傳承清湯腩｜旺角爆紅騸牯牛腩麵 日限8碗肥牛麵！必食崩沙+爽腩

旺角有間清湯腩店爆紅，店家的牛腩以騸牯牛入饌，油脂較多，口感軟滑和甘香，深受食客歡迎，當中崩沙腩最為珍稀，另推介爽腩及坑腩，以及日限8碗的肥牛麵。

爆紅騸牯牛腩麵

旺角這間牛腩麵店以新鮮騸牯牛入饌，騸牯牛即指是1歲以前閹割的黃牛，食落油脂較多，口感也較軟滑和甘香，故吸引不少人慕名而來，店家經常大排長龍。

Photo from Presslogic

Photo from Presslogic

店家誠意十足，選用每日新鮮到貨的騸牯牛來製作牛腩麵。定價雖然比坊間店舖貴，卻贏得一班牛腩控的心！其中店家的牛肉湯更是賣點之一，加入十多斤牛骨熬煮，湯頭飲落清甜，帶陣陣牛香味。

Photo from Presslogic

日限8碗肥牛麵

最受街坊歡迎的爽腩，牛味最為濃郁，腩肉連筋膜，食落煙韌軟糯。另必食最為珍稀的崩沙腩，牛味同樣濃郁，食落有咬口；而坑腩肥瘦相間，肉質腍中帶爽。

Photo from Presslogic

Photo from Presslogic

最後必食全店售價最貴的肥牛麵（即牛腩頭，稱得上是牛之極品），定價不便宜是因為一頭牛只有數斤，店家每日限量供應8至10碗，食落油花豐富，牛肉呈粉嫩色，賣相吸引！

Photo from Presslogic

小食方面，推介騸牯牛丸及豬粉腸，手打牛丸咬落鮮香彈牙；豬粉腸食落脆爽嫩滑。提提大家，店家的牛腩平均晚上5至6點就會沽清，大家想食的話就要盡早去！

Photo from Presslogic

傳承清湯腩
營業時間：星期一至日 12:30pm至9:30pm (星期三休息）
電話：9848 2718
地址：旺角廣華街2-20號翠園大樓2期地下6號舖

更多【美食推介】請按此

相關文章：
中環韓國過江龍爆芝吉列豬扒 日賣過百份！厚切豬柳＋5款醬汁｜中環美食

相關文章：
Suage 北海道湯咖哩｜北海道No.1湯咖哩店登港 必食脆雞髀＋龍蝦海鮮烏冬｜旺角美食

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）