楊枝甘露於日本大受歡迎！港式甜品登預測流行第一位，成便利店熱銷品

時事熱話

By Jennifer on 05 Jul 2023

Digital Editor

今晚食乜餸：小二，嚟一碟花生！

早年珍珠奶茶熱潮席捲日本，奶茶店開到成行成列。今年港式甜品「楊枝甘露」成為日本「新寵」，更登上日本預測流行第一位，喺便利店亦推出咗支裝嘅楊枝甘露，銷量相當好，有望引起「楊枝甘露」熱潮。

Photo from TVB

珍珠奶茶於日本後引起一陣熱潮

嚟自台灣嘅珍珠奶茶傳入日本後引起一陣熱潮，除咗有好多飲品店售買珍珠奶茶之外，日本人更將「珍珠奶茶」呢個元素加入其他食物中，珍珠奶茶pizza、珍珠麻婆豆腐、珍珠拉麵等陸續推出，掀起當時熱話。

港式甜品楊枝甘露喺日本大受歡迎

隨住珍奶熱情消退，日本好多手搖飲品店都結業。今年日本夏天有另一款飲品走紅，就係香港嘅甜品「楊枝甘露」，近日成為日本人消暑嘅飲品。

楊枝甘露喺80年代就出現，用糖水、忌廉、西米，芒果粒、柚子肉等材料製成，係一款經典甜品，早年亦改良成飲品出售。楊枝甘露最近喺日本大受歡迎，人氣直迫當年嘅珍珠奶茶。

Photo from TVB

Photo from TBS

日本人大讚楊枝甘露消暑，成預測流行第一位

日本東京一間Cafe新推楊枝甘露飲品，售價為1,309円（約$70港元），雖然以cafe飲品嚟講價錢唔平，但仍獲唔少顧客落單，佢哋都表示楊枝甘露好適合夏天飲，有消暑嘅效果。

Photo from TBS

而楊枝甘露亦榮登日本預測流行第一位，連鎖便利店FamilyMart亦喺6月推出咗樽裝楊枝甘露，銷量不錯，連台灣都有報道楊枝甘露喺日本大熱嘅新聞。

Photo from TBS

楊枝甘露未必能如珍珠奶茶一樣掀起熱潮？！

有網友指楊枝甘露喺日本有望成為下一個「珍珠奶茶」，但亦有人認為楊枝甘露喺夏天先會咁受歡迎，一到冬天就唔會有咁多人飲，唔似珍珠奶茶咁有熱飲、凍飲，一年四季都飲得。

Photo from TBS

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

台北打卡able甜品店！少女心浮誇系草莓塔爆紅！每個位置都超適合影相！

31 Mar 2023

去旅行都會想影多啲靚相，嚟緊去台北又鍾意打卡影相嘅你，就唔好錯過呢間被列為台灣「10大必訪打卡餐廳」之一嘅IGable甜品店「Meat Up覓晌」啦！因為店內每個位置到餐桌上嘅食物、甜品，都超適合影相！

Photo from Meat Up 覓晌 FB

「Meat Up覓晌」喺2016年開店2個月就迅速擴店，2017年以後就進駐中國西安、深圳，而現時，「Meat Up覓晌」喺台灣分別有西門町及桃園兩間分店。餐廳主打「手機食先」嘅打卡風潮，成間店由裝修到食物都超適合打卡，更因此被日本媒體評選為「台灣十大必訪打卡餐廳」！餐廳以紅、綠及奶白為主配色，由店門開始就好適合打卡，店內各個角落更設有唔同打卡點，喺唔同地方都可以搵到好睇嘅背景！除此之外，「Meat Up覓晌」仲係寵物友善餐廳，大家可以帶埋萌寵一同去餐廳！

Photo from Meat Up 覓晌 FB

同時，店家喺食物上都落咗一番功夫，每2.5個月就換新Menu，大家去之前可以先去官方社交媒體查看佢哋嘅新出嘅菜式。不過，相信大家對「Meat Up覓晌」印象最深刻嘅都係佢哋嘅甜品，店家主打浮誇吸睛嘅甜品造型，早前推出嘅101草莓塔就喺網絡上火速爆紅！用20粒士多啤梨及奶油砌成嘅草莓塔，食落肚必然會帶嚟滿滿嘅幸福感！近日推出嘅草莓季甜品如莓果棉花糖瀑布舒芙蕾、草莓奶酪帕菲與舒芙蕾、草莓奶昔紅心皇后等，款款都好吸引！