《東張西望》主持區永權4度遭鄰居高空擲物，逾十粒玻璃碎不忍報警，網民建議：報埋《東張》！

By Wing Ws on 24 May 2023

Digital Content Writer

高空擲物非常危險，隨時危及他人安全。TVB《東張西望》主持區永權昨日再出post，表示自己多次遭到樓上鄰居高空擲物，除咗遮、吸塵機棍，仲收到散落一地嘅玻璃碎，有唔少網民都叫佢報《東張西望》處理！

Photo from TVB

收逾10粒玻璃碎嬲到報警

《東張西望》主持區永權昨日（23日）出post，表示自己再遭樓上鄰居高空擲物，今次仲係「為數超過10粒嘅玻璃碎」，區永權貼出家中露台散落嘅玻璃碎，指無人因此受傷，雖然唔係第一次遭鄰居高空擲物，但「充滿殺傷力個玻璃碎，都真係第一次」，令區永權感到氣憤，表示已經報警，更告誡惡鄰：「無論你係有心？定係無意？請好自為之！」

Photo from 區永權 IG

多次收鄰居「天降厚禮」

事實上，上年1月至今，區永權已四度出post控訴樓上鄰居惡行。去年1月，區永權家中騎樓便收到吸塵機棍嘅「天降厚禮」，照片中嘅吸塵機棍彎咗，而騎樓邊亦出現凹位，雖然未有人中頭獎，但區永權心有餘悸指：「如果當時正正係姐姐晾衫時候，咁就大劑！」又指樓上不時掉落雜物，如煙頭、紙巾、螺絲、垃圾等，佢懇請鄰居高抬貴手。

Photo from 區永權 IG

跌遮揼爛地磚

時隔2個月，區永權再出post貼出鄰居揼落家中露台嘅遮，直言：「忍無可忍！！！」見到把遮已彎曲，擲落嘅地磚更已破裂，具有撞擊力，區永權表示將會保留一切法律追究權，並勸告該名高空擲物嘅鄰居：「假若閣下想辯解只是無心之失的話，那麼就務請閣下將一切雜物遠離你家露台，切勿以身試法！」

Photo from 區永權 IG

理直氣壯拆棚揼索帶

上年8月，區永權更影到樓上住客拆棚嘅時候，直接往下揼索帶嘅影片，見到片中嘅索帶好似落雨咁跌落露台，搞到一地索帶，而更過分嘅係，當管理員提醒出言時候，有關人士態度竟理直氣壯，仲話：「咁拆棚係咁㗎啦！」令區永權非常無語：「呢個態度，簡直係無得頂！明明好嬲，但又好好笑！」

Photo from 區永權 IG

網民建議報返《東張西望》

見到樓上鄰居嘅惡行，網民都非常氣憤，斥責鄰居行為一次比一次離譜，除咗建議區永權報警、報管理處，仲叫佢報埋《東張西望》：「先同管理處講，再報東張西望，順便報警備案」、「東張快啲做嘢」、「找吳幸美追真兇」、「東張幫到你多過管理處喇」，更有網民建議：「你做東張西望嗰時都可以講下」，連區永權都話：「好多人建議我搵東張西望！」

Photo from 區永權 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

《東張西望》主持梁菁琳貼身衣著屢惹批評？！長文解釋服裝打扮，愛著緊身衫獲封「東張女神」！

23 Mar 2023

TVB《東張西望》新一代「東張女神」梁菁琳（Katerina）憑苗條身材獲得網民關注。不過有網民指佢試過著緊身衫採訪小朋友，認為佢嘅衣著似乎唔太恰當引起熱議。Katerina就曾親自解釋穿著「清涼」嘅原因！

Photo from 梁菁琳IG

新一代「東張女神」梁菁琳

梁菁琳（Katerina）喺上年參加《香港小姐》競選，可惜於最後12強止步，但依然獲大台賞識簽約成為旗下藝人。現時佢有份主持大台人氣資訊節目《東張西望》，憑亮麗外型成功引起網民們嘅關注！

Photo from 《We Miss Hong Kong 香港小姐競選準決賽》

Photo from 梁菁琳IG

加入做《東張+》負責採訪科技新聞

TVB早前推出《東張西望》升級版《東張+》，並喺《東張+》記者會中就公佈主持人班底，而主持人都被分配負責唔同專題嘅報導，包括：娛樂、體育、健康醫美等；當時梁菁琳獲安排負責採訪科技資訊。

Photo from 娛樂新聞台

過往曾被讚口才了得

而梁菁琳喺節目中嘅採訪表現都唔錯，喺採訪「後巷盆菜」事件時憑口才成功問到食店負責人口窒窒，獲網民大讚頭腦清晰！除咗採訪技巧備受熱議之外，佢喺節目中嘅衣著打扮都成為咗熱議嘅話題之一？！

Photo from 《東張西望》

最近佢喺電話訪問呢個環節中因為著上V領緊身上衣而展現咗豐滿上圍，亦引起網民熱議指雖然件衫算「密實」，但係Katerina嘅好身材依然表露無遺！

Photo from 《東張+》

被網民批評衣著太「清涼」，似乎唔太恰當？！

之前亦有網民認為佢嘅衣著過分「清涼」，當中有一張截圖就見到佢身穿低胸裝「摀低身」同小朋友做訪問，被網民批評易教壞小朋友？！翻睇返佢過往喺節目嘅打扮，佢都願意毫不吝惜咁大晒完美身材，當中以緊身咖啡色毛衣及露肩貼身衫最受網民歡迎！

Photo from 《東張西望》

梁菁琳解釋著貼身衫背後原因！

梁菁琳出席活動時曾被傳媒詢問衣著問題，佢就大方回應「著貼身啲係為咗方便做嘢！」希望觀眾能夠更關注佢嘅報導。不過佢亦感謝網民讚賞佢嘅身材，直言「相信靚嘅事物大家都鍾意睇！」原來佢選擇著得貼身都係為咗工作！

Photo from 梁菁琳IG

Photo from 《東張西望》

後來佢亦喺IG發表長文，表示參加《全能司儀選拔大賽2022》時被指「賣弄性感」，佢重申採訪時正值夏天，為方便去後巷視察或喺室外追住路人訪問，以及避免衣服會被器材或者周圍環境勾到，佢都以貼身衣著出動。

Photo from 梁菁琳 IG

梁菁琳又指知道自己身形比一般亞洲女性曲線天明顯，但唔認為要故意隱藏自己嘅身形。佢表示希望觀眾會留意佢嘅採訪技巧同埋工作態度。

Photo from 梁菁琳 IG

入行前於新加坡擔任獸醫

其實平時梁菁琳喺IG上載嘅照片，相信佢自己私底下都比較鍾意貼身及清涼嘅衣服呢～除咗擁有完美身材之外，梁菁琳亦非常有才華！喺參選之前佢喺新加坡專科醫院擔任獸醫，曾於澳洲著名嘅悉尼大學以雙重一級榮譽畢業，後來因為疫情關係選擇辭職返港陪家人。入行後，佢透露自己依然關注動物福利，希望能夠一邊從事演藝工作，一邊幫助小動物，真係好有愛心～