download HolidaySmart 假期日常 app
奚夢瑤花近百萬港大讀書，嫁入豪門積極進修！打入名媛圈幫手打理生意？！

奚夢瑤花近百萬港大讀書，嫁入豪門積極進修！打入名媛圈幫手打理生意？！

娛樂新聞
By Jennifer on 23 Jun 2023
Digital Editor
今晚食乜餸：小二，嚟一碟花生！

名模奚夢瑤同已故賭王四房兒子何猷君結婚後暫別天橋，專心相夫教子。最近有唔少網民喺香港大學偶遇奚夢瑤，據知佢豪花近百萬進修讀碩士，更成功打入上流社交圈子，以便日後幫老公、奶奶手打理名下產業？！

名模奚夢瑤同已故賭王四房兒子何猷君結婚後暫別模特界Photo from 奚夢瑤微博

奚夢瑤與賭王四房兒子何猷君結婚後暫別天橋

奚夢瑤曾經為唔少國際品牌行catwalk，2017年佢為維多利亞的秘密於上海時尚秀行catwalk，卻意外於台上跌倒，當時掀起網民熱議。佢2019年同已故賭王四房兒子何猷君結婚，同年誕下兒子何廣燊，2021年再產下女兒Romee Ho。

奚夢瑤曾經為唔少國際品牌行catwalkPhoto from 奚夢瑤微博

2019年奚夢瑤同已故賭王四房兒子何猷君結婚，同年誕下兒子何廣燊Photo from 何猷君微博

奚夢瑤2021年再產下女兒Romee Ho。

升級做媽媽後奚夢瑤暫時放下模特兒工作，已無再行catwalk，但有唔少網民曾喺街頭偶遇佢哋一家人，奚夢瑤似乎決定將精力放喺家庭，專心相夫教子。不過佢亦不時同四房幼女何超欣一同出席社交場合。

有唔少網民曾喺街頭偶遇佢哋一家人Photo from 小紅書

奚夢瑤、何猷君陪仔仔搭摩天輪Photo from 小紅書

奚夢瑤早前同四房幼女何超欣一同出席Estée Lauder創辦人曾孫婚宴，更與林建岳女兒林恬兒合照Photo from 奚夢瑤IG

網民於港大野生捕獲奚夢瑤，豪花近百萬進修

近日網上有人喺香港大學野生捕獲奚夢瑤，據知奚夢瑤正修讀香港大學高級管理人員工商管理碩士（EMBA課程），課程係港大經管學院創辦，當中亦加入北京大學嘅元素，由港大同北大嘅老師授課。課程為兩年兼讀制，分別喺香港大學同北京大學上堂。

近日網上有人喺香港大學野生捕獲奚夢瑤Photo from 小紅書

據知奚夢瑤正修讀香港大學高級管理人員工商管理碩士（EMBA課程）Photo from 小紅書

早前都有人影到奚夢瑤喺北京大學上堂，而呢個課程需要喺兩個地方上課，學費方面，香港大學學費為$49.8萬港幣，北京大學則為43.9萬人民幣（約$47.9萬港元），合共約$97.7萬港幣！

早前都有人影到奚夢瑤喺北京大學上堂Photo from 小紅書

學費方面，香港大學學費為$49.8萬港幣，北京大學則為43.9萬人民幣（約$47.9萬港元），合共$97.7萬港幣！Photo from 香港大學

何家子女個個擁有超高學歷，何猷君、何超欣都係學霸

何家子女個個學歷出眾，淨係四房都人才濟濟，長女何超盈喺港大畢業，亦於瑞士完成MBA課程；何猷亨於英國倫敦大學國王學院工商管理學系畢業；何超欣同哥哥一樣同時獲得英國劍橋大學及美國麻省理工學院（MIT）取錄，最終佢喺MIT管理學與建築學雙學位畢業，之後於清華大學蘇世民書院（Schwarzman College）進修一年制碩士研究生課程。

何家子女個個學歷出眾，淨係四房都人才濟濟Photo from 何猷君微博

何超欣同哥哥一樣同時獲得英國劍橋大學及美國麻省理工學院（MIT）取錄，畢業後於清華大學進修一年制碩士研究生課程Photo from 何猷君微博

而奚夢瑤老公何猷君更自細已經係數學天才，18歲就獲得劍橋大學同MIT嘅offer，佢選擇進入麻省理工就讀，而且只花3年時間就完成咗4年嘅課程，成為全MIT最年輕嘅金融系畢業生！奚夢瑤婆家個個學歷都咁高，難怪佢決心進修裝備自己！

奚夢瑤老公何猷君更自細已經係數學天才Photo from 奚夢瑤IG

何猷君只花3年時間就完成咗4年嘅課程，成為全MIT最年輕嘅金融系畢業生！Photo from 何猷君微博

奚夢瑤婆家個個學歷都咁高，難怪佢決心進修裝備自己！ Photo from 奚夢瑤微博

奚夢瑤嫁入豪門後打入上流名媛圈

奚夢瑤嫁入名門後亦不時聯同何超欣一齊出席社交場合，日前佢更同「燈芯絨大王」江達可愛女江鈺琪、林建岳嘅千金林心兒（Elly）等名媛聚會，似乎已成功打入上流圈子！而奚夢瑤今次修讀高級管理人員工商管理碩士課程，或為日後幫手打理何家家族生意鋪路。

日前奚夢瑤同「燈芯絨大王」江達可愛女江鈺琪、林建岳嘅千金林心兒（Elly）等名媛聚會

奚夢瑤今次修讀高級管理人員工商管理碩士課程，或為日後幫手打理何家家族生意鋪路。 Photo from 奚夢瑤IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

奚夢瑤嫌何猷君唔識做家務？！最嫌棄老公一件事，激到半夜發文

21 Oct 2022

名模奚夢瑤同賭王四房兒子何猷君結婚後就暫時放下模特兒工作，近日佢出演綜藝節目《做家務的男人》第四季，並分享佢對「家務男」嘅睇法，仲話希望老公何猷君進修一下，改善做家務嘅技能。

名模奚夢瑤同賭王四房兒子何猷君結婚後就暫時放下模特兒工作Photo from 奚夢瑤微博

奚夢瑤出演《做家務的男人4》，恢復名模身型

奚夢瑤2019年同何猷君結婚，同年佢誕下兒子何廣燊，2021年再產下一名女兒，成為人母嘅奚夢瑤專心相夫教子，已有一段時間無出現於幕前。生下女兒後休息咗一年，奚夢瑤近日終於再次出演內地綜藝節目。

奚夢瑤2019年同何猷君結婚，同年佢誕下兒子何廣燊，2021年再產下一名女兒Photo from 奚夢瑤微博

生下女兒後休息咗一年，奚夢瑤近日終於再次出演內地綜藝節目。Photo from 《做家務的男人4》

以往佢都參加過真人騷，不過多數都係同老公一齊出演，今次佢以「家務學院導師」身份出演《做家務的男人4》，產後一年奚夢瑤已修身成功，佢著上短褲明顯睇到腰肢纖幼、小腹平坦，回復名模身材，大晒一雙長腿。

以往奚夢瑤參加過真人騷，不過多數都係同老公一齊出演Photo from 奚夢瑤微博

產後一年奚夢瑤已修身成功，佢著上短褲明顯睇到腰肢纖幼Photo from 《做家務的男人4》

分享老公何猷君唔識做家務，煲錯中藥

喺節目採訪中佢提到對「家務男」嘅睇法，仲話想送丈夫過嚟家務學院進修一下做家務嘅能力。不過奚夢瑤稱自己都唔係好識做家務，100分入面應該只得60分，比老公何猷君高少少。

喺節目採訪中佢提到對「家務男」嘅睇法Photo from 《做家務的男人4》

奚夢瑤稱自己都唔係好識做家務，100分入面應該只得60分，比老公何猷君高一分左右。Photo from 《做家務的男人4》

奚夢瑤指老公何猷君唔識做家務，佢分享有一次自己喺屋企二樓好唔舒服，於是請何猷君幫手落樓去廚房整返熱啲中藥畀佢食，何猷君當然唔會托老婆手踭，即刻落去準備。

奚夢瑤指老公何猷君唔識做家務Photo from 奚夢瑤微博

奚夢瑤分享有一次自己喺屋企二樓好唔舒服，於是請何猷君幫手落樓去廚房整返熱啲中藥畀佢食Photo from 《做家務的男人4》

點知當何猷君拎碗中藥上到嚟時奚夢瑤就發現碗中藥係暖嘅，佢不以為意，以為老公心急所以無整到好熱啫，點知佢飲極都仲有超大碗中藥，佢發現中藥嘅量有啲唔對路，於是問何猷君係點整返熱啲中藥，對方竟然答佢喺雪櫃拎中藥出嚟之後加啲熱水入去，令奚夢瑤十分無語。

奚夢瑤問何猷君係點整返熱啲中藥，對方竟然答佢喺雪櫃拎中藥出嚟之後加啲熱水入去，令奚夢瑤十分無語。Photo from 《做家務的男人4》

奚夢瑤嬲到半夜發微博大呻

奚夢瑤表示：「這是什麼樣的腦迴路！」佢指當時無辦法抑制住自己嘅心情，喺微博發文講咗呢件事。翻睇奚夢瑤微博，事情應該係喺2021年4月發生，當時奚夢瑤仲嬲到大半夜發文，而且一年半之後仲喺綜藝節目重提此事，相信佢真心好激氣。不過亦有網民認為何猷君由細到大應該都無需要親自做家務，唔識做家務非常正常。

奚夢瑤表示：「這是什麼樣的腦迴路！」佢指當時無辦法抑制住自己嘅心情，喺微博發文講咗呢件事。Photo from 奚夢瑤微博

翻睇奚夢瑤微博，事情應該係喺2021年4月發生Photo from 奚夢瑤微博

有網民認為何猷君由細到大應該都無需要親自做家務，唔識做家務非常正常。Photo from 奚夢瑤微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

香港大學娛樂新聞何猷君奚夢瑤名媛