港女狂呻香港早餐太貴：無粉麵都成40蚊！網友認同指就嚟貴過午餐
早餐食飽飽先有動力開啟新嘅一日，不過最近早餐太貴卻引起網友熱議。有連登網民開post力斥依家嘅早餐價錢實在貴得太誇張，明明食材都唔算多，但屢屢要價近$40元，唔少網友表示認同。
曾經有研究指出3餐之中，早餐係最重要，因此要食得營養均衡同飽肚。香港人要返工多數都會喺餐廳食早餐，或者買外賣返公司食，畢竟如果喺屋企煮需要花唔少時間，可能仲要早起身，因此自己整早餐嘅相對嚟講都係少數。
最近喺連登討論區有網民以「依家早餐真係貴到好誇張」為題發文，樓主指連鎖餐飲集團一份早餐要成40蚊，而且早餐仲要唔包粉麵，只有一塊扒、炒或煎蛋、多士加一杯飲品就要$40：「前兩三年包埋粉麵都係around 36蚊」
唔少網民表示同意，呢個post正評已接近1,000，有網友指早餐價錢直逼lunch，不過近年午餐都貴咗好多，依家除咗兩餸飯之外，食個lunch分分鐘要成70蚊！有網友表示食唔起40蚊嘅早餐，亦有人懷念以前午餐只需40蚊嘅日子。
有人就指早餐收得貴，但質素卻非常參差：「淋pat pat大光麵、酸味咖啡、橡皮煎蛋、冰鎮午餐肉，咁就50蚊。」直言喺餐廳食早餐同交智商稅無分別。
不過有網民則表示自己無食早餐好耐：「輕斷食健康啲又慳到錢」，又指自己平時夜晚食好多嘢，所以唔使餐餐食得咁豐富，但有人反駁指日頭返學返工消耗得最多energy，所以早餐要食得豐富啲：「早餐對健康先緊要，你cut晚餐好過」
翻查幾間連鎖餐飲集團，西式嘅早餐如果要加扒類，售價的確較高，不過如果想食得飽肚啲，有啲公仔麵、通粉、米粉等套餐大約都係30幾蚊左右。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
日本旅行早餐之選！朝早食魚生！車站立食店／勁chill懷舊喫茶店！
20 Apr 2023
唔知大家有冇諗過去日本旅行食早餐嘅問題呢？可能係起身後想食完嘢再行景點，又或者唔想浪費早餐嘅Quota。近日，有網民喺「連登討論區」上以「去日本旅行，其中一個苦惱點就係諗食乜嘢早餐…」為題開帖，即引起唔少討論，唔少網民畀出建議，除咗便利店或酒店早餐外，亦有唔少選擇！以下為大家編選4款日本早餐，推薦畀返鄉下想外出食早餐嘅朋友。
Photo from shutterstock
連鎖牛井店
講到日本早餐大，牛井飯就不得不提！因為呢類連鎖牛井店都係24小時營業，加上幾乎每個地區都有一間分店﹐店內嘅早餐定食有味噌湯、菜、小食等配搭，係唔少上班族嘅福音！除咗香港已有嘅吉野家、食其家，大家都不妨試吓松屋、なか卯等一類未喺香港開分店嘅牛井飯店。
Photo from 【公式】松屋 Twitter
Photo from 松屋 網站
車站立食店
相信唔少人都聽過日本嘅立食文化，當中有唔少喺繁忙嘅日本車站開店店，唔少食店由朝早6點就開始營業，如池袋嘅「爽亭」麵店；秋葉原嘅「新田毎」可以食到蕎麥麵、親子丼、咖哩飯；品川月台嘅「常盤軒」可以食到天婦羅蓋飯。大家可以根據行程，搜尋附近車站嘅立食店，飽肚後再啟程～
Photo from Twitter
Photo from Twitter
日式cafe／喫茶店
日本喫茶店大家可能就食得多，喫茶店嘅早餐又有冇食過呢？喺充滿懷舊、日式風味嘅咖啡店坐下，冇人催趕，就好似進入咗一個與世隔絕嘅空間咁！慢慢食完早餐，再飲杯咖啡，相信會係一個非常chill嘅時間！喺喫茶店，大家可以食到西式早餐，更有網民分享：「最平300円（約港幣17元）已經有個set」，仲平過香港嘅茶餐廳早餐！除咗懷舊風味較重嘅喫茶店，亦有網民推薦コメダ珈琲店（komeda咖啡店）、Doutor Coffee等嘅連鎖咖啡店，表示味道都唔錯！
Photo from 連登討論區
Photo from Twitter
魚市場
如果住喺魚市場附近嘅朋友，絕對可以善用早餐嘅quota，去魚市場食個刺身飯作為早餐！有魚市場朝早6點就會開放，大家都可以事先查看所到城市有咩魚市場，及該地嘅開放時間。
Photo from PressLogic
Photo from PressLogic
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
遊日必睇！食拉麵5大禁忌！分分鐘踩中地雷｜湯底要飲晒？食麵食到大大聲先叫尊重？
19 Apr 2023
不少人去到日本千里迢迢除了食壽司之外，最吸引人的就是拉麵了，熱騰騰香濃幼滑的湯底，湯頭更加是千變萬化，不過不得不說原來日本人的規矩多多，很多看似雞毛蒜皮的行為，但對於日本人來說原來是地雷？就連對於遊客他們亦會有很多意見，不想難得去個旅行會受人白眼，就要留意以下「食拉麵要注意的5件事」，下次出門旅遊就放鬆得多了！
Photo from Getty Images
1）食麵緊記發出聲音
從小到大媽媽都教導食飯時盡量不要發出任何聲響，因為會給予人沒有禮貌的標籤，但原來在日本拉麵店中，食拉麵時發出聲音是對廚師的尊重。在日本人的眼中，食麵食到「殊殊聲」是對師傅的手藝讚嘆不絕的表現，而且嘴巴發出聲音更有助麵條冷卻，不輕易會燙到嘴。
Photo from shutterstock
2）筷子必須放在筷子架上
香港人食麵都有種習慣，會將筷子插在未食完的湯麵或飯上，但其實此舉給人留下不好的印象，因為日本人認為筷子直插在食物上等於插在墳墓上，老一輩會視為不敬的行為，就算食到中途要放下筷子都只能放在筷子架上，就連吐出來的骨頭都要放回碗內以示尊重。
Photo from 《關西攻略二》TVB
3）每人至少要點一碗拉麵
有些女生出門旅遊總喜歡「小食多滋味」，因為女生胃口不大，旅行時到餐廳用餐總愛跟朋友分食食物，但對於日本人來說，多人分食一碗拉麵絕對是一大禁忌！若果真的未能食完一碗拉麵的話於點餐時可以跟店員要求「少麵」，又或者點店內其他的小食例如煎餃等等，觀感也會比較好。
Photo from shutterstock
4）湯底一定要飲到一滴不漏
不少人都知道，決定一碗拉麵好不好食最重要的就是其湯底，因為「湯底就是拉麵的靈魂」，而本著這個精神，所以日本人為尊重拉麵店的老闆都會於用餐的最後把湯底全部喝光光，如果怕湯底很鹹而喝不完的，有網民指盡量選擇到遊客區的拉麵店店員會比較寬容。
Photo from shutterstock
5）拉麵店其實是速食
很多遊客到外地餐廳用膳都愛一邊食飯一邊聊天，但其實拉麵對於日本人來說是個速戰速決的美食，就似麥當勞在香港人心目中一樣，就算已經食完在等身旁的友人都盡量不要跟他聊天，因為若果外面有客人在等位置很有可能你就會被遭受到白眼了。
Photo from shutterstock
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
