56歲陳錦鴻上鏡臉色淡黃憔悴近年北上密密登台賺錢網民擔心健康出問題

By jack on 03 Jul 2023

Digital Content Writer

現年56歲的陳錦鴻曾是TVB當紅小生，拍過不少經典港劇，近年他轉戰內地發展，不過甚少出演劇集及電影，主力登台賺錢。近日他與好友吳毅將拍片聚舊，大講經典「港式普通話」，不過網民卻將焦點放在陳錦鴻的容貌上，指他臉色淡黃憔悴，而且消瘦了不少，健康狀況令人擔心。

Photo from 《婚內情》

兩人拍片聚舊大晒「港式普通話」

吳毅將日前在抖音分享了一段短片，他與久未於香港露面的陳錦鴻同場拍片，當日陳錦鴻身穿全套灰色西裝上陣，相信是剛出席完活動，而吳毅將則以白色T恤配花恤衫亮相，吳毅將興奮又搞笑地向觀眾介紹：「上海灘許文強，大家看到沒有？但我不是丁力，我是『咕力』」之後陳錦鴻即回應：「他是我的『大斯鬆』-將大哥」吳毅將接著笑言大家不是同台演出，而是打對台，叫對方手下留情，陳錦鴻即說：「『美斯美斯』，真的太久未見」最後互搭膊頭又握手，吳毅將更寫道：「友誼永固！一輩子的好朋友。」

Photo from 吳毅將抖音

陳錦鴻膚色臘黃網民擔心健康出問題

片中陳錦鴻的頭髮比以往稀疏，身形亦瘦了不少，臉上更明顯多了魚尾紋及皺紋，雙手及臉部的膚色都呈臘黃，與面色紅潤的吳毅將形成強烈對比，不少網民都非常擔憂陳錦鴻的身體狀況，叫他不要操勞過度，又建議他盡早去醫院檢查。其實陳錦鴻不只一次被因膚色偏黃而傳出健康問題，2020年他在內地登台時，與一名女粉絲拍片互動，當時他被指面色淡黃，面容瘦削，被網民懷疑患上重病，後來陳錦鴻回應傳媒查詢，表示自己身體很好，其杜雯惠太太亦有回應指大嘅是拍片角度問題，強調老公身體無大礙。

Photo from 吳毅將抖音

Photo from 抖音

為照顧自閉症兒子放棄事業獲封「絕世好爸爸」

陳錦鴻與電台DJ杜雯惠於2004年結婚，3年後誕下一子陳駕樺(Edgar)，3歲時兒子被發現患有自閉症，為了與太太一同照顧兒子，陳錦鴻選擇在事業上升期退出幕前，2013年毅然離巢，全面停工陪兒子成長，他曾接受傳媒訪問表示每天會陪兒子散步、行山及打球，更表明讓兒子按自己意願選擇喜愛的學校讀書，更指出若兒子自己選擇不再讀書，即使15、16歲出來工作也可，非常開明，獲外界封為「絕世好爸爸」

Photo from 杜雯惠微博

2019年他復出接拍ViuTV劇集《婚內情》，可惜隱退6年後，他的名氣已大不如前，該劇收視未如理想，其後他再沒有在香港拍劇，反而轉戰內地密密登台吸金。2019年他更在廣州買下一間千呎大屋，大讚內地生活舒適，明言想帶兒子及老婆搬到內地定居。

Photo from 《婚內情》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

360秒人生課堂｜醫生媽媽辭職照顧自閉症兒子曾一度崩潰，靠母愛+老公激勵重新振作！

13 Jul , 2022

55歲陳錦鴻過往曾出演唔少經典電視劇，係為人熟悉嘅演員。最近，佢仲打算北上發展，暫時大多以出演商演活動賺錢。喺接受內媒訪問時，佢大讚內地生活環境舒適，有意帶埋囝囝一齊搬返去住「希望孩子能夠跟內地有關聯。」

Photo from 《婚內情》

陳錦鴻為照顧兒子而減少工作量

演員陳錦鴻喺1990年加入亞洲電視而入行，後來喺1994年轉投大台，有份出演多部經典劇集《刑事偵緝檔案IV》、《天地豪情》、《創世紀》擔正做男主角，備受力捧成為當紅小生！直到2013年，佢決定離巢專注照顧患有自閉症嘅兒子陳駕樺（Edgar）。不過喺同年嘅12月，佢突然與香港電視網絡簽約，亦成為該電視台嘅最後一位合約藝人，其後逐漸淡出幕前。

Photo from 《創世紀》

近年決定北上發展

近年，陳錦鴻似乎有意重新喺幕前曝光，2019年曾與鄧萃雯合作拍攝ViuTV劇集《婚內情》；近年佢決定北上發展，2020年曾經以暴瘦形象現身拍抖音短片，令唔少網民擔心佢嘅身體狀況。近日接受內地傳媒訪問時，大談工作近況，指自己現時大多出演商演活動，並獻唱經典歌曲。

Photo from 《婚內情》

Photo from 抖音

大讚內地居住環境舒適

而陳錦鴻亦大讚喺內地生活舒適「我可以去不同地方看看，真的不得了」，驚嘆現時當地發展迅速方便「出門只帶手機就可以。」過往佢經常都需要內地香港兩邊走，所以2019年佢已經喺廣州買下一間約90平方米嘅單位，平時喺屋企最鍾意連書法、睇書等，已經可以話喺內地半定居，認為於當地居住能夠更深入了解祖國！

Photo from 《婚內情》

每日7時半都同兒子聽國歌！

陳錦鴻透露有意帶囝囝返內地住，自爆喺內地置業係為咗囝囝「希望我的孩子跟內地有關聯，長大之後也可以來讀書或者生活也好，需要有個『基地』。」而佢自己現時亦會每日準時收睇新聞順便學普通話，仲讚囝囝普通話水平好「回歸後每日7點半都會聽國歌，我們都是起立聽的，讓他感受作為中國人（的驕傲）。」

Photo from 協康會廣告

Photo from 《我和兒子的每一步》封面

悉心照顧兒子，曾出書分享自身經驗！

陳錦鴻喺2004年與唱片騎師杜雯惠結婚，二人係2007年誕下兒子陳駕樺（Edgar），但由於兒子有智力問題及患自閉症，兩夫婦都決定暫緩工作專注照顧小朋友。後來，陳錦鴻仲出書《兒子教曉我的事》分享自己嘅經驗，而囝囝升讀小學時成功考獲全級第一名。現時囝囝已經升讀中學，而陳錦鴻亦開始復出工作，對囝囝照顧無微不至～

Photo from 杜雯惠微博

Photo from 商務書局網站

相關文章：43歲梁競徽泳池狂歡，超高髮際線現形！北上發展2年工作量大減？！

Text: HolidaySmart Editorial

360秒人生課堂｜醫生媽媽辭職照顧自閉症兒子曾一度崩潰，靠母愛+老公激勵重新振作！

15 Apr , 2022

TVB新節目《360秒人生課堂》由林盛斌（Bob）主持，每集都會邀請不同人士進行6分鐘演說，透過講述自己人生經歷來感動觀眾。新一集就有一名醫生媽媽分享照顧患自閉症兒子嘅辛酸故事，不少現場觀眾都聽到熱淚盈眶。

Photo from 《360秒人生課堂》

醫生媽媽辭職照顧自閉症兒子

節目中，一名叫黃溢妮（Stephenie）嘅媽媽運用360秒即6分鐘時間大談自身經歷，佢本來係一名專科醫生，佢同從事金融業嘅老公Alan育有兩名子女，當中嘅8歲兒子顥之患有自閉症，佢不懂說話，認知能力也只有三至四歲。兒子未夠兩歲時，Stephenie已知道佢有中度至嚴重自閉症。但Stephenie無放棄，更決定辭掉工作照顧顥之，每日同佢一起做訓練。

Photo from 《360秒人生課堂》

難搵學校感沮喪

Stephenie表示，不少自閉症孩子都容易激動，難以跟別人合作，但顥之卻很聽話，可惜能力不高，很多簡單指示都要經長時間訓練才有進步。之後，顥之因學習能力問題無法進入正常學校，同時被醫生評估需入讀中度智障特殊學校。Stephenie一時無法接受，於是搵咗間專為自閉症小孩開設嘅學校，但面試過後，該校老師卻指顥之能力唔適合入讀此校，Stephenie因此非常失望，更因此哭了很多次。

Photo from 《360秒人生課堂》

兒子曾當眾大便

一次，Stephenie跟朋友帶了顥之到一間私人會所嘅兒童遊樂場玩耍，當時5歲但智商僅3歲嘅顥之正值學習上廁所時期，Stephenie一不留神，就發現兒子站在繩網中間，脫了褲子當眾大便，事後更將糞便掉到周圍都係。

Photo from 《360秒人生課堂》

Stephenie當刻不知所措，又怕會被人拍片放上網，所以一路低著頭，唔敢望周圍，一路爬上繩網幫忙清潔，又跟職員道歉，而佢老公就一手抱走兒子，帶佢到更衣室洗澡。當晚，Stephenie回家即衝入房大喊，佢深感挫敗和無地自容，心想：「我兒子得5歲，人生仲有咁長，係咪都要一直發生呢種事？」

Photo from 《360秒人生課堂》

靠老公一番話從新振作

正當Stephenie自認為處理和面對不到兒子嘅事，老公Alan就給予鼓勵，坦言：「我唔太介意別人點睇我，而且剛才一啲都唔丟臉，我仲覺得自己好有型添，周圍嘅人應該讚我呢個爸爸，將如此尷尬嘅事處理得咁好。」Alan續稱，即使兒子正常，長大後可能都會學壞，但顥之就好乖，而且佢會陪你一世。Stephenie頓時被「點醒」，重新有了希望。佢又指，嗰次對話後已完全釋懷，又認為顥之令自己學懂了感恩，令家庭充滿愛。