戴祖儀大派福利晒泳裝照被質疑P圖！力證清白反擊：我窮得只剩下腿

戴祖儀（Joey）有拍劇、有唱歌，佢最近就出埠度假，更喺IG晒出比堅尼相，罕有大晒身材。唔少網友都大讚佢身型fit爆，但亦有部分網民質疑佢P咗圖，戴祖儀隨即post出影片力證自己身材未有「後期加工」。

戴祖儀入行5年，曾經拍攝劇集《青春不要臉》，佢平時都有喺IG分享自彈自唱嘅影片。不過出道以嚟戴祖儀都甚少晒身材，比較多展露長腿。

近日佢喺IG公開泳衣照，並留言：「出道原來5年了 #0703，謝謝陪在我身邊的每一個你～這5年從來沒有變過的想法是：人生很短，一定要快樂。自己快樂，也帶給別人幫助與歡樂。希望我有帶給過你們歡樂」

相片中佢罕有以比堅尼示人，大晒身材。即時吸引唔少網友畀like，現時已有超過1.6萬likes！其中佢一雙美腿非常搶眼，唔少網友都大讚佢「禾杆冚珍珠」，估唔到佢身材咁有料，又封佢為「長腿儀」。

即睇更多人氣文章：
【iPhone15預測】iPhone 15「櫻花粉」絕美曝光！蘋果史上最貴iPhone？6大預測一覽！
外傭返工兩周瞓地唔做嘢 事主無奈發文求助 網民獻計對付麻煩工人

不過喺一片讚美聲中，有人卻質疑戴祖儀有P圖？！鄭衍峰留言：「講！張相P左幾耐」雖然佢明顯係講笑，但亦有其他網友表示：「個人有冇咁長呀？」似乎唔信戴祖儀嘅長腿係真。

隨後戴祖儀就公開一段影片，片中佢就介紹自己住嘅villa，佢著咗牛仔短褲，長腿依然吸睛，戴祖儀更加上hashtag「#唔好再話我p腳！」、「#我窮得只剩下腿！」

而鄭衍峰就繼續留言：「姐係P左其他地方啦」，戴祖儀今次直接回覆：「次次都攻擊我 你攰唔攰」，鄭衍峰則指：「見你咁靚又咁關心我攰唔攰，我休息陣先」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

戴祖儀超強眼光投資NFT，極速售罄大賺500萬？坐擁市價過百萬藝術品

9 Feb 2022

戴祖儀（Joey）主演劇集《青春不要臉》話題度唔錯，帶挈佢人氣急升。戴祖儀入行僅3年，最近佢同朋友推出一款NFT，更於短時間內極速售罄，有指佢憑NFT大賺一筆，其實佢向來有投資藝術品，市值過百萬！

戴祖儀投資草泥馬NFT狂賺500萬？

早前一款草泥馬NFT開售，僅15分鐘6,888隻就全部售罄。有指呢款「草泥馬NFT」戴祖儀都有份投資，估計佢勁賺$500萬！

不過戴祖儀表示呢款NFT唔係佢一個人投資，而係同其他人合資，所以雖然有賺錢，但就無$500萬咁多。其實佢一直都有投資開藝術品，並賺咗唔少，絕對係眼光獨到。

收藏過百件藝術品，估計市值總值過百萬

戴祖儀曾先後同日本藝術家橋爪悠合辦藝術展覽，同為美國籃球員Kobe Bryant舉辦紀念展覽。據公司註冊處資料顯示，佢係一間策展公司嘅董事。

佢更收藏過百件藝術品，估計市值總值過百萬！佢仲將唔同嘅珍藏分兩個studio擺放，戴祖儀不時喺YouTube分享佢新買嘅figure開箱片，曾經買過一款日本藝術家空山基Sorayama嘅作品，佢指原價$1,700美金（約港幣$13,200），依家已經升值8倍。

投資有收穫，戴祖儀亦唔吝嗇買嘢獎勵自己，試過豪花$28萬買1995年出產嘅勞力士。

MIRROR成員Ian推出NFT升值超過100倍

NFT成為娛樂圈大熱，好多藝人都加入行列。MIRROR成員Ian（陳卓賢）之前將IG頭像換成佢個人品牌推出嘅NFT，開售時售價約為$700，一個月後一度升值約$85,000 ，升值超過100倍！

周杰倫NFT交易總額近$5億

周杰倫嘅潮牌都同樣有推出NFT，發行一日即達$1,000萬美元（約港幣$7,800萬）交易，發行10幾日NFT交易總額更超過$4.7億。

另外方力申同鄺潔楹都有投資NFT，有指鄺潔楹推出嘅NFT售前定價約$13,888港元。另外陳冠希、林盛斌（Bob）都有投資NFT。

相關文章：28歲網紅將性感照轉做NFT！即賺逾4,500萬！比原價上升近3倍

相關文章：戴祖儀同「後生仔」們著校服跳舞 網民:抄ViuTV YOLO 但又抄得核突！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）