艾威重提離婚一事，提復合原因，坦言唔後悔：呢一步冇行錯
去年與太太參加內地真人騷《再見愛人2》嘅艾威，於節目中與太太成功復合，挽救18年婚姻，而引起話題。近日，艾威再於港台節目中重提離婚一事，認為當時離婚係「冇行錯」，又提到會選擇復合嘅原因。
Photo from 《再見愛人2》
前TVB「綠葉王」艾威3年前與太太陳美玲(Lisa)離婚，結束18年婚姻。去年，艾威與Lisa參加內地真人騷《再見愛人2》，首次公開二人離婚嘅真正原因，表示佢哋多次討論仍解決唔到「打麻將的問題」，更直言為此感到絕望，最終艾威下「最後通碟」後無果，而選擇結束婚姻。
Photo from 《再見愛人2》
事實上艾威同Lisa嘅愛情故事曾為一段佳話，幾年前Lisa患病，需切除子宮瘤，當時艾威已離巢，佢不惜花光積蓄，為太太先後做3次大手術支付費用，更一度考慮轉投補鞋行業。
Photo from 艾威 FB
節目中更曝光二人生活中嘅各個分歧，雖然艾威同Lisa分居兩年，但未有辦理離婚，Lisa亦坦承由始至終冇諗過要同艾威分開，仍深愛著對方。經過節目18日旅程後，兩人一步步解開心結，關係得到改善，最終，艾威選擇與Lisa復合，二人更於鏡頭前與Lisa表白，畫面感人。
Photo from 《再見愛人2》
坦言唔後悔離婚：呢一步冇行錯
近日，艾威接受港台節目《安哥同學會》訪問，重提離婚一事：「我係唔鍾意糾纏，因為我好攰，關於打麻雀呢個問題已經經過無數次，實在太攰，無辦法，如果再唔分開嘅話，我啲情緒可能有一日爆發出嚟，就一發不可收拾，就仲麻煩」，因此，艾威認為二人分開係在所難免：「我係喺無辦法當中，覺得呢一步係必需要做，咁又事實上，結果到而家發現呢一步冇行錯」、「如果當日冇行呢步，今時今日好多嘢唔同」、「如果唔離婚就做唔到呢個節目（《再見愛人2》）」。
Photo from 香港電台 網站
提復合原因
艾威指自己當時向Lisa提出上《再見愛人2》時，主要擔心對方嘅身體狀況，至於二人復合原因，艾威指：「係因為佢畀到一個好堅強嘅信念，即係為咗要復合，真係可以豁出去，連命都唔要」。
Photo from 《再見愛人2》
發現相處廿年太太優點
喺節目中，艾威更發現Lisa一個優點：「佢傻傻哋，即係有一次玩遊戲，我哋要調轉身份，佢扮我扮到好好笑，笑到眼水都流埋⋯⋯呢個（優點）竟然我哋相處咗幾廿年留意唔到佢呢樣嘢」。
Photo from 《再見愛人2》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
再見愛人2｜艾威從不做家務，反斥前妻執屋破壞設計！被嘉賓指：找籍口
17 Nov 2022
內地真人騷《再見愛人2》播出第三集，艾威與佢前妻陳美玲（Lisa）再次公開佢哋夫妻相處嘅矛盾，艾威唔做家務，Lisa一個人做嘢反而被佢話「破壞晒心血」，艾威一番言論遭節目嘉賓斥佢搵籍口。
Photo from 《再見愛人2》
艾威不滿前妻Lisa打通宵麻將，決意離婚
艾威同Lisa於2020年宣佈結束18年婚姻，雖然未有辦理離婚，但兩人已分居兩年。喺節目中艾威公開佢哋離婚係因為身體唔好嘅Lisa經常不顧健康通宵打麻將，艾威勸說多次不果，18年婚姻終走到盡頭。
Photo from 《再見愛人2》
當時唔少網民同情艾威，認為佢係為妻子身體著想，又指無老公會忍受到老婆日日打通宵麻將。不過新一集播出後有網民就發現艾威夫妻嘅問題並唔係淨係打麻將咁簡單。
Photo from 《再見愛人2》
艾威從來唔做家務，理由係屋企由佢設計
3對夫妻一齊傾偈時Lisa透露艾威從來都唔做家務，而艾威就表示都係有原因，Lisa叫佢同大家講佢嘅理由，艾威稱佢哋屋企裝修擺設都係由佢親自設計，全部都係佢嘅心血，直斥屋企「給她（Lisa）破壞了」。
Photo from 《再見愛人2》
Photo from 《再見愛人2》
艾威指Lisa執屋搞到屋企有唔少雜物，令佢唔知點清理，又強調家中一切都係佢所設計，因此亦好重視每個地方點擺設。當節目公開艾威Lisa屋企時錄影室有嘉賓忍唔住話：「這不就是掛飾？這設計了啥呀？」
Photo from 《再見愛人2》
Photo from 《再見愛人2》
Photo from 《再見愛人2》
Photo from 《再見愛人2》
Photo from 《再見愛人2》
艾威斥Lisa執屋浪費佢嘅心血
艾威續指佢同Lisa曾經為呢件事嗌交，佢指Lisa好亂，艾威更同Lisa講：「你浪費了我的設計」佢指：「這個家不是這樣清理，你要整理」艾威稱屋企咁多衫同雜物，佢唔知可以點處理，於是放棄咗，決定將家務交由Lisa負責。
Photo from 《再見愛人2》
但之後艾威又買咗本書畀Lisa，叫佢睇下人哋咩叫整齊、咩叫簡潔，然後話Lisa整理嘅屋企唔係佢想要嘅簡潔。艾威更表示自己試過發脾氣將家中佢唔知係咩嘅嘢拎落地。佢講完之後，另一對夫婦嘅女方聽完艾威嘅理論後直言：「你還有理？！」
Photo from 《再見愛人2》
Photo from 《再見愛人2》
Photo from 《再見愛人2》
Photo from 《再見愛人2》
Lisa就表示都有埋怨過丈夫，一啲都幫手處理家務，仲要投訴佢做得唔好，但試過交返畀艾威處理，佢聲稱會慢慢搞，卻擺咗喺度勁耐，最後都係Lisa自己處理返。
Photo from 《再見愛人2》
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
