郭晶晶霍啟剛淺水灣1.6億過萬呎豪宅公開！意外曝光豪門「貼地」一面

娛樂新聞

By Jennifer on 05 Jul 2023

Digital Editor

今晚食乜餸：小二，嚟一碟花生！

前奧運金牌得主郭晶晶2012年與霍啟剛結婚，婚後兩人育有一子二女。佢哋亦不時喺網上分享一家五口嘅生活。近日霍啟剛生日，郭晶晶就公開仔女同爸爸慶祝生日嘅相片，令佢哋價值1.6億嘅豪宅曝光，掀起熱議！

Photo from 霍啟剛Facebook

郭晶晶嫁入豪門仍保持低調作風

現年41歲嘅郭晶晶雖然貴為奧運金牌選手，但嫁入豪門後一直都生活低調，獲唔少網友大讚係真正嘅豪門。近年霍啟剛、郭晶晶夫婦都會喺網上分享佢哋嘅日常生活，其中更有唔少親子活動，一家五口樂也融融。

Photo from 郭晶晶小紅書

Photo from 霍啟剛Facebook

最近郭晶晶就喺小紅書上公開一家人嘅近照，並留言「一個平凡又特別的日子」，郭晶晶表示：「一家人在一起簡單純粹的快樂，玩卡牌，踩單車，當然也少不了生日蛋糕。祝我親愛的快樂健康，不止在生日」

Photo from 郭晶晶小紅書

霍啟剛生日陪子女親子活動

一家人為霍啟剛慶祝43歲生日，霍啟剛同郭晶晶陪仔女玩uno、出門踩單車，網友大讚佢哋夫婦：「真真的富豪，過著普通人平凡的生活」、「我發現一個現象，有錢人家大人孩子一起運動，讀書，遊戲；窮人家大人孩子一人一個手機各玩各的」、「我看到一家人的幸福快樂。好的父母真的會給孩子一個完整的正能量的童年！他們真的很棒！」

Photo from 郭晶晶小紅書

意外公開1.6億過萬呎豪宅！

而郭晶晶公開霍啟剛同子女玩uno嘅一張相，就意外曝光佢哋嘅住宅內部，一家五口坐喺地氈上，可見佢哋所在嘅空間頗大，據悉霍啟剛同郭晶晶一家住喺淺水灣價值1.6億嘅獨立別墅，別墅有3層，加埋花園等面積過萬呎。

Photo from 郭晶晶小紅書

不過有人關注到佢哋屋企有啲亂，唔少雜物堆放喺地下。有網友笑言霍啟剛家中應該有唔少僱人幫忙執屋，但畢竟有3個小朋友，屋企好難保持整齊。亦有人指見到咁亂嘅屋企好有共鳴：「原來豪門也這樣」，笑稱佢哋好「貼地」。

Photo from 郭晶晶小紅書

之前郭晶晶亦有喺小紅書拍片於家中野餐，公開咗別墅嘅花園，可見花園面積亦好大，種咗唔少植物，可以畀佢哋一家喺草地野餐。

Photo from 郭晶晶小紅書

郭晶晶培養子女盡量節儉不揮霍

郭晶晶亦曾晒出幫大仔縫書包背帶嘅影片，郭晶晶表示自己唔直接買新書包有原因：「我認為小孩的價值觀不是可以靠學校的知識或者平日家常說教就能夠培養的，是從生活點滴言傳身教去累積建立起來的。讓孩子認識能修的東西就不要隨便換，要懂得盡量節儉不揮霍的道理，也是培養正確價值觀之中很重要的一部分」，獲大讚係「香港闊太圈的清流」。