李玟去世｜曾9次人工受孕失敗成遺憾！與富商老公相愛20年，傳丈夫偷食離婚

娛樂新聞

By Jennifer on 06 Jul 2023

Digital Editor

今晚食乜餸：小二，嚟一碟花生！

歌手李玟（CoCo）嘅姐姐喺網上公佈CoCo離世嘅消息，震驚中港台三地。近年李玟傳出婚變，佢與富商老公樂裕民（Bruce）結婚12年，曾經試過9次人工受孕，可惜都失敗。李玟曾表示希望可以生兩個小朋友，終未能如願。

Photo from 李玟微博

李玟家中輕生離世，終年48歲

李玟（CoCo）嘅姐姐Nancy表示妹妹因為患上抑鬱症，於7月2號喺家中輕生，搶救無效延至7月5號不治，終年48歲。消息傳出後大量圈中人都發文悼念CoCo。

Photo from 李玟微博

全文如下：

致所有愛護CoCo李玟的歌迷和朋友們：

我們懷著極度哀傷的心情，告訴大家一個悲痛的消息：CoCo於數年前不幸患上了抑鬱症，經過長時間與病魔鬥爭，可惜近日病情急轉直下，於7月2日在家中輕生，送院後一直昏迷，經醫院團隊努力搶救及治療，最終於7月5日返魂乏術，與世長辭。

2023年本應是CoCo出道30週年，29年來她除了用勁歌熱舞帶給我們無盡快樂與驚喜外，更努力地為華人歌手在國際歌壇開拓一片新天地，一直全力以赴為華人發光發亮，我們為她感到自豪。

作為CoCo的家人，我們非常感恩和榮幸有一位這麼優秀、傑出的妹妹，感恩上天賜給我們一位這麼善良的天使，希望現在她去了更快樂的地方，不再受抑鬱症煎熬；相信上天一定會給她一個最好的安排！現在，我們最大的責任就是好好照顧年邁的母親，希望大家多為這位老人家祈福也同給我們療治傷痛的空間和時間！

最後，再次感謝醫護人員全程盡心盡力的搶救及照顧。同時希望大家除了懷念CoCo，更希望你們分享她那標誌的燦爛笑容、真誠待人及傳遞善良愛心給你們身邊每一位，延續CoCo的心願 - 讓所有在她身邊的人感受到她的愛和快樂。

CoCo在世間儘管停留不久，但她的光芒，永垂不朽！

Carol & Nancy 泣告

Photo from 李玟微博

CoCo與20億富商Bruce舉辦世紀婚禮，豪花1.5億請國際巨星擔任嘉賓

CoCo出道近30年，近日佢因腳疾而暫時未有公開露面，早前佢亦與富商老公樂裕民（Bruce）傳出婚變。CoCo與Bruce戀愛8年，喺2011年結束愛情長跑結成夫婦。當時婚宴更成為話題，因為婚禮上更邀請到多位國際巨星擔任嘉賓。

Photo from TVB

Photo from 李玟微博

CoCo與Bruce嘅「世紀婚禮」一連舉辦兩日，三組婚禮歌手分別係Bruno Mars、Alicia Keys以及Ne-Yo！第二日繼續舉辦婚後派對，由Bruno Mars同The Black Eyed Peas擔任表演嘉賓。現場星光熠熠，有指呢個世紀婚禮豪花1.5億。

Photo from TVB

Photo from 李玟微博

曾接受9次人工受孕可惜均失敗

雖然有兩名繼女，但婚後CoCo一直都想當媽媽，佢曾透露喺紐約接受人工受孕，有指佢先後9次人工受孕，惜都以失敗告終。為咗懷孕佢要打針，而身體無反應所以要比一般人再打多一個禮拜，三個星期打咗好多荷爾蒙，過程非常辛苦。

Photo from 李玟微博

CoCo表示更要自行打針，一共三針，佢提到有一支針好粗又長，但為咗懷孕佢都同自己講要做到。CoCo指自己想生兩個小朋友，可惜最終未能如願。

Photo from 李玟微博

李玟透露因腳部舊患需重新練習行路

同老公結婚12年，2023年傳出兩人分居消息，有指Bruce三度偷食，而兩個繼女亦無幫CoCo取回公道，CoCo雖然未有公開回應婚變傳聞，但就喺微博暗示：「離開是最好的安排」，到2023年2月佢又透露因為天生左腿有缺陷所以都靠右腳支撐，但排舞時觸及舊患，已影響到佢正常生活，佢表示：「我要重新練習走路，希望大家陪伴我渡過這個艱難的路程。」

Photo from TVB

Photo from 李玟微博

CoCo之後就甚少喺公眾面前出現，最後一篇微博停留喺5月20日，佢宣傳新歌《戰歌》，佢留言：「生活要面對很多困難和傷痛，勇敢去挑戰，去追求，你就是戰士。」

Photo from 李玟微博

李玟輕生當日最後留言公開

李玟粉絲後援團「中華玟迷聯盟」公開咗7月2日李玟輕生當日send畀fans嘅40秒語音留言：「親愛的，我是CoCo。感受到大家對我的愛跟支持，你們做我的後盾，我會加油！這段時間希望你們自己也身體健康快樂。我非常想念大家，我也在努力努力。想念你們，我也非常想念你們哦！愛你愛你，Thank you so much for the gifts，beautiful and very thoughtful，Love you guys！」