80歲伯伯學滑水，多次跌落水屢敗屢試，終成功起水感動數萬網友！

By Jennifer on 21 Jun 2023

Digital Editor

今晚食乜餸：小二，嚟一碟花生！

年紀越大似乎有好多新事物都唔願意嘗試，台灣一位80歲伯伯卻勇於挑戰自己，由零學起滑水（Wakesurfing），雖然失敗過好多次，但伯伯仍然堅持落去，最終成功起水！勵志嘅學習過程亦感動無數網友。

Photo from Kimberly IG

台灣80歲伯伯學習Wakesurfing

依家好多新興運動出現，不過都好似默認只有年輕人先會玩，畢竟好少長輩會挑戰自我，學習刺激嘅運動，主要因為年紀大太刺激嘅運動唔適合佢哋做，加上學習能力始終唔可以同年輕人相比，但凡事並無絕對，台灣一位80歲伯伯就從零開始學習Wakesurfing（無繩滑水）。

Photo from Kimberly IG

Wakesurfing(無繩滑水) 要雙手握著連接快艇嘅繩，利用快艇作起水動力，用繩扯起身體，當喺水面企穩後就可以放開繩，利用船尾浪順水推滑水板。雖然唔算難，但過程容易失平衡跌落水，對於80歲嘅老人家嚟講更係好大嘅挑戰。

Photo from Kimberly IG

台灣快艇衝浪女神陳美彤晒爸爸學習滑水影片

台灣快艇衝浪女神陳美彤（Kimberly）滑水多年，生涯中累積CWSA、IWWF、WWA賽事22金22銀10銅嘅輝煌戰績，佢嘅女兒亦係滑水好手。Kimberly近日喺IG晒出80歲爸爸學習滑水嘅影片，掀起熱議。

Photo from Kimberly IG

Kimberly表示爸爸今年就嚟80歲，後生嗰陣就好中意運動，退休後依然堅持運動，生活多姿多采。Kimberly指爸爸見到女兒滑水多年，一直都想玩埋一份，但卻被老婆阻止，認為佢年紀太大。

Photo from Kimberly IG

多次跌落水屢敗屢試，終成功起水！

Kimberly稱年年為咗帶爸爸滑水，都差啲搞到「家庭革命」，舊年終於「革命成功」，帶埋爸爸媽媽一齊喺水止體驗Wakesurfing，不過一直都未能成功企起身，短片中80歲嘅伯伯一次又一次跌落水，但佢並未放棄，一直堅持，更報名上健身堂，鍛練臀腿幾個月，終於成功起水！

Photo from Kimberly IG

雖然學習時間較長，但見到伯伯唔放棄、努力嘗試嘅堅持真係好熱血！唔少網友都表示睇到好感動：「這個真的只有去摔過水的人才知道，摔水、吃水很辛苦，以及肌肉痠痛，都要克服，爸爸真的太強大了」

Photo from Kimberly IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

73歲伯伯相親尋覓終生伴侶！2次都失敗吿終！老人家相親成功率比想像中低？

21 Jul 2022

唔少人都希望搵到投緣嘅另一半白頭到老～最近內地踴現「老人家相親」嘅現象，一位年約73歲嘅伯伯透過參加相親活動嘗試尋覓女友，佢嘅經歷卻引起熱議。雖然佢同相親對象都傾得好投契，但各種因素都令二人最終未能發展成情侶，其中有一次佢只係與該女士見咗面5分鐘就緣分結束？！

Photo from 微博

內地人口老化問題出現？！

最近，內地嘅「老人家相親」風氣變得越來越普遍，背後亦代表人口老化嘅問題逐漸出現。而空巢老人（即子女離家後或者本身無子女嘅老人）數量亦有所上升：根據內地資料顯示，當地60歲以上嘅人口高達2.67億人、老年空巢家庭率更達到70%！

Photo from 《我的大叔》劇照

73歲伯伯喪偶後，相親尋覓另一半

根據內媒報導，73歲嘅呂伯伯早前因為喪偶而決定透過相親尋找另一半，一齊渡過老年生活。起初，佢先係認識72歲嘅趙婆婆，對方同樣失去伴侶多年，現時與孫子同住。不過孫子即將離家出外讀書，所以婆婆就打算搵返個伴。

Photo from 微博

嫌棄女方說話太多

不過二人見面後，伯伯就嫌棄對方身型較大、而婆婆亦同樣覺得伯伯瘦弱；但女方就提議先做朋友，覺得「年紀大了，身邊還是要有個伴」，仲話合適嘅話可以輪流到彼此屋企居住，唔需要大費周章咁搬屋。雖然婆婆主動向伯伯示好，不過佢就唔太領情，私底下抱怨女方太多嘢講，二人嘅緣分亦因此終結。

Photo from 《福秀回來了》

女方要求伯伯全數支付婚後生活費！

隨後，伯伯再被婚友社安排與69歲嘅董婆婆相親，二人一見面就非常投契，仲開心咁一齊唱歌～但當佢哋一談及婚後生活嘅時候，問題就開始浮現！女方坦承「現在的社會就是金錢社會」，希望婚後嘅生活費全數由男方支付，自己嘅退休金則全部儲起。伯伯聽到後極力反對，表示自己每個月嘅退休金只係得2,600人民幣（約港幣3千），要求共同支付生活費，最終二人不歡而散！