飛機客艙未來將變兩層座椅？增加10%座位，網民：好大壓迫感！

旅遊攻略旅遊新聞優惠時事熱話

By Jennifer on 08 Jun 2023

Digital Editor

今晚食乜餸：小二，嚟一碟花生！

大家平時搭飛機都會關心座椅舒唔舒服，喺德國舉行嘅飛機客艙展覽「Aircraft Interior EXPO（AIX）」就展示咗兩層座椅模型，有航空公司表示感興趣，但唔少網友睇完相之後卻覺得「壓迫感好大」！

Photo from 劇照

兩層座位「Chaise Longue Economy Seat」登場

大部分飛機機艙，尤其係經濟艙，設計都係大同小異，早年有美國公司設計師Jeffrey O'Neill就設計出兩層座位「Zephyr Seat」，將座椅分成上下兩層，不但增大座位嘅空間感，更可保留乘客嘅私人空間。

Photo from Zephyr Aerospace

對於經濟艙嘅乘客嚟講，分兩層嘅座位更可以放心將座椅調較至平躺，唔怕會影響到後排嘅乘客。闊落嘅空間感更可媲美商務客位！而最近喺德國舉行嘅AIX，就有類似嘅雙層座椅設計模型「Chaise Longue Economy Seat」展出。

Photo from TRAICY

飛機中間排座位將採用兩層座位設計

模型共有三排，以錯落方式營造出兩層嘅座位。設計預設係飛機中間嘅座位，所有座位都配有折疊桌同下排擱腳板。不過雙層座位唔會有頭頂行李架，乘客可以將行李放喺下層嘅腳踏板或上層嘅座位下面。

飛機座位數量預計增加約5%～10%

窗邊位嘅座椅則無改變，唔會變雙層座位，所以成架飛機座位數量預計會增加約5%～10%。未安裝螢幕嘅話，座椅距離約為79～81cm。目前仍在開發中，但未來有機會喺機艙中見到呢個設計。

日本航空公司對設計感興趣

相關負責人亦表示日本航空公司對呢個設計十分有興趣，並有意喺飛機上採用「雙層座位」。不過有網友見到相片卻認為下層嘅座位十分狹窄，而且好有壓迫感，如果搭長途機坐喺下層位置，應該會好大壓力咁話。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【日本旅遊2023】椰蛋樹彩繪飛機啟航！融入椰蛋樹+阿羅拉元素！勁有夏日渡假風！

25 Apr 2023

Pokémon迷注意～繼六尾及比卡超後，日本航空再推出寶可夢主題航線，今次的主角係「椰蛋樹」！日本空之子航空推出宮崎縣寶可夢代表「椰蛋樹」的聯名彩繪飛機，機內機外充滿椰蛋樹的元素勁搶眼，仲會送紀念品～準備去日本旅遊的朋友，可以考慮體驗一下椰蛋樹主題飛機！

Photo from Solaseed Air官網

·椰蛋樹彩繪飛機正式啟航

眾所周知，日本各地都可見與不同寶可夢聯乘的合作活動～其中，由於外型神似日本九州宮崎縣的縣代表樹「鳳凰椰子樹」（Phoenix canariensis），所以「椰蛋樹」於2020年正式被任命為代表宮崎縣的精靈寶可夢～而總部設立在宮崎縣的日本廉航公司「空之子航空」（Solaseed Air），今年首次與精靈寶可夢聯乘合作，推出以「椰蛋樹」為主題的限定彩繪飛機！

Photo from Twitter@宮崎県広報

·宮崎縣寶可夢代表

如果係Pokémon的粉絲，相信都知道由「蛋蛋」進化而來「椰蛋樹」，又被稱為「會行走的熱帶雨林」！話說椰蛋樹共有兩種類型，係精靈寶可夢較少見的雙屬性組合。「椰蛋樹」屬於矮小型，有著圓圓的身體及短短的雙腿，草系及超能力屬性；「阿羅拉椰蛋樹」則係椰蛋樹進化後的形態，擁有草系及龍系屬性，充滿標誌性的長頸，形似椰子樹或菠蘿樹。兩者都擁有3個果實，每個果實有著一張不同表情的臉孔，並且擁有自己的意識。雖然3個頭腦分別想著不同的事情，但彼此關係很好，會透過心靈感應來交流並決定彼此要做什麼。椰蛋樹最擅長的招數係催眠術，尤其三個一起放出念力，威力會變成三倍！