為受傷動物籌款！2018型仔澳洲消防員月曆曝光啦～成個畫面真係好有愛啊！

每到年底，就會有好多「養眼」嘅月曆誕生！小編唔係指明星嘅月曆，而係最近吸引小編眼球嘅2018年澳洲消防員月曆！！！天啊～好型呀！
Photo from 澳洲消防員月曆官網

澳洲消防隊員猛男月曆不嬲都係猛男月曆界嘅熱門首選。其實自1993年開始推出以嚟，月曆嘅銷售金額部分都會捐助俾各種慈善團體，例如為當地嘅兒童醫院基金會同燒傷科募資。真係諗都冇諗過，買本日常用品都可以做到善事。
Photo from 澳洲消防員月曆官網

而2018年《澳洲消防隊員猛男月曆》就預計捐助俾幫助救援生病或受傷野生動物嘅澳洲野生動物醫院！咁主題梗係係好charming嘅消防猛男同被幫助嘅大小動物！性感得嚟又好有愛心啊！
Photo from 澳洲消防員月曆官網

不得不提，實際上今年係「澳洲消防隊員猛男月曆」誕生25周年！請咗澳洲各地65位帥氣消防隊員～（大家唔好以為係靚仔明星models）！總共用咗四個星期拍攝出六種唔同主題嘅月曆。
Photo from 澳洲消防員月曆官網
Photo from 澳洲消防員月曆官網

呢6個主題分別係animals、puppy、hot fireflighters、QLD、NSW同埋VIC（即係狗狗＆消防隊員版、動物＆消防隊員版、火辣消防隊員版、昆士蘭州、維多利亞州與新南威爾斯州）。嘩！！！！小編每一本都想要啊（心心心心心眼）...
Photo from 澳洲消防員月曆官網

見到咁多大大小小嘅鮮肉同埋咁可愛嘅小動物大動物，小編真係抵抗力不了！不禁覺得firefighters 都可以好性感、靚仔同型！
Photo from 澳洲消防員月曆官網

消防員無論係香港定其他地方，佢地嘅工作都係好辛勞嘅～小編對佢地都係滿滿嘅尊敬！
Photo from 澳洲消防員月曆官網

如果大家對澳洲消防員月曆有興趣，都可以去佢地個官網睇吓！

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載