東京迪士尼門票｜將加價突破1萬日圓！成人票價分6類，即睇最貴入場日子

旅遊攻略旅遊新聞優惠日韓旅遊日本旅遊

By Jennifer on 26 Jun 2023

Digital Editor

今晚食乜餸：小二，嚟一碟花生！

日本東京迪士尼踏入40週年，今年官方有唔少活動，亦宣佈門票將會喺10月正式加價，成人票價分6類，最貴嘅會首次突破1萬円，比40年前開業時加價3倍！即睇邊啲日子入場係最貴！

Photo from 東京迪士尼

為慶祝開業40週年，東京迪士尼暑期推出一系列活動，而為咗平衝旺季嘅入場人數，東京迪士尼園區宣佈2023年10月起將會加價，最貴門票價格更突破1萬円，為開園40年以嚟最貴價格。

Photo from 東京迪士尼

現時東京迪士尼園區票價分為4類：7,900円、8,400円、8,900円、9,400円。而10月起將會喺4種票價嘅基礎上再加多2種，合共6種門票。

Photo from 東京迪士尼

6類門票售價分別為：7,900円、8,400円、8,900円、9,400円、9,900円、10,900円。最貴嘅價格10,900円（約$596港元）係東京迪士尼開業40年以嚟首次突破1萬円嘅門票售價。

Photo from 東京迪士尼

東京迪士尼園區剛開業時票價為3,900円，加價後約係開業時嘅三倍！除咗成人門票外，學生票（12～17歲）同樣由10月開始將增加為6類，最貴售價達9,000円，而兒童票（4歲～11歲）售價則不變。

Photo from 東京迪士尼

參考以往資料，聖誕節、元旦等特別日子門票會較平日貴，因此10月加價後呢啲節日票價可能會高達10,900日圓（約$596港元）。

Photo from 東京迪士尼

相關文章：USJ門票｜大阪環球影城票價首次突破1萬日圓，即睇最貴入場日子

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【東京迪士尼2023】東京迪士尼推抵玩夏季2日套票！$580起任玩2大園區！入園前須做一樣嘢？

26 May 2023

準備去日本東京旅遊的朋友注意！東京迪士尼踏入40週年，特別推出超抵玩的夏季套票，只需$580起即可連續2天任玩迪士尼海洋及迪士尼樂園～迪士尼粉絲必去！

Photo from 東京迪士尼官網

#東京迪士尼推激抵夏季套票

為慶祝開業40週年，東京迪士尼度假區特別推出夏季限定的兩日特別價格套票「夏季兩日護照」（SUMMER 2 DAY PASSPORT），憑票可於連續2天內進入迪士尼樂園及迪士尼海洋2大園區～官方表示「夏季兩日護照」的票價不但比兩張單日門票平，而且仲可以一日去迪士尼樂園，一日去迪士尼海洋；或者兩日都去同一園區都得，勁抵玩！

Photo from 東京迪士尼官網

#「夏季兩日護照」5.29開賣

「夏季兩日護照」將於5月29日下午2時（日本時間）開賣，並於8月27晚上8時（日本時間）截止，入場期間為7月21日至8月28日～套票主要分為三種：成人、中童（12至17歲）及小童（4歲至11歲）。至於售價方面，成人為17,300日圓；中童為14,400日圓；小童為10,300日圓。

1日/2日護照票價大比拼

門票種類	夏季2日護照	1日護照（連續）
成人	17,300日圓（970港元）	17,800～18,800日圓（998～1,054港元）
中童	14,400日圓（807港元）	14,800～15,600日圓（830～875港元）
小童	10,300日圓（577港元）	10,600～11,200日圓（594～628港元）

#需先預約到訪日期

特別注意～使用「夏季兩日護照」入園之前，遊客必須先預約到訪日期，否則可能無法入園遊覽玩樂！另外，套票可在東京迪士尼度假區官方網站購買，售完即止。

Photo from 東京迪士尼官網

#4大必玩40週年慶活動

適逢今年係東京迪士尼40週年，迪士尼樂園及迪士尼海洋以「Dream Go Round 夢想永巡」為主題，舉辦了一系列精彩的週年慶特別活動～其中，以下4大精彩活動千萬不要錯過！

·「迪士尼眾彩交融」花車巡遊

東京迪士尼樂園推出日間遊行表演「迪士尼眾彩交融」，以迪士尼及皮克斯電影為主題，除了米奇及米妮等人氣經典迪士尼明星，仲會加入《動物方城市》、《可可夜總會》、《優獸大都會》及《玩轉極樂園》的角色登場！一眾迪士尼明星會換上40週年服飾，隨著音樂載歌載舞，帶來超華麗歡樂的歌舞盛宴！

Photo from 東京迪士尼官網

·「眾彩同慶」水上表演

迪士尼海洋推出水上迎賓表演「眾彩同慶」，可以看到米奇及一眾迪士尼明星們穿著華麗繽紛的服飾連番亮相，與遊客們齊齊歡慶！表演每天會有1至2場，時間約10分鐘，位於地中海港灣～

Photo from 東京迪士尼官網

·「眾彩滿夜空」煙火表演

東京迪士尼樂園及東京迪士尼海洋2大園區每日都會呈獻超精彩的「眾彩滿夜空」煙火表演！伴隨東京迪士尼度假區40週年主題曲及多首迪士尼經典樂曲，在夜空下帶來奪目絢爛的煙火騷～

Photo from 東京迪士尼官網

·限定版「紀念彩繪列車」

如果有去過東京迪士尼的朋友，相信對迪士尼園區列車不陌生！今次配合40週年慶「夢想永巡」主題，特別推出超夢幻的限定版「紀念彩繪列車」～車內車外都統一以40週年慶的代表元素「七彩夢幻旗幟」及穿著華麗服飾的米奇米妮及一眾好朋友等的圖案打造，多姿多彩的佈置裝飾，而且仲會播放特別錄製的背景音樂，勁吸睛！列車上主要行駛在東京迪士尼園區及園內各大酒店的東京迪士尼度假區線～