新出紫薯蝶豆花系列超夢幻? 小店旮旯將傳統日式甜品融合創新元素！

前排鬧到滿城熱烘烘嘅日式甜品小店旮旯，係由Instagram網店進化至係西九龍中心落地生根開實體舖。
之前介紹過佢地招牌嘅葛餅同麥提莎糯米糍，相信大家都應該唔陌生啦～



Photo from Presslogic

岩岩開舖嘅三位店主就不停更新同改良個menu，最近更推出左一系列嘅藍藍紫紫嘅新產品，有齊紫薯同蝶豆花，真係望落已經覺得涼透心啊～
Photo from Presslogic
 
店主係研發新產品嘅時候都會發揮下創意，從傳統嘅日式甜點中突破！
Photo from Presslogic

剛剛推出嘅 蕃薯卷($45) 就係用紫薯整嫁喇～呢個雖然外表同普通嘅忌廉蛋卷無咩大分別，但制作方法同實質用嘅材料就可以睇到店主落足心機！

 

蛋糕嘅質地絕對唔係出面嘅鬆軟感，而係相對綿密～因為店主話佢地完全無用任何梳打粉，係人手將蛋白發起而整成嘅！小編又幾鍾意呢種口感嘅蛋卷，而且食落紫薯味真係好濃郁～

而中間捲住嘅亦唔係忌廉，而係加入紫薯粉整成嘅自家製吉士醬，滿滿嘅吉士醬真係好香好幸福啊～
Photo from Presslogic

紫芋餅 ($25)
千祈唔好誤會紫芋就係芋頭呀，查實係日語嘅紫薯。呢個甜品靈感黎自葛餅，上面淋上用黑糖同紫薯自家熬製而成嘅醬汁，上面灑上由台灣運入嘅紫薯粉同黃豆粉。
Photo from Presslogic

小編覺得呢款紫薯味唔夠濃，較為淡味，相反黑糖味會比較突出。而口感相對葛餅會更有咬口啊～
Photo from Presslogic

蔓珠（蝶豆花＋青檸）($26)
狂籬（蝶豆花＋百香果）($26)
兩款飲品都係用左突登從泰國買番黎嘅蝶豆花，再加上唔同嘅水果，飲落非常清甜解渴，無死甜嘅感覺！Photo from Presslogic

而額外小編真係想私心推介呢款冬霧（焦糖＋牛奶）($24)，見到佢咁藍但完全係無人造色素嫁！全部都只係蝶豆花嘅顏色～
冬霧其實係焦糖牛奶黎嘅～奶味香濃！望一眼真係好治癒、飲一啖真係好幸福啊～～～Photo from Presslogic


旮旯
地址：深水埗欽州街37號西九龍中心8樓58號舖
電話：96272088 / 66825273
營業時間： 星期二至日 13:00-20:30