47歲陳曉東近照身形發福大走樣 陽光男孩變大叔 網民慨嘆:一胖毁所有
47歲的陳曉東曾是香港樂壇一代男神，他憑陽光帥氣的外貌，初出道即迷倒萬千少女，曾推出《猜猜猜》、《心有獨鍾》及《劃火柴》多首經典情歌，唱到街知巷聞，其後他轉戰內地發展多年，最近重新回港，日前他現身電台接受訪問及宣傳新歌，相中可見昔日男神身形發福及漸現老態，有粉絲更驚嘆認不出他。
Photo from 陳曉東 FB
現身電台宣傳 中年發福身形走樣
近日陳曉東到新城電台宣傳新廣東歌《燒光了火柴》，同行工作人員為他拍照，當日陳曉東身穿白色直間Shirt衫配牛仔褲現身，相中他的面容腫了不少，身形亦明顯發脹，外貌及身形已不復當年勇，當年一臉青澀的陽光男孩變成了中年大叔，不少網民紛紛慨嘆男神風光不再「肉眼可見發福了」、「一胖毁所有」、「他怎麼變成了這樣」
Photo from myworktodaymusic IG
新歌延續《劃火柴》故事講人生閱歷
陳曉東在電台訪問中表示新歌《燒光了火柴》是他代表作之一《劃火柴》的延續篇，他坦言最初並沒有計劃延續舊作的故事，後來機遇巧合下有填詞人為他寫了兩份歌詞，其中一份正是這首歌，最後陳曉東就選了它作新歌，他指出《燒光了火柴》是講人生閱歷，屬於令人開心的歌，之後有人問到他會否考慮推出《劃火柴》三部曲，他笑稱:「下次可能唱首《打火機》」
Photo from 陳曉東 FB
下半年留港專注做歌 希望明年開紅館騷
陳曉東又透露下半年會留在香港做音樂，推出多首不同風格的廣東歌，更為此推了一些電影及綜藝節目的拍攝工作。去年10月陳曉東在西九文化區舉行戶外演唱會，獲數千名觀眾入場支持，現場氣氛熱鬧。今次推出新歌，陳曉東自言許多粉絲都催促他再於香港開個唱，又笑指他是首位被迫開演唱會的歌手，他表示正洽談相關計劃，指今年不少場地早已爆滿，希望明年可在紅館開騷。
Photo from 陳曉東 FB
Photo from 陳曉東 FB
近年不時被指整容 表情變得僵硬唔自然
陳曉東近年多次因容貌變化而備受關注，2019年，陳曉東分享自拍照，其超尖面形及不自然的眼睛，被有網民指他像《遊戲王》角色城之內，將他近年的照片與初出道時作對比，可見他的容貌愈變愈精緻，近年的表情變得僵硬，雙眼亦變浮腫，因此多次陷入整容風波，不過陳曉東都一一否認，表示自己天生皮膚好，亦有注重保養。
Photo from 陳曉東 微博
Photo from 陳曉東 FB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳曉東老婆大晒LV新手袋，品味嚇親網民！力數名牌熱門款唔實用
30 May 2022
陳曉東同老婆王妤嫻一樣係名牌fans，王妤嫻經常喺小紅書分享自己嘅名牌包包並作出點評。近日王妤嫻就大晒新買嘅LV袋，巨型嘅拉鏈扣嚇親網民，其實王妤嫻一直都偏愛冷門款，更表示唔少熱門款式嘅手袋一啲都唔實用。
王妤嫻收藏咗唔同名牌嘅手袋，佢係Hermès Fans，多次分享Hermès嘅不同產品，更疑似為咗配貨而入手價值逾3千人民幣嘅Hermès鉛筆套、香水set、及針線包。除咗Hermès，王妤嫻亦經常喺小紅書評價Chanel、YSL、LOEWE嘅手袋實物，或分享用後感。
最近王妤嫻入手咗LV 3月新款Pochette Clés XL，官網顯示售價為$30,500港元。佢大讚包包外型好可愛，放手提電腦、文件開會好方便，推薦大家見到要把握機會買。
網民被手袋嘅超大型嘅拉鏈扣嚇親，直言：「以為是P圖」、「竟然不是P的」，又笑言個扣可以當手銬用，王妤嫻就指拆除拉鏈扣成個袋會輕好多，佢打算當電腦袋用，表示用呢個袋遮到腰，有顯瘦效果。
王妤嫻一向鍾情冷門款嘅名牌手袋，之前喺小紅書就分享咗Hermès Berline Mini、Lindy 34、Toolbox等，又指大袋更加好用，裝到多啲嘢
雖然王妤嫻擁有好多名牌手袋，但佢其實非常著重手袋嘅實用程度，佢曾表示個人更中意大袋，又指：「買包最終還是實用為第一」、「花大錢不實用還不如不買」，佢強調買手袋要買自己中意嘅風格，唔好盲目跟風。
佢曾大彈Hermès熱門款嘅缺點，包括Mini Lindy，佢指袋太細裝唔到嘢，好唔實用；另一熱門款Birkin佢亦嫌「開包很麻煩」，個袋又重，直言：「不明白怎麼那麼多人排著買它」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
陳曉東老婆晒奢侈Hermès冷門袋款，網民嘲品味差：似幾十蚊便宜貨
28 Feb 2023
Photo from 陳曉東 微博
陳曉東太太王妤嫻熱愛Hermès
現年46歲嘅陳曉東2014年與台灣護士女友王妤嫻結婚，婚後育有兩個女兒。陳曉東同太太興趣相近，兩人都中意名牌，早年佢哋夫婦曾到日本掃貨，並喺IG大晒戰利品。
Photo from 陳曉東 微博
Photo from 陳曉東 IG
王妤嫻雖然比老公陳曉東細14歲，但兩人結婚8年依然恩愛，陳曉東更不時買名牌袋贈予妻子。王妤嫻係Hermès Fans，更疑似為咗配貨而入手價值逾3千人民幣嘅Hermès鉛筆套、香水set、及針線包。
Photo from 王妤嫻 小紅書
王妤嫻晒Hermès冷門袋款Berline Mini
從佢以往晒過嘅Hermès袋估計佢擁有價值過百萬嘅Hermès珍藏！熱愛名牌嘅王妤嫻日前就喺小紅書分享一個冷門袋款更為其「平反」，指呢款袋：「愛馬仕不該冷門的款」
Photo from 王妤嫻 小紅書
Photo from 王妤嫻 小紅書
王妤嫻推介嘅款式係「Hermès Berline Mini」火烈鳥色，Berline Bag 於2011年推出，顏色較為鮮艷，售價約為$4萬多港元。王妤嫻大讚Berline「無敵好裝東西」，又指同Kelly To Go款相似但「更好用又可愛」，佢稱Hermès迷要認識一下。
Photo from 王妤嫻 小紅書
Photo from 王妤嫻 小紅書
網民直言唔好睇：看不出來是愛馬仕
不過網友就唔係好欣賞呢個款，表示個袋好奇怪，變成冷門款都好正常，又話個袋款式似車座椅，直言：「看不出來是愛馬仕」、「像幾十的包」。王妤嫻一一回應，首先強調實物「漂亮實用」，又大讚個袋耐用耐磨，更形容為「不嬌氣的小可愛」，睇得出佢真係好中意呢款Berline Mini！
Photo from 王妤嫻 小紅書
Photo from 王妤嫻 小紅書
Photo from 王妤嫻 小紅書
Photo from 王妤嫻 小紅書
王妤嫻曾大數Hermès熱門款缺點
其實王妤嫻中意冷門款早有跡象，雖然入手咗Hermès唔同袋款，但佢曾大彈熱門款嘅缺點，包括Mini Lindy，佢指袋太細裝唔到嘢，好唔實用；另一熱門款Birkin佢亦嫌「開包很麻煩」，個袋又重，直言：「不明白怎麼那麼多人排著買它」
Photo from 王妤嫻 小紅書
Photo from 王妤嫻 小紅書
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
