SJ成員藝聲低調來港拍旅行片行程貼地漫遊平民區獲網民大讚有品味

By jack on 09 Jun 2023

Digital Content Writer

韓流興起席捲全球，不少港人都熱愛南韓文化，但在8、90年代香港流行文化亦一度稱霸亞洲，不少韓國人都對香港情有獨鍾。早前韓國組合Super Junior成員藝聲低調來港旅遊，更拍片帶觀眾漫遊中環及深水埗，他去了搭叮叮及吃大排檔，更到訪多間特色小店，獲網民大讚親民貼地又有品味！

Photo from Yessay YouTube

親民貼地遊中環搭叮叮兼食大排檔

最近藝聲在個人YouTube上載了兩段旅遊Vlog，他表示以前因工作來過香港數十次，但一直都未有機會好好四處逛，這次他來港旅行，想以不同的角度，探索香港的大街小巷，感受真正的香港情懷。第一段vlog中，他在晚上的中環街頭漫步，不時拿出手機及相機大玩街拍，感覺隨性寫意，別有漫活度假的氛圍。他去了不少港產片取景地打卡，如中環自動扶梯、蘭桂坊、砵甸乍街及藝穗會等，他坦言自小喜愛香港電影，亦對其霓虹燈招牌情有獨鍾，所以想親歷其境感受一下，之後他又到了一間樓上酒吧喝酒。翌日他更去了搭叮叮，更到訪著名的勝香園大排檔，食蕃茄麵及試飲鴛鴦，期間有粉絲找他合照，他都來者不拒，表現親民貼地。

Photo from Yessay YouTube

漫遊深水埗文青街指豬腸粉合韓國人口味

第二段Vlog開頭，藝聲繼續遊走中環，走到荷里活道及摩羅街看古董，他看見一間街邊檔放了多張李小龍海報，他表現興奮，笑言自己爸爸年輕時長得很像李小龍，又指家中儲齊李小龍電影DVD。接著他過海去了深水埗，在鴨寮街漫步，之後去了「合益泰小食」吃豬腸粉及燒賣，他指豬腸粉就像韓國的炒年糕，雖然味道不同，但又他認為豬腸粉合韓國人口味，亦推薦觀眾們來試試。旅程尾段他去了近年香港文青必去的大南街，他先在古著店挑選衣服，再去了唱片店看復古唱片磁帶。最後他回酒店大談旅行感想，他稱自己旅行很少留在酒店，一定要逛街感愛當地特色文化，這次香港遊令他非常滿足。

Photo from Yessay YouTube

網民大讚藝聲有品味旅遊Vlog拍出香港獨有風情

從這次旅程可見，藝聲非常熱愛香港文化，按自己喜好到訪不同香港特色景點，有些地方甚至連港人都未必知道，不少網民都大讚他有品味，其旅遊Vlog更拍出獨特的香港風情「雲(藝聲)和香港這種多元融合新舊交錯的氛圍真的超適合！完全拍出了香港街頭的那種感覺」、「拍得好棒！畫面和配樂都很讚。看了這期yessay也好想去香港旅行哦」亦有粉絲看了影片後才得知偶像來港，慨嘆錯失與偶像見面的機會。

Photo from Yessay YouTube

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

前 Super Junior 成員金起範首談退團原因　合體金希澈展現兄弟情

22 Jan 2021

前 Super Junior 成員金起範退團多年，早前開設 YouTube 頻道，仲請咗 Super Junior 成員金希澈，兩人激罕合體，引起網民熱議，金起範仲首度談及當年退團原因！

Super Junior 2005 年出道，2008 年開始金起範唔再參與團隊嘅任何活動，專注向戲劇方面發展，2015 年與 SM 娛樂公司合約期滿，正式退出 Super Junior。雖然喺 2008 年至 2015 年期間，由於合約問題金起範都仲算係 SJ 嘅成員，但由於唔參與團隊活動，所以一直都冇同其他成員合體過，變相當時已經退團。

Photo from mub_ik_mik@IG

不過金起範同隊內嘅成員金希澈一直都有保持聯絡，甚至喺希澈嘅提議下開設咗 YouTube 頻道「양반 김기범 Yangban Kim Ki Bum」，希澈仲幫手剪片，可見二人兄弟情不變！

Photo from kimheenim@IG

而喺最新上傳嘅短片中，金起範同金希澈仲激罕合體，一邊飲酒，一邊談心，起範更首度談及當年退團嘅原因。

Photo from 양반 김기범 Yangban Kim Ki Bum@YouTube

喺短片中，希澈扮起主持人嘅角色，問起範：「你當年係咪遭到 Super Junior 成員嘅排擠？點解退團？」起範回答：「係我自己提出退團，因為想集中於演戲方面。」希澈再問到對於成員嘅回憶係好定壞時，起範就話有好有壞，希澈就笑言真係好誠實，然後補充話「壞嘅回憶就係成員當年經常鬧交，鬧完之後和好，和好之後又再鬧過」，起範都表示同意，話冇啲咩特別唔好嘅回憶。

Photo from 양반 김기범 Yangban Kim Ki Bum@YouTube

除咗談及退團原因，希澈都透露自己有講起範嘅近況畀李秀滿知，亦轉述返李秀滿嘅說話畀起範聽，李秀滿問起範「過得好唔好？過得好就好了」，對起範依然非常溫暖，仲講起以前發掘起範嘅經過，原來當年李秀滿喺係父親住嘅屋苑停車場第一次見到金起範，於是發掘咗佢做練習生，李秀滿仲話呢啲都係好重要嘅事，所以一直記得。希澈之後搞笑話呢個就係自己一直同公司續約嘅原因，因為李秀滿老師所做嘅行為都令佢好感動。