洪卓立首情侶檔出活動驚現「幸福肥」！指有計劃增肥，網民：以為係肥腸！

By Wing Ws on 01 Jun 2023

Digital Content Writer

洪卓立(Ken)與女友劉沛蘅(Hillary)自去年認戀後，社交平台上不時貼出兩人合照，非常甜蜜。昨日更首次以情侶檔出席活動，公開放閃，更有網民發現洪卓立出現「幸福肥」！

Photo from 洪卓立 IG

意外直呼男友「阿B」勁甜！

昨日（31日）首次以情侶檔出席活動，活動上，兩人全程笑個唔停，Hillary翹實男友手臂又挨對方肩膊，不斷放閃光彈，Hillary仲好順口咁直呼男友「阿B」，搞到阿Ken紅晒面，大家即時講笑咁跟住嗌，Hillary笑住回應：「你哋唔準叫佢『阿B』！係我叫㗎！」

Photo from Viu1 HK YouTube

指結婚「指日可待」

嚟緊6月8日係Hillary生日，大會準備咗蛋糕，切蛋糕嘅時候，Ken仲好鬼馬咁叫大家：「飲多杯」，十足結婚擺酒咁。講到結婚計劃，Ken表示：「指日可待」、「大家有共識」，睇嚟不久將來可以見到Ken同Hillary嘅好消息！

Photo from Viu1 HK YouTube

網民以為洪卓立係肥腸

不過，唔少網民都直呼「認唔到」洪卓立，見到佢唔止塊面變得圓潤、多咗雙下巴，身型都漲咗啲，似乎係出現「幸福肥」，有網民話好似變咗徐浩昌（肥腸）咁，亦有人問係咪同Hillary食多咗住家餸！

Photo from Viu1 HK YouTube

Photo from 連登討論區

Photo from 肥腸 IG

指有計劃增肥

Ken接受訪問嘅時候，表示自己「有計劃地增肥緊，我係咁做gym係咁食嘢，其實冇為啲乜嘢，除咗內在身體健康，想外再睇落都好啲，畢竟都幾廿歲人，都想個樣好啲嘅」，又講笑話：「幾唔好彩地，佢(Hillary)俾我搞到肥咗」，指過多半個月至一個月，會互相督促減磅。

Photo from Viu1 HK YouTube

網民覺得增磅係好事

事實上，Ken嘅身體狀況不時引起歌迷擔心，前年5月，Ken在內地開工時突然暈倒，據悉醫生表示佢情況一度危殆。此外，洪卓立曾於2009年因肺積水復發入院，當時有指他情況危殆，令「死訊」謠言喺網絡上瘋傳。對於男神增磅，有網民認為係好事，表示寧願見到Ken健康嘅狀態，都唔想聽到佢嘅「死訊」。

Photo from 洪卓立 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Hillary劉沛蘅教路唔好同男友前度比較！洪卓立湯怡分手後各覓真愛

1 Sep 2022

洪卓立與《膠戰》女主持Hillary（劉沛蘅）公開戀情後一直愛得高調，近日Hillary喺IG Story玩「你問我答」，有網友問佢點避免同另一半嘅前度做比較，Hillary以好長嘅篇幅回覆，引起熱議！

Photo from 洪卓立IG

洪卓立與Hillary公開戀情，愛得高調

喺2022年初時洪卓立就喺IG Story公開Hillary同狗狗嘅親密合照，疑似公開新戀情，不過佢好快就delete返個Story，有網友發現Hillary經常會like洪卓立嘅IG，雖然雙方未有承認戀情，但好多網友已為佢哋送上祝福。

Photo from 洪卓立IG

到3月30號洪卓立於IG發文大方認愛，佢大讚女友：「佢係我見過最善良最有愛心嘅女仔，我哋每一日都好開心。」仲護花表示：「我會努力，令她成為『貪慕虛榮』的人」，翌日立立再公開女友與愛犬嘅合照，連環放閃。

Photo from 洪卓立IG

公開戀情後兩人都經常大方晒合照，彼此嘅IG都分享好多與戀人嘅生活日常。不過畢竟洪卓立前一段戀情十分為人熟悉，當時佢同湯怡未能修成正果亦都有唔少人大感可惜，Hillary難免會被外界拎嚟同洪卓立前任作比較。

Photo from 洪卓立IG

Photo from Hillary IG

Hillary表示唔好拎自己同男友前度比較

近日Hillary喺IG Story同網友玩「你問我答」，佢透露自己同洪卓立係打台灣牌認識，佢又公開同男友嘅合照，非常甜蜜。有網友問佢：「如何唔攞自己同另一半嘅前度做比較？」

Photo from Hillary IG

Hillary指自己都收到好多類似嘅問題，佢嘅回答亦頗長，佢坦言呢個世界總會有人比自己優秀：「但你另一半選擇嗰個係你吖嘛」，佢指每個人都有自己獨特魅力，要相信自己：「與其花時間去比較，令自己胡思亂想，不如好好建立屬於你同另一半嘅感情同回憶吧！」

Photo from Hillary IG

曾拍拖11年，洪卓立同湯怡分手收場

洪卓立曾經同湯怡拍拖11年，2018年兩人宣佈分手，令一眾網民大感震驚。事後洪卓立出席活動時談及分手一事更忍唔住落淚，但佢維護女方指二人之間唔存在第三者，而係因了解而分開。事實上佢哋「分手仍是朋友」，一直都有互相like IG，分手3年後湯怡宣佈與麥秋成奉子成婚，洪卓立亦大方留言祝福：「恭喜恭喜！身體健康！幸福快樂！」