袁詠儀16歲囝囝魔童近照曝光身高米九同媽媽撞樣? 網民:顏值比不上父母

By jack on 04 Jul 2023

Digital Content Writer

張智霖與袁詠儀結婚22年，婚後育有一子張慕童(魔童)，作為星二代，魔童自少備受外界關注，其社交平台坐擁10萬粉絲，前年他在IG玩「你問我答」因一句留言惹內地網民不滿，其後甚少再更新近況。近日他貼出多張近照，可見16歲的他身材高瘦，打扮時尚有型，有人指他長相似足媽媽靚靚，不過亦有內地網民指他外貌不及父母，引起熱論。

Photo from 袁詠儀微博

分享生活近照身高米九外貌激似靚靚？

正就讀香港國際學校的魔童最近開始放暑假，昨日(3日)他在IG及微博上傳多張生活照並寫道:「假期開始了！」相中可見魔童去了美國旅行，他留有長瀏海髮型，身穿白T恤配黑色外套在街邊打卡，照片中魔童雖沒有以正面示人，但從側臉可見，他的五官跟媽媽靚靚非常相似。另外魔童亦貼出自己原地跳上石壆以及在室內跳高的影片，可見他的身形高大，手腳修長，在原地輕鬆一跳即摸到約3米高的天花板，估計魔童的身接近1米9，高大又有型，令不少網民非常羨慕。

Photo from 魔童 IG

Photo from 《金枝玉葉》

有網民指魔童長相普通顏值比不上父母

魔童罕有分享多張生活照後，即引起網民熱議，有人指魔童長相普通，只是有「星二代濾鏡」加持才會引起關注「這長相，不說比他爹媽了，就普通人中也只算個中等吧」、「張智霖和袁詠儀都很好看，魔童長大看起來完全不是一個水平線的」、「看側臉還不錯，正臉就一般，長得很香港的樣子」亦有人指魔童顏值比不上爸爸ChiLam以及身形太瘦，估計很難投身娛樂圈發展「太一般了，沒有遺傳爸爸」、「沒他爸帥，只是像媽媽」

Photo from 魔童 IG

Photo from 袁詠儀微博

Photo from 小紅書

近年魔童愛結他及踩單車立志要做音樂人？

據指魔童自少喜愛踩滑板，幼年時他經常與爸爸張智霖外出踩滑板，近年長大了不少的魔童則愛上踩單車及彈結他，從他在IG貼出的照片可見，他在一旁專注彈結他，身旁還有一位長腿少女陪伴。魔童的IG個人簡介以英文寫道，表示自己想成為音樂人，亦不時向大家分享自己喜愛的音樂，未知他將來會否跟隨爸爸腳步入行做歌手？

Photo from 魔童 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

張智霖袁詠儀低調返港，鬧市拖手晒恩愛，靚靚拎30萬Hermès袋

13 Feb 2023

張智霖同袁詠儀近年主力北上工作，上過好多內地綜藝做嘉賓。近日有網友野生捕獲佢哋，原來張智霖同靚靚日前已低調回港，更於鬧市中拖手，十分恩愛，網民見到兩人拖手嘅方式同靚靚拎住嘅Hermès袋即笑言：「一看就知道是靚靚。」

Photo from 袁詠儀微博

張智霖袁詠儀結婚22週年

近年好多香港藝人北上掘金，張智霖袁詠儀夫婦經常以夫妻檔上節目，早前喺《披荊斬棘2》中佢哋更於台上舉行婚禮，場面感人，唔少人都大讚佢哋結婚超過20年仍然恩愛，靚靚更喺微博晒出慶祝結婚22週年嘅夫妻合照。

Photo from 《披荊斬棘2》

Photo from 袁詠儀微博

網民於香港偶遇Chilam靚靚夫婦

北上工作多時，原來日前張智霖同靚靚已經返咗香港過農曆新年，更齊齊行花市添！最近有網友於中環鬧市「野生捕獲」Chilam夫婦，更影咗張背影相，掀起網民熱烈討論。

Photo from 袁詠儀微博

該網友於小紅書post出兩張相：「偶遇靚靚張智霖好甜」，佢指靚靚同Chilam兩人都「好好看，好安靜好恩愛」，又大讚靚靚素顏都好有氣質，網民表示佢哋即使打扮樸素都睇得出同普通人唔同。

Photo from 小紅書

Photo from 袁詠儀微博

獨特拖手方式、$30萬Hermès掀熱議

雖然照片淨係影到佢哋嘅背影，但從張智霖拖住靚靚隻手背喺背後呢個獨特嘅拖手方式，網民笑言一睇就知喺Chilam同靚靚：「他們每次牽手的方式都很標誌性哎」，亦有網民感歎張智霖同靚靚結婚22年行街都仲會拖手：「好羨慕他們兩的感情。」

Photo from 小紅書

Photo from 袁詠儀微博

另外有網民就發現靚靚右手更拎住Hermès Birkin Bag，網民估計價值近$30萬人民幣：「靚靚左手Chilam 右手愛馬仕，人生贏家」，其實靚靚向來都鍾情Hermès呢個品牌，曾被目擊現身Hermès專門店購物。

Photo from 小紅書

靚靚係Hermès fans，傳Chilam花逾$2000萬買手袋贈愛妻

靚靚老公張智霖亦自爆屋企有齊Hermès多種款式手袋，包括經典嘅Birkin、Kelly、Toolbox、Kelly Clutch、Lindy，有傳Chilam多年嚟花咗逾$2000萬買手袋送畀靚靚，認真寵妻！

Photo from 袁詠儀微博

靚靚出席生日會時更同其他嘉賓分享「Hermès配貨秘技」，甚至喺出演內地劇時出動炒價逾$50萬嘅私伙Hermès綠色鱷魚皮Birkin！

Photo from 袁詠儀微博

Photo from 《盛裝》劇照

Text: HolidaySmart Editorial

披荊斬棘2｜張智霖袁詠儀婚禮搬上台！蘇有朋微博暗寸後秒刪？！

2 Oct 2022

《披荊斬棘的哥哥》成功帶挈一班香港男星人氣急升，陳小春、張智霖再出演第二季。最近一集張智霖更於台上與結婚多年嘅老婆袁詠儀再搞婚禮！呢個舞台引起內地網友熱議，有指另一參加者蘇有朋喺微博發文暗諷對方？！

Photo from 《披荊斬棘》

陳小春、張智霖再出演《披荊斬棘的哥哥》第二季

《披荊斬棘》獲稱為男版《乘風破浪的姐姐》，第一季亦十分成功，其中陳小春、張智霖、謝天華、林曉峰、梁漢文5人更組成「大灣區哥哥」，一齊出演另一個真人騷。

Photo from 《披荊斬棘的哥哥》

有名又有利，《披荊斬棘》第二季搵返第一季嘅參加者再出演，陳小春同張智霖亦成為其中一分子。節目播出後吳卓羲、杜德偉等人都經常登上熱搜，而喺第三次公演中，張智霖就「出大招」～

Photo from 《披荊斬棘》

張智霖將婚禮搬上舞台，狂冧老婆袁詠儀

佢與任賢齊率領嘅部落對決中，演繹《無與倫比的美麗》，張智霖更將婚禮搬上舞台！雖然同靚靚袁詠儀已經結婚超過20年，但當年佢哋並無舉辦婚禮，連婚紗相都無影。

Photo from 《披荊斬棘》

張智霖曾表示會喺60歲時同老婆補拍婚紗相，不過節目中佢提到：「可是我想為甚麼我們還要等呢？」仲話特別想畀靚靚一個提早10年嘅婚禮，喺第三次公演中靚靚就著上婚紗企喺舞台嘅另一邊，而張智霖則大嗌：「袁詠儀，你就是我心目中無與倫比的美麗！」之後就跑向靚靚，並為對方戴上戒指，當然唔少得要kiss啦！

Photo from 《披荊斬棘》

網民反應兩極，有人質疑對任賢齊組唔公平

唔少網民睇完後表示十分感人，又話根本就係現實版嘅偶像劇。不過亦有人指張智霖擺老婆上枱，認為佢搞到同組隊友做晒伴郎，好似配角咁，質疑佢靠情懷爭取觀眾支持：「勝之不武」，直斥佢咁好做對其他人唔公平。

Photo from 《披荊斬棘》

蘇有朋微博留言暗諷張智霖？！

節目播出當日蘇有朋轉發同組隊員金瀚嘅微博為對方宣傳新劇。金瀚隨即留言表示如果自己談戀愛一定會向朋哥哥匯報，蘇有朋意有所指咁回覆：「也找個節目辦婚禮～」

Photo from 《披荊斬棘》

Photo from 蘇有朋微博

蘇有朋曾指團體表演不應突出某一人

蘇有朋嘅回應掀起網民熱議，認為佢係暗諷緊借節目搞婚禮嘅張智霖：「蘇有朋太耿直了！」更有網友指佢之前喺節目中獲隊友提議以古裝上台，因為佢嘅古裝係好多人嘅童年回憶。不過蘇有朋就委婉拒絕：「謝謝你的好意。」佢指大家團體嘅表演唔好太突出某一個人，更表示係佢嘅原則，另外佢又稱：「第二，如果要做情懷，不要連續兩集都做，觀眾會不舒服。」