阿嬌被拍獲同性密友錫面！對方神似陳冠希，真人為富二代背景超勁
阿嬌自2020年與賴弘國離婚後一直單身，最近有內地狗仔隊就影到阿嬌與一眾好友聚會，期間同一名打扮中性嘅同性好友表現親密，對方更親吻阿嬌！有指該同性友人有「女版陳冠希」之稱，曾同郭碧婷傳緋聞，亦係周揚青嘅好朋友。
Photo from 阿嬌微博
阿嬌離婚3年，被拍與同性好友舉止親密
阿嬌近年同阿Sa北上發展，專注事業，另一方面佢自從2020年同台灣「醫界王陽明」賴弘國離婚後感情生活一直成謎。賴弘國現時已再婚並與妻子Alice育有一子，而阿嬌似乎依然保持單身。
Photo from 阿嬌微博
不過最近有內地狗仔隊就喺微博爆料，阿嬌同一班朋友聚會，食完飯大家一同離開，期間一名同性友人與阿嬌同行，該友人打扮中性，剪平頭裝，佢哋不時四目相對，狀甚親暱。之後呢位友人更親熱地親吻阿嬌嘅臉龐，關係十分親密。
Photo from 阿嬌微博
Photo from 微博
內地網紅皇甫聖華有「女版陳冠希」之稱
有內地網友認出阿嬌嘅密友應該係內地網紅皇甫聖華，佢之前曾經係模特兒，因為將自拍放上一個潮流論壇而掀起熱議，酷似男生嘅造型令佢成名，佢影相經常戚起嘴角，被指神似陳冠希，因此亦有「女版陳冠希」之稱。
Photo from 皇甫聖華微博
Photo from 皇甫聖華微博
Photo from 微博
皇甫聖華家底豐厚，常晒名牌、豪宅、名車
皇甫聖華除咗外型引起關注外，佢嘅背景似乎都唔簡單，佢20幾歲時已經常晒跑車、别墅豪宅，有指佢本人係富二代，身家十分可觀，而且佢同圈中另一位富二代周揚青亦係好朋友，兩人有唔少合照，而皇甫聖華同阿嬌聚會當日，周揚青亦在場，喺皇甫聖華疑似錫阿嬌時，周揚青就喺阿嬌隔離，相信佢哋嘅感情都十分好。
Photo from 皇甫聖華微博
Photo from 皇甫聖華微博
Photo from 皇甫聖華微博
Photo from 皇甫聖華微博
Photo from 周揚青小紅書
Photo from 周揚青小紅書
曾與郭碧婷傳緋聞，皇甫聖華有不少圈中好友：周揚青、胡杏兒
皇甫聖華更曾經同過另一位女星郭碧婷傳出緋聞，但戀情傳聞之後不了了之，郭碧婷同向佐結婚後已好少人再提起呢段緋聞。皇甫聖華雖然係網紅出身，但佢亦與演藝圈好多藝人關係良好，更獲邀出席胡杏兒婚禮，之後佢仲出演古裝電視劇，喺劇中以男子身份出演，甚至更行過康城電影節紅地氈。
Photo from 向佐微博
Photo from 皇甫聖華微博
Photo from 皇甫聖華微博
Photo from 皇甫聖華微博
Photo from 皇甫聖華微博
Photo from 皇甫聖華微博
阿嬌雖然單身咗一段時間，但多年嚟佢嘅緋聞對象都係男性，之前佢更被爆喺直播平台中打賞20歲小鮮肉網紅6萬人民幣，今次佢雖然同皇甫聖華表現親密，但亦有網友指女生之間親近啲好正常，認為阿嬌同皇甫聖華只係好友關係。
Photo from 阿嬌微博
Photo from 阿嬌微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
阿嬌鍾欣潼性感露背行街市買餸！孭Hermès鱷魚皮包包出巡盡顯身價
7 Jun 2023
近年北上發展嘅阿嬌人氣急升，最近佢就現身香港街頭拍攝，更以一襲露背長裙行街市買餸，引起唔少街坊注目。阿嬌出行悉心打扮，更拎住價值幾十萬嘅Hermès鱷魚皮包包，佢一向收藏唔少鱷魚皮手袋，個個袋都價值不菲！
Photo from 阿嬌微博
阿嬌阿Sa出演《乘風破浪3》人氣急升！
阿嬌同好拍檔阿Sa齊齊返內地掘金，佢哋出演內地大熱綜藝節目《乘風破浪3》雖然唔及總冠軍王心凌，但都成功成團，兩人更人氣急升，接連出演其他真人騷節目，再度爆紅。
Photo from 阿嬌微博
喺內地有唔少工作嘅阿嬌最近就回港，佢透露自己喺去年往返香港同內地12次，經常搭飛機。今次佢返香港亦係為咗工作，喺香港街頭拍攝時尚照片，最近阿嬌就喺微博公開拍攝vlog。
Photo from 阿嬌微博
阿嬌著露背長裙街市買餸
其中阿嬌去咗街市影相，佢著住一條露背長裙，性感大方。阿嬌表示：「街拍、買菜兩不誤」，片中有工作人員遞咗一袋蕃茄畀阿嬌，阿嬌即笑言：「今晚吃西紅柿炒雞蛋。」之後佢又去生果舖揀生果，阿嬌更拎起個芒果聞，揀得非常認真。
Photo from 阿嬌微博
Photo from 阿嬌微博
Photo from 阿嬌微博
雖然阿嬌真空露背行街市，吸引咗途人嘅目光，但市民都未有圍觀阿嬌拍攝，拍攝過程非常順利。阿嬌指自己今次返香港拍攝，重遊咗好多以前經常去嘅地方，唔少回憶湧上心頭。
Photo from 阿嬌微博
孭Hermès鱷魚皮包包出行，阿嬌超多Hermès手袋
阿嬌工作十分忙碌，佢日前現身內地機場，孭住一個Hermès Constance鱷魚皮包包，Constance作為Hermès嘅大熱款式，售價絕對唔平，而鱷魚皮更矜貴！估計炒價高達40萬！
Photo from 微博
阿嬌一向鍾情鱷魚皮款，佢本人又係Hermès fans，Hermès唔少款色阿嬌都有收藏，當中更不乏鱷魚皮包包。好似Constance咁，淨係鱷魚皮款阿嬌都有兩隻色，除咗孭住去機場嘅藍色外，阿嬌仲有一個紫色。
Photo from 阿嬌微博
Photo from 微博
阿嬌亦有Hermès於2019年秋冬推出嘅Kelly Danse黑色鱷魚皮，炒價高達$60萬、仲有Kelly Mini綠色鱷魚皮、黑色鱷魚皮Kelly，除咗鱷魚皮，阿嬌更孭過「喜馬拉雅Himalayan Birkin」，呢個堪稱係Hermès最珍貴嘅袋款，擁有一個喜馬拉雅包包簡直係身份象徵。
Photo from 微博
Photo from 微博
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
