大埔奇怪街招 收錢上門啜腳趾? 街上多次流傳此服務 機警網民揭真相

每個人或多或少都有一些另類癖好，但一般都會藏於心底，不敢大肆宣揚。近日網上流傳一張奇怪街招，作者寫明收錢提供「上門啜腳趾」服務，其特殊的戀腳癖令人震驚，網民直呼超重口味，更有人指出這類街招並非首次出現，事件即時引起熱論！

Photo from 《謎樣的他》劇照

大埔有人提供24小時上門啜腳趾服務？

近日有網民在FB群組「大埔人大埔谷」上傳了一張照片，是一張貼在牆上的廣告街招，內容寫著「上門啜腳趾24小時服務，每小時$50」，街招下半張紙被剪成4張字條，上面附有聯絡人周生的電話號碼，好讓途人撕走字條直接聯絡周生。發文者在大埔街坊群問：「請問係佢走去啜人？定叫人啜佢！在線等！」

Photo from 大埔人大埔谷 FB群組

網民笑言服務收費過低 又指有畫面重口味

貼文發布後引起網民熱議，不少網民指發文者想知的話，可隨時致電周生了解詳情「你試一試，試完報告我地知」、「有電話自己打去問啦」有人則指出周生收費過低，不合常理「啜又好，比啜又好，啜成個鐘先50？，啜5分鐘腳趾都巢啦」、「每隻50都要考慮吓，仲要一個鐘頭50」不過亦有人笑言周生有大志「幾有熱誠，睇得出佢對哩行好大抱負」不少網民坦言看到街招後腦海即浮現出灰甲及香港腳，又批服務重口味，令人作嘔。

Photo from 《紅衣女孩》

街招多次在網上流傳 機警網民揭背後真相

其後有人指這張「上門啜腳趾」的街招數年前已出現過，內容同今次一樣，唯下方的聯絡人寫著林生，而不是周生，聯絡電話亦不同。有機警的網民表示「通常係追數公司追數手法」，即是他們向債仔追數的手段，由此推測「周生」與「林生」很大機會欠債不還，追數公司即公開他們資料，讓有心人上門找二人啜腳趾 。

Photo from 高登討論區

Photo from 《黑道風雲之收數王》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本驚現「中老年」牛郎店　凸肚肥叔叔勁有市場！網民：估唔到日本妹咁重口味

17 Feb 2021

相信唔少人對日本男公關（俗稱：牛郎）嘅印象都係靚仔嘅小鮮肉，無論外型定妝扮都好似偶像男星咁，但事實上可以打扮成咁嘅一樣都係 20 多歲嘅年輕小鮮肉，一般超過 30 歲就已經好難再喺依個行業再混落去。但喺日本大阪就有一間招攬中年男公關嘅熟男店，引起咗大家注意！

喺日本「牛郎」依個行業一直都好流行，依個專門陪貴婦或寂寞女子飲酒嘅行業，通常都有特定嘅形象，但將一般嘅大叔改造成牛郎風格真係可以招攬熟女客人？！

而喺日本大阪正正就係有一間名為「Prince」嘅牛郎店，店中嘅牛郎年齡由 20 歲至 65 歲都有，而且樣貌普通，仲有啲伯伯、叔叔嘅 feel 添～

雖然牛郎嘅品質本來就會參差不齊，但依間牛郎店嘅範圍真係太闊喇，難道有網友見到會話「我以為是哪家建築公司的臨時工名單」、「路邊的工人都比這些帥吧？」、「也許有些熟女想選擇同年紀的吧」等。

但部分日本嘅女性就唔係咁認為，佢哋覺得小鮮肉牛郎太普通，而依啲老實大叔走嘅係沉穩路線，畀人多一份安心嘅感覺。

唔知大家又會點睇呢？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

日本20歲眼大白滑可愛靚女真實身分係電車男？超勁化妝技巧連女生都忍唔住求教

16 Feb 2021

日本作為動漫王國，有去過日本玩嘅大家不時都會有機會見到唔少人 cosplay 唔同嘅動漫角色，其中大多 cosplay 嘅角色都會以女生角色為主。早前日本就有一名本身唔多起眼嘅男生因為超班嘅化妝技術搖身一變成為甜美可愛嘅美女，靚到連女生都有少少羨慕呀！

依位 20 歲嘅日本男子叫「夏野きゅーり」，本身活躍於社交平台，鍾意打扮成還原度 100% 嘅動漫人物最令佢有成功感，而佢亦係日本 cosplay 文化中常見嘅「偽娘」！

「夏野きゅーり」本身係一個油頭垢面嘅電車男嚟，唔單止眼超細、皮膚黑，樣貌亦唔算十分討好，但經過變妝後，就會搖身一變成為眼睛比原先大十倍、皮膚白滑、五官非常精緻嘅美女！

佢裝起清純學生妹時楚楚可憐嘅感覺，加上尖尖嘅瓜子臉同露出笑容甜美嘅櫻桃小嘴，簡直迷倒唔少人，完全冇暴露佢係男生嘅蛛絲馬跡～

而除咗學生造型外，就連性感嘅小背心都難唔到佢，纖幼嘅手臂同明顯嘅鎖骨很盡現性感美～同佢以真面目示人時真係原來兩個人嚟。

唔少網友睇到咁大嘅對比後都大感驚訝，就連女網友都忍唔住要留言求化妝教學。

但亦有網友認為佢可以扮得咁扮除咗單靠化妝，仲一定要用美顏 App 「ULIKE」同修圖先可以影出咁似女生嘅相，如果唔係就一定會露餡，看得出係男生嚟！

而且唔化妝個樣仲有少少似寵物小精靈入面嘅「小剛」添～

不過講到尾「夏野きゅーり」都只係熱愛 cosplay 啫，無論男定女嘅角色佢都會嘗試，出嚟嘅效果都唔錯㗎！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）