黃子佼「MeToo」揭台灣13位藝人負面新聞！指曾被大S姊妹、具俊曄強迫

台灣娛樂圈最近因為「MeToo」已牽連多位藝人，黃子佼被指強吻少女等，佢今日拍片道歉但同時揭13位藝人嘅負面新聞，其中包括前女友小S及其姐姐大S，指佢哋兩姊妹都有不良嗜好，大S更同現任老公具俊曄迫佢一齊犯事！

台灣「MeToo」運動席捲娛樂圈

台灣「MeToo」運動席捲娛樂圈，多位男星被指控性騷擾，當中更不乏形象正面嘅「好先生」！6月14日，台灣女星黃雲歆指許傑輝性騷擾，隨後許傑輝發佈聲明宣佈退出演藝圈，之後有人爆料稱有台灣男演員曾經對多名女性騷擾，宥勝亦喺Facebook發表道歉聲明。

黃子佼被爆性騷擾，揭13位藝人不堪往事

一波未平一波又起，Zofia喺Facebook稱台灣某男主持人曾喺佢17歲時強吻佢，更誘拍私人照，其後黃子佼亦拍片承認佢係當事人並道歉，現年51歲嘅黃子佼喺台灣演藝圈發展多年，佢於不露面嘅影片中自白成長過程受到父母影響，形成如今不正常嘅人格，更憤而揭露其他13位藝人嘅不堪往事！

黃子佼喺影片中提到娛樂圈有好多人都做過錯事但無人知，更直言：「如果我逃不過，他們為什麼可以逃得過？」、「我不管，我就是要說出來，我管你們去死，反正也沒人管我去死！」似乎已經完全豁出去。

即睇更多人氣文章：
迪士尼/漫威電影檔期大延遲！《阿凡達6》要等8年！2部《復仇者聯盟》延期1年！唯獨呢部提早上映！
東京美食｜隱世立食壽司店0.6元壽司！每日唔同款！即睇地址、交通

曾與小S交往，並因偷食形象插水，小S公開和解後黃子佼形象轉好

其中最多人關注嘅就係大S小S嘅事。黃子佼曾經同小S拍拖，當年佢被指一腳搭兩船，同時與曾寶儀交往，小S更公開哭訴，令黃子佼事業備受打擊。直至2015年《康熙來了》，黃子佼同小S於節目中和解，同年金鐘獎，小S、黃子佼、曾寶儀三人亦於台上公開和解，事年終於告一段落，黃子佼近年形象亦變成愛妻愛家男人。

黃子佼爆料指大S小S姊妹及具俊燁有不良嗜好

喺影片中黃子佼爆料指大S小S姊妹及佢哋嘅好友范曉萱、阿雅都有不良嗜好，佢哋喺台灣曾邀請佢一齊，之後飛到韓國，具俊燁更迫佢入浴室一齊食：「我還記得在浴室，光頭很大隻，他可以把我抱進去任何地方，我就不得不吃，我不快樂。」黃子佼指大S姊妹有不良嗜好嘅事早就有周刊影到：「她們可以去否定、否決、否認，然後紅了20幾年，就算被周刊拍到還是可以否認。」

黃子佼崩潰自殘送院

之後黃子佼將影片刪除，更自我傷害需送院就醫，喺片中佢疑似精神崩潰，令人擔心。有指佢送院時意識不清，但生命跡象穩定。而佢嘅妻子孟耿如亦公開交待事件，更忍唔住落淚：「認識他之後很努力做改變，以前的事情還需要時間和空間，謝謝大家關心，我們是一家人，發生什麼事都會一起面對，一起彌補犯過的錯誤。」

而被爆有不良嗜好嘅阿雅即時發聲明澄清：「從未以任何形式使用違禁藥物、毒品，嚴守法律法規」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

大S晒證據指汪小菲大反擊！稱前夫「愛新覺羅汪」兩層樓無份畀錢

3 Dec 2022

汪小菲同張蘭兩母子連環追擊前妻大S，事件演變到張蘭直指大S同現任老公具俊曄於離婚前已偷食，喺具俊曄發文澄清後，大S突然於IG公開帳戶往來明細、借據，正式反擊前夫！

汪小菲曾公開excel帳目表追擊大S及其家人，其中汪小菲提到：「那個家四個億台幣，我買的，付了2.4億首付，每月100多萬房貸我付著，全是我設計的風格，裝修都是我盯著。別人住就算了，你個窩囊廢換個床墊行嗎？」

但大S晒出帳戶往來明細，並留言：「兩套房皆為本人貸款購置。愛新覺羅汪挑好，我買單。心疼聲嘶力竭賣酸辣粉的被兒坑。」力證兩層樓都係佢購置，同汪小菲所言有出入。

之後大S再公開疑係汪小菲親筆所寫嘅借據，當中汪小菲借咗大S 2600萬，承諾借於2018年年底還清款項，不過大S留言指前夫仲未還晒錢：「這借據為愛新覺羅汪親筆寫下。事隔至今只還了500萬元。嫁入「豪門」真是穩賠。現在祖宗十八代都被毀謗，無語。難怪軟飯賣的駕輕就熟。」

大S之前曾表示：「龍生不出惡言」，但今次句句都諷刺汪小菲同張蘭兩母子，睇嚟佢真係畀前夫一家激親！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

大S列6點反駁汪小菲張蘭母子！汪小菲得知前妻還床墊即息事寧人？！

23 Nov 2022

呢幾日汪小菲同張蘭兩母子連環追擊前妻大S一家人，大S媽媽、經理人都相繼回應，而大S本人亦喺IG發文列出6點，反駁自己從來無收到汪小菲4千萬，又直指係前夫主動放棄撫養權！

大S澄清與妹妹小S都守法

大S列出6點逐一回應張蘭同汪小菲呢幾日嘅指責，第一佢表明自己同妹妹小S心臟都唔好，兩姊妹都守法，絕無不良嗜好。

大S否認收到4千幾萬

第二點，大S指出汪小菲提出嘅帳目表唔係自己寫嘅，大S亦否認自己收到4千幾萬，佢稱作為身心受創補償，每個月都會收到一百萬元台幣。至於佢要汪小菲支付嘅欠款500萬係畀兩個子女嘅存款：「但他（汪小菲）拉黑我，以致我無法第一時間提醒他，這才導致他違約、誤觸了法。」

指汪小菲拒絕要子女撫養權

大S表示當初離婚佢將撫養權畀汪小菲，自己擁有有探視權，但汪小菲當場拒絕，話要三年時間，兩人達成協議一對子女先交由大S照顧。大S亦指非常希望汪小菲同張蘭多啲探望子女：「受疫情之顧來回皆需隔離，我知道小菲有幽閉恐懼症，因此難見孩子，其心急焦慮脾氣暴躁我能理解。」

即睇更多人氣文章：
潮語2022｜0尊、大癲、kam4、點部署12大網絡潮語意思，唔識有代溝？！
東京迪士尼App教學懶人包 線上買Fast Pass/免費預約排隊超方便

大S表明主動退出呢段婚姻，又否認婚內偷食！

第四點大S表示係佢主動退出呢段婚姻，又指澄清自己「沒力氣也懶得」外遇，否認自己婚內偷食，最後大S亦表示：「一人做事一人當，啥事衝我來，勿殃及無辜。」

大S IG全文：

汪小菲突然息事寧人

另一方面，今朝有台灣傳媒影到大S將床墊送到汪小菲嘅S Hotel門口，汪小菲得知消息後突然收晒火、「鳴金收兵」，於微博發文：「咱們不再互相傷害了，你是我孩子媽媽，我感謝你。」

不過汪小菲現時已將微博刪除，佢呢兩日心情十分激動，有幾次都「發文秒刪」，最新一篇秒刪文為：「我，汪小菲，我退場了。」

相關文章：汪小菲怒斥大S具俊曄瞓其床墊！床墊為瑞典皇室御用品牌，售價超驚人！

相關文章：大S爆結婚受盡委屈，汪小菲唔畀食飯？對話疑曝光，兒子唔想見爸爸

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）