內地佳麗參選香港小姐，面試慘被樂易玲「寸爆」？！只能尷尬回答

娛樂新聞

By Jennifer on 20 Jun 2023

Digital Editor

今晚食乜餸：小二，嚟一碟花生！

《香港小姐競選2023》面試後有唔少內地佳麗都喺網上分享佢哋嘅面試經歷，其中一位Cecilia Wang佢就成功擠身第二輪面試，佢表示兩輪面試都被樂小姐（樂易玲）問「犀利」問題，令佢措手不及，只能尷尬回應。

Photo from TVB

每年香港小姐都會有唔少城中女士報名參加，今屆不乏內地佳麗，佢哋面試後更會喺小紅書出post分享面試嘅感受同經歷，其中一位Cecilia Wang亦連續出咗幾個post。

佢喺第一輪面試時以一條火紅長裙現身，被指似《一舞傾城》嘅媽媽生，事實上佢當日絕對係悉心打扮，除咗紅裙夠隆重之外，佢又戴上份量勁重嘅首飾，非常閃！而且拎住啡色Hermès Birkin bag，價值近$8萬。

Photo from TVB

翻睇佢嘅個人簡介，Cecilia曾就讀於香港科技大學、耶魯大學、法國頂尖商學院之一嘅ESSEC（高等經濟商業學院），之前更就職於頂級投行，平時中意去旅行，應該家境唔錯，亦係學霸一名。

Photo from 小紅書

Cecilia喺小紅書分享佢面試嘅經歷，成功入到第二輪面試嘅佢兩次被被樂小姐嘅犀利問題問倒。Cecilia表示第一輪面試時係幾位佳麗一組入去見評審，其中一個評判問佢嚟咗香港幾耐，佢回答6年，樂小姐即指：「你待了6年為甚麼粵語說成這個樣子呢？」令佢一時語塞。

Photo from TVB

Photo from 小紅書

Cecilia自知廣東話講得麻麻地，佢稱雖然自己嚟咗香港6年，但因為有疫情嘅原因，加上自己比較中意去旅行，同埋每次想同朋友講廣東話練習下時候，大家都會用返普通話或者英文回佢，所以佢講到廣東話嘅時間唔多。

Photo from 小紅書

Photo from TVB

第二輪面試Cecilia換咗一身白色連衣裙，佢指第二輪嘅評判同第一輪面試係一樣，今次樂小姐又問佢係咪自己化妝，更直言佢化到自己比實際年齡老好多，令佢唔知點答好，因為佢對自己嘅妝容好有自信，萬萬估唔到會被樂小姐嫌棄，Cecilia最後回應指自己真係唔係好識化妝，希望之後有機會可以學到點樣更好展現自己。

Photo from 小紅書

Cecilia稱評判嘅問題對佢嚟講都係好有建設性，企喺可以幫到參選佳麗變得更好嘅角度。

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

香港小姐2023｜內地佳麗狂呻選港姐似軍訓！12個鐘不吃不喝不准玩手機

12 Jun 2023

《香港小姐競選2023》首輪面試後有唔少較受關注嘅佳麗背景曝光，包括18歲「嫩版麥明詩」，另外小紅書亦有大批內地佳麗分享佢哋參選港姐嘅經歷，其中一位更大呻選港姐過程嚴苛，好似選緊「特種兵」咁！

Photo from TVB

「翻版范冰冰」、「馮盈盈師妹」、「嫩版麥明詩」參選香港小姐

一年一度嘅港姐競選首輪面試已有唔少佳麗受到關注，好似係於中央戲劇學院就讀表演系嘅「翻版范冰冰」、「馮盈盈師妹」、由雷莊?提名嘅Michelle、啱啱DSE完嘅「嫩版麥明詩」等。其中年僅18歲嘅「嫩版麥明詩」Surine背景好快就曝光！

Photo from TVB

Photo from Surine IG

18歲嘅「嫩版麥明詩」Surine周身名牌勁富貴

有網民指佢喺面試前先啱啱去完謝師宴，然後再直落蘭桂芳飲酒、食水煙。Surine嘅IG有超過2萬個followers，佢毫不吝嗇大晒泳裝照，而且年紀輕輕生活富貴，IG有非常多嘅名牌相，當中包括Chanel、DIOR，生日仲收到Hermès禮物！

Photo from Surine IG

Surine異性緣相當好，佢IG同朋友、同學合照清一色都係男生，佢更同3位男友人一齊去泰國旅行添！唔少網民猜測Surine得18歲就周身名牌，應該家底豐厚，但有疑似知情人卻爆料佢公屋出身？！又指如果佢屋企咁有錢應該會讀國際學校，而唔係本地band 3中學。

Photo from Surine IG

內地佳麗小紅書分享參選港姐經驗

除咗本地佳麗，今屆仲有大量內地佳麗參選，好多人面試完就喺小紅書分享參選體驗，其中一位自稱叫「33」嘅佳麗就於小紅書拍咗短片，佢嘅帳號有2.5萬粉絲，簡介中佢提到自己：「五百強外企職場新人HKBU本科畢業?‍♀️分享港漂生活」，相信佢係喺BU畢業嘅內地生，現時留港工作。

Photo from TVB

Photo from 小紅書

大呻選港姐似軍訓

33表示TVB於6月8號通知佢參加6月10號嘅面試，中間只相隔兩日令人無從準備，然後佢又指面試由上午10點一直到晚上10點，足足12個鐘，大家都攰到無晒精神，而且全程無食物、飲品提供，冷氣超凍而且唔准玩手機。33表示雖然大會允許佢哋自己帶飲品食物，但由於面試嘅佳麗都帶咗幾套衫，包括高踭鞋、泳衣等，已無空餘嘅行李拎埋食物。