35歲張秀文被爆已懷孕兩個月? 消失半年秘密造人？曾公開表明想生兩個

By jack on 05 Jul 2023

Digital Content Writer

現年35歲的前港姐張秀文前年11月下嫁金融才俊王大權，婚後甚少露面，IG接近1年半沒有更新，期間不時傳出懷孕喜訊，可惜都是空歡喜一場。張秀文自今年2月出席電影首映禮後，再沒有公開亮相，近日外界傳出她已懷孕2個月的消息，之所以一直保持低調，是想在合適時間宣布喜訊。

Photo from 張秀文 IG

公開表明想陀B：最好一次生兩個

張秀文向來篤信傳統風水命理，她與玄學大師李居明關係亦不錯，曾為對方主持的電台節目及棟篤笑擔任嘉賓，結婚與產子都有請教李居明的意見，她自爆單身時獲大師指點迷津，同年即遇上男友兼結婚。去年初她在TVB節目《新春開運王》擔任嘉賓時，公開表明想陀B，更揚言志在必得要一擊即中，師傅即建議她在寅時（凌晨3-5時）進行造人大計，當時張秀文興奮表示會較定鬧鐘起身，希望與老公在吉時製造「虎B」！今年2月張秀文在公開活動中自爆與老公未夾到時間造人，不過她坦言恨做媽媽，因為自己與老公都喜愛小朋友，更表示最好一次生兩個！

Photo from 張秀文 IG

怕胎兒「小器」未敢宣布喜訊？

昨日(4日)有報道指張秀文懷有身孕兩個月，因此近半年一直絕跡公開場合，又指她怕未滿3個月公布消息，胎兒會「小器」，又怕自己未能安心穩定陀B，所以兩夫妻都不敢隨便張揚，不過消息一直未獲當事人證實。其實去年4月都有傳出過張秀文造人成功，當時她回應傳媒否認相關傳聞，又表示有喜訊必定會跟大家分享。

Photo from 張秀文 IG

獲金牌媒人阿Bob掀紅線成功下嫁金融才俊

張秀文與王大權是在金牌媒人阿Bob介紹下相識，兩人於2020年情人初見面，後來發展成情侶，拍拖1年多已認定對方，去年的12月他們更拉埋天窗，正式結為夫婦。據指王大權是「皮草太子爺」王大業的堂弟，甚有投資眼光，年薪過千萬，是城中筍盤。去年11月張秀文更在IG發文講述與老公的相識經過，更特意感謝金牌媒人阿Bob。張秀文坦言2020年情人節在家沒人約，晚上9時收到阿Bob邀請出席朋友聚會，張秀文原本不想出席，後來被阿Bob以「改變一生」為理由成功說服，最終遇上現任老公！

Photo from 張秀文 IG

Photo from Bob IG

張秀文曾多次捥拒男方求婚？

由拍拖至結婚張秀文與王大權都一直保持低調，據指王大權曾多次求婚，但張秀文卻以發展事業為由捥拒，後來男方更曾使出銀彈攻勢，表示贈予豪宅，張秀文也拒絕對方好意。直到去年王大權為再次求婚花盡心思，將家裡布置得華麗美觀，又向「街頭魔法王」甄澤權學魔術，變玫瑰花再半跪拎戒指求婚，終憑誠意打動女方，娶得美人歸！

Photo from 張秀文 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

張秀文拒絕未婚夫送豪宅大禮！原來女藝人收樓做禮物好普遍?!

6 Dec , 2021

2021年娛樂圈中亦有唔少喜訊傳出～早前，前港姐張秀文就被爆明年同拍拖1年嘅金融才俊男友王大權（Billy）結婚，而男方仲打算送黃竹坑豪宅新盤俾佢作為結婚禮物，不過張秀文就認為價錢太過昂貴而拒絕呢份「大禮」！

Photo from 郭嘉文IG

# 張秀文明年與金融才俊男友結婚！

現年34歲嘅前港姐亞軍張秀文就被爆將於明年同從事金融嘅男友王大權（Billy）結婚，外界盛傳男方係富二代，而且年薪高達百萬，絕對係「荀盤」！而張秀文喺IG公佈婚訊時就感謝媒人阿Bob（林盛斌），令佢可以成功覓到餘生嘅伴侶。

Photo from 張秀文IG

# 拒絕未婚夫送豪宅！

最近，張秀文接受訪問時就表示未婚夫曾兩度主動送樓俾佢，希望可以完成張秀文做業主嘅夢想。而男方本來就打算購買位於黃竹坑嘅豪宅新盤俾佢，然而佢就嫌樓價太過昂貴而拒絕，仲話自己其實並唔心急想買磚頭！據悉，現時佢已經搬入未婚夫嘅豪宅一齊居住，雖然間屋暫時未有加佢名，「佢見我咩都冇所以就話結婚後，佢嘅嘢有一半都屬於我！聽到都幾感動嘅。」

Photo from 張秀文IG

其實娛樂圈過往亦有唔少女明星獲得物業作為禮物，而家就等我哋睇下有邊幾位啦！

陳庭欣

2010年港姐冠軍陳庭欣同擁有10億身家嘅彩豐行老闆楊振源（Benny）交往多年，而本身居住公屋嘅佢亦變得越來越富貴，因此近年經常傳出婚訊。有指，佢上年就已經搬入月租10萬元嘅沙田九肚山豪宅居住。

Photo from 陳庭欣IG

有傳，楊振源因為緋聞多而激嬲女友陳庭欣，所以佢就專登送上價值逾千萬嘅黃大仙現崇山單位哄返女友！

Photo from 陳庭欣IG

梁洛施

梁洛施於2008年爆出同富商李澤楷嘅戀情，並分別於2009年同2010年為男方誕下3個兒子。有傳當年男方贈送價值逾5億嘅石澳豪宅俾佢作為禮物，據悉呢間屋非常特別材料大多都係以美國紅木所製成，所以裝修費用亦好昂貴，足足用咗8年先建成！不過兩人已經於2011年正式分手。

Photo from 梁洛施IG

郭嘉文

2015年港姐季軍郭嘉文喺2016年同李澤楷公開戀情，仲因此被外界稱為「千億女友」！喺戀情曝光不久後，佢就同TVB解約過悠閒嘅生活。2017年，郭嘉文就被爆以個人名義購買價值過億嘅九龍塘逸瓏天池屋頂樓，由於佢出身於小康之家，再加上TVB人工低，所以唔少人都推測豪宅應該係李澤楷贈送嘅禮物！

Photo from 郭嘉文IG

Mandy Lieu

Mandy Lieu喺2014年同澳門娛樂大亨周焯華（洗米華）傳出緋聞，而同年佢就一筆過購入逾9,132萬嘅「珒然」半山單位，據悉單位面積大約係2,200呎。由於媒體經常都拍到佢同洗米華一齊返該單位，所以被大家喻為佢哋兩人嘅愛巢！不過現時該單位已經抵押予新濠博亞（澳門）公司，以抵欠該公司嘅所有債務。