陳冠希夜場復出唱13年前經典歌，重現「壞男孩」姿態！網民：果然係男神！
近日，陳冠希受邀到上海夜店擔任表演嘉賓，仲唱出13年前發布歌曲，帶熱全場氣氛，雖然男神就嚟43歲，但網民都覺得仲係咁靚仔，好似見到當年嘅「壞男孩」！
Photo from 陳冠希 IG
42歲陳冠希(Edison)曾經係唔少女性心目中嘅男神，壞男孩形象深入民心，2008年宣布退圈後主力其潮牌生意，曾被稱為情場浪子、緋聞多多嘅陳冠希其後與內地名模秦舒培結婚，誕下囡囡Alaia，婚後嘅陳冠希將大部分時間放喺潮牌事業及家庭上，成為大眾眼中嘅「竉女狂魔」及顧家好男人。
Photo from 《新紮師兄》劇照
Photo from 陳冠希 IG
回歸家庭嘅陳冠希近年被指顏值跌Watt，唔少網民都認為佢顏值已經不如以前，仲有少少老態！
Photo from 微博
唱13年前經典歌
近日（26日），陳冠希受邀到上海夜店擔任表演嘉賓，身穿寬鬆深藍色polo衫、鴨舌帽登場，睇落充滿活力！當日，陳冠希更唱出13年前發布歌曲〈Salute〉，客人更興奮回應，現場氣氛高漲！唔少客人將現場表演拍下放上社交平台，大讚陳冠希雖然老咗，但表演仍有當年「壞男孩」嘅感覺，仲好似重回顏值巔峰咁靚仔！
Photo from 小紅書
Photo from 小紅書
Photo from 小紅書
Photo from 小紅書
Photo from 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
余文樂遭野生捕獲被指走樣！大細眼顏值輸素人，網友指不如陳冠希
10 Mar 2023
余文樂成立嘅潮牌「MADNESS」實體店執笠，但佢仍然都好關心潮流，近日有內地網民喺小紅書分享與余文樂嘅合照，豈料網友卻直言余文樂走晒樣，更現大細眼，甚示顏值還不如路人，又將佢同死對頭陳冠希作對比，指佢完敗？！
Photo from 微博
內地網友小紅書分享余文樂合照
余文樂2014年成立嘅潮牌「MADNESS」最後一間實體店正式結業，不過網站仍照常運作。雖然實體店有做清貨大減價，但由於只有5～7折令唔少網民大為不滿。余文樂一於少理，繼續喺IG分享品牌嘅新衫。
Photo from 余文樂 IG
近日小紅書有內地網友喺日本「野生捕獲」余文樂，該網民稱曾經喺香港同表參道遇到佢，並指余文樂嘅車同打扮都好易認。今次佢喺原宿行街又見到余文樂，於是就主動問對方可唔可以合照，佢大讚余文樂：「本人超nice，耐心聽我介紹，好笑容的一起拍照」
Photo from 小紅書
Photo from 余文樂 IG
余文樂被指走樣現大細眼
不過網友分享嘅合照中卻見現年41歲嘅余文樂臉上歲月痕跡頗為明顯，額上現「火車軌」，滿面鬚根，而且更有「大細眼」問題，雖然與佢合照嘅網民大讚：「他（余文樂）帥」，但余文樂嘅顏值仍被唔少網友質疑。
Photo from 小紅書
Photo from 小紅書
有網友直言：「怎麼老得這樣狠」、「大小眼真的有點嚴重了」，更直言佢顏值比唔上素人：「他是老頭子」、「適合演鄉村愛情故事」。睇返當日余文樂老婆王棠云應該都在場，余文樂IG有一張合照，佢嘅衣著打扮與當日被捕獲時一模一樣，不過余文樂自己post嘅樣大細眼同臉上瑕疵無咁明顯。
Photo from 小紅書
Photo from 小紅書
Photo from 余文樂 IG
陳冠希近日顏值重返巔峰狀態
近年余文樂多次被指現老態，喺佢公開嘅運動片段亦可見到佢已有白頭髮。余文樂嘅「死對頭」陳冠希早年亦同樣被指顏值走下坡，昔日俊臉不再，眼紋勁深、神情憔悴。但最近佢同梁朝偉、劉嘉玲夫婦合照卻獲讚重回顏值巔峰。
Photo from 余文樂 IG
Photo from 陳冠希 IG
Photo from 陳冠希 IG
外界常比較陳冠希、余文樂
余文樂同陳冠希出道以嚟屢傳不和，兩人又先後創立個人潮牌，陳冠希曾諷刺余文樂嘅潮牌「MADNESS」，余文樂毫不猶豫反擊。之後佢哋嘅潮牌實體店相繼執笠，但網友卻指陳冠希2折清貨大方過余文樂好多。
Photo from 《頭文字D》劇照
Photo from 陳冠希 IG
余文樂與陳冠希多年嚟都被人比較，今次連外型都唔例外，余文樂似乎好多方面都有不足之處，常被指略遜Edison一籌。
Photo from 陳冠希 IG
Photo from 余文樂 IG
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
