內地業主拆主力牆打通全層42單位，多戶家中出現震撼裂縫！300居民陷恐慌

拆主力牆影響樓宇結構安全。日前，內地一名業主買起成層單位並進行改裝，計劃打通全部牆，裝修成娛樂場所，但就引起300名居民嘅恐慌，有關報道於內地引起熱議，網民質疑業主做法係直接將樓上9層單位變危樓。

Photo from 《今日關注》節目截圖

先斬後奏改裝被指野蠻

據內媒報道，日前，內地廣東肇興四會市一位業主大手筆購入一座大樓二樓全部42個單位並進行改裝，計劃將全部牆打通後，裝修成娛樂場所。影片中，現場多面牆體已被打通，多條柱被截斷，鋼筋都裸露出嚟，據了解，涉事2層面積約1,800平方米，當時拆除面積已達三分之一。為咗方便2樓嘅裝修建築運輸，施工人員更直接打穿1樓嘅天花板。更令人震驚嘅係，為提升拆牆進度，工人甚至將挖掘機吊上2樓施工。

Photo from 《今日關注》節目截圖

Photo from 《今日關注》節目截圖

Photo from 《今日關注》節目截圖

Photo from 《今日關注》節目截圖

Photo from 《今日關注》節目截圖

300居民陷恐慌

大樓其中一位業主管先生感到氣憤：「看到這拆的滿目瘡痍，這房子還結實嗎？」又指出：「這是11層的大樓，上面還住着300多戶，他們還要繼續進行施工，等他把這整個拆完以後，這裏一堵牆都沒有，就靠這幾個柱子去支撐整個大樓，萬一這個樓塌了，我們人怎麼辦？」

Photo from 《今日關注》節目截圖

即睇更多人氣文章：
盤點圈中9位「億萬駙馬」！袁偉豪張寶兒榮升父母、伍富橋與富貴老婆愛得高調
單身123年 婆婆徵求伴侶度餘生 1原因與男性隔絕來往 自爆至今仍是處女

多戶家中出現裂縫

喺樓下野蠻嘅施工下，樓上多戶業主家中都出現咗唔同程度嘅裂縫，業主陳女士指家中出現幾十條裂縫，有啲幾乎延申「到頂」。

Photo from 《今日關注》節目截圖

用埋挖掘機上2樓 物業管理謊稱睇唔到？

涉事物業服務公司經理回應記者提問時指：「（有人）嚟物業中心溝通過，意思話要打通晒（所有牆），當時我哋唔知道個機器（挖掘機）上去，佢同我講係人工拆除。」問到物業管理有冇發現業主用埋挖掘機上2樓，該名經理指：「呢個係我哋疏忽管理冇見到。」不過記者喺2樓電梯處見到裝修方案，3日嘅裝修都有物業管理嘅巡查記錄。面對記者質疑，物管表示當初曾要求2樓業主提供施工許可證：「應該要由業主去報備住建部門嘅施工許可證，所以當時我已經要求業主要提供呢份表，但到現時為止，佢都仲走緊流程。」

Photo from 《今日關注》節目截圖

Photo from 《今日關注》節目截圖

其後，記者將情況反映至當地住建局，工作人員指，佢哋喺接到投訴後，已立即組織專業人員到場巡查，住建局中心主任表示，呢個工程並無辦理施工許可。而住建局亦發下通知，要求業主停止施工，並會組織專家及第三方機構，鑒定樓宇安全。

Photo from 《今日關注》節目截圖

Photo from 《今日關注》節目截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日出康城單位改裝片被揭拆主力牆，5間銀行暫停該單位估價，網民：大鑊過凶宅

31 May 2023

將軍澳日出康城首都一間中層嘅三房單位，因打穿屋內主力牆改裝，而引起全城熱議。

Photo from 《易發睇樓團》

改裝單位拍片被揭拆主力牆

日前，28House《易發睇樓團》上載一段影片，介紹日出康城第一期首都一個三房單位，有指設計師為滿足業主想要酒店式套房嘅「三邊落床」及「兩邊床頭櫃」設計，將兩間睡房打通成一間主人房，但有網民發現對比圖同設計師描述有分別，質疑客廳與主人房之間嘅牆係大廈主力牆，做法影響樓宇結構。

Photo from 《易發睇樓團》

Photo from 《易發睇樓團》

業主主動安排裝上臨時支架

有關片段事後被刪，但事件於網絡上不段發酵，屋宇署前日（29日）於涉事單位進行調查，證實單位涉及違規情況，據知，有關單位嘅業主態度合作，已主動安排承建商於新門橫樑下安裝臨時支架，暫時分擔失去部分主力牆造成嘅危險。

Photo from 《東張西望》

涉事單位需於30日內完成工程

據屋宇署初步評估，被拆除部分以單位樓層計算，涉及約6%結構牆，並佔整層結構牆約1%，樓宇整體結構無危險。而署方已向業主發出指令，要求涉事單位須於15日內進行工程，並於30日內完成工程。

Photo from 《東張西望》

即睇更多人氣文章：
【iPhone15預測】iPhone 15預計9.15上市，螢幕尺寸增加／靜音、聲量鍵將被取代？
22歲孕婦生仔 產房4男自稱爸爸？等候過程緊張激動 真相揭開故事超感人

將跟進涉事設計師其他工程

另外，屋宇署表示，會跟進涉事設計師嘅其他工程，單位業主、設計師及施工公司都有機會要負責任。

Photo from 《易發睇樓團》

5間銀行暫停該單位估價

《東張西望》昨晚就事件訪問日出康城首都業委會前主席張志董，張志董透露，除咗樓宇安全，業主最擔心嘅係樓價問題，現時有大廈業主仍在放盤，唔少地產商、銀行紛紛表示唔接受。據報，現時有5間銀行已暫停對該單位嘅估價，包括滙豐、中銀、恒生、渣打及星展。

Photo from 《東張西望》

網民：凶宅處理方式？

事件引起網民熱議，唔少網民認為該樓宇單位樓價將受影響：「同凶宅一樣冇科學根據 但住嗰個覺得住得心驚驚 銀行估價都會就住估打個9折就緊㗎喇」，更有人指涉事單位「比凶宅更大鑊」、「仲衰過凶宅，凶宅唔會冧樓」。另有網民重提颱風山竹下搖晃嘅炮台山樓宇，認為今次事件只係冰山一角，分分鐘有唔少業主做咗唔出聲。

Photo from 連登討論區

Photo from 連登討論區

Photo from 連登討論區

Photo from 連登討論區