朋友都唔好錯過啦～

Photo from presslogic

唔好以為得主食啊～呢度嘅甜品都好出色嫁！全部都係依加韓國最hit，係IG／FB上最紅嘅甜品～

5)桃子雪花冰$68
呢個近日hit爆Facebook嘅甜品絕對係小編嘅最愛！桃子雪花冰酸酸甜甜，再加埋水蜜桃練奶～真係好開胃！最重要係，價錢相比其他餐廳嘅桃子雪花冰，都較為平！而且仲要係季節限定，要食桃，識食梗係揀呢個季節啦～
Photo from presslogic

6)草莓忌廉蜜瓜雪花冰 $138
好多蜜瓜，而且全部都好甜好fresh～淋上練奶又更加香滑！加埋酸酸甜甜嘅士多啤梨，真係好match～呢個絕對係飯後甜品最佳之選！
Photo from presslogic

7)蜜瓜沙冰$42
好香蜜瓜味～俾人一種好清新嘅感覺～一個人飲一杯都好飽，同閨密share飲就最sweet最好啦～而且價錢都唔貴，小編推薦啊！
Photo from presslogic

8)柚子蜜糖紫薯年糕吐司$58
忌廉年糕竟然都有紫薯味！？口感好特別，年糕都算煙韌！不過，柚子嘅味道有少少蓋過紫薯。而係香港，可以食到紫薯年糕吐司嘅餐廳真係好少！大家值得一試～
Photo from presslogic

營業時間: 星期一至日 12:00-22:30

電話號碼: 35496060

地址 : 觀塘觀塘道410號觀點中心1樓1號舖( 港鐵觀塘站 A2 出口, 步行約5分鐘)

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）