過半交友App玩家有拍拖或已婚? 當社交平台玩 上網識人全為hea時間？
對於不少生活圈子較窄的人來說，玩交友App是結識異性的重要渠道，而「App場有否真愛」更是近年網民常談論的話題，最近美國一項關於交友App的調查報告引起熱話，當中訪問過千名交友App用家，發現過半數人是已有伴侶，更坦言玩交友App並不是想尋找長遠發展的對象，單純為娛樂及消磨時間。
Photo from 《藍海傳說》
過半數交友App用家有拍拖或已婚？
美國史丹福大學醫學院（The Stanford Medicine）上月在期刊上公佈一份調查報告，當中針對1387名講英文，年齡介乎17-84歲的Tinder用家，研究他們玩Tinder的原因及用途，其中一位報告研究作者，史丹福醫學院精神病學系與行為科學臨床教授Aboujaoude坦言報告結果令人驚訝，當中有半數活躍用戶坦言玩交友App不是為尋找約會對象，更有65.3%調查對象坦承自己正在拍拖，甚至已婚！
Photo from 《親愛的，我愛上別人了》
玩App單純為自娛及消遣 現實約會大多感失望
報告發現交友App玩家除了找對象及尋歡外，更有不少人利用它當作社交平台獲取娛樂，追求社交連結性，亦有人會透過在交友App收獲讚好及配對來增加虛榮心，以應付自己的低落情緒。此外，報告指出在網絡溝通發展到實際見面後，只有少數人對結果感到滿意。研究報告的合著者Germano Vera Cruzj直指這種玩交友App的風氣是一種「欺騙遊戲」（Game of deception），雖然用戶感在其中得到歡樂，但只是短暫的自尊感和血清素提升，更會對想尋找真愛「脫單」的單身人士造成陰影或傷害，導致交出真心玩交友App結識伴侶的人愈來愈少。
Photo from 《瘋騷小男人》
Tinder新功能讓用戶確立交友目的
Tinder是個知名的為全球線上交友平台，據指其下載次數達5.3億，每月約有7500萬活躍用戶，2014年，Tinder的市場部人員曾表明他們從來沒有以約會程式自居，而是為二人提供交流機會的社交平台。去年12月，Tinder推出全新功能「交友目的」(Relationship Goals)，當中分成「長期關係」、「短期關係」、「好友關係」及「尋開心」4個選項讓用家尋找更合適自己的關係發展。
Photo from 《繼承者們》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
東張西望｜港男一腳踏十幾船！交友APP扮單身帶女性返屋企拍片
9 May , 2023
近日《東張西望》播出一集提到一位黃姓大學教職員疑瞞住老婆喺交友APP扮未婚男識女仔，仲一腳踏十幾船，帶埋啲女友返屋企，並未經對方同意下拍攝親密影片。黃太上節目希望可以避免更多女性受害，同時呼籲同老公拍拖嘅女生唔好再受騙。
Photo from 《東張西望》
黃太表示佢喺老公嘅手機中發現佢同好多不同女性嘅合照，一腳踏十幾船。黃生利用交友APP結識好多女性，年齡由20幾歲到40幾歲不等，黃太表示老公偏愛包包面、身型豐腴嘅女士。
Photo from 《東張西望》
Photo from 《東張西望》
黃太更指丈夫趁佢返咗內地，將女性帶到家中主人房拍攝親熱影片，黃太表示屋企係舊年6月裝修完，而影片嘅背景明顯係裝修後嘅主人房，更有一條疑似係黃生喺家中擺放手機，調整拍攝角度嘅影片，幸好手機跌落，未有影到受害女性。
Photo from 《東張西望》
Photo from 《東張西望》
Photo from 《東張西望》
黃太表示自己聯絡過其中3位女士，對方都指未有同意過黃生拍片嘅要求，感到十分震驚。可惜黃生好快就將電腦搬走，所以黃太手上證據唔多。
Photo from 《東張西望》
黃太稱嚟過佢屋企嘅女士十分害怕影片會流傳，得知被拍後當晚凌晨就趕到黃生家中，要求對方即刻刪除晒所有影片。黃太則指唔清楚親密影片嘅女主角係邊位女性，但希望《東張西望》報道後該女士會主動聯絡節目組：「因為唔知佢（黃生）會唔會將條片send出去同朋友share。」
Photo from 《東張西望》
Photo from 《東張西望》
黃太回憶今年1月1日佢老公聲稱有同學聚會，通宵一晚先返屋企，但身上有沐浴露香味，同時袋中嘅避孕套淨返一個，質問後黃生承認有對唔住黃太。主持人又致電黃生前女友，對方指同黃生係交友APP相識，黃生自稱單身、今年30幾歲、有樓、喺英國讀碩士畢業、現時喺大學做項目經理。
Photo from 《東張西望》
Photo from 《東張西望》
黃太表示佢相信有好多女士喺不知情嘅情況下做咗「小三」，因為黃生之前話驚結婚相等合照會被太陽曬到褪色而收起全屋嘅合照，之後就帶埋其他女性返屋企發生關係，更唔用避孕套，直言對方如果懷孕就結婚。黃太指唔知丈夫幾時會將魔爪伸向學生，黃太更指黃生曾向佢表示覺得自己唔適合結婚，因為佢要不停尋求新鮮感。
Photo from 《東張西望》
Photo from 《東張西望》
Photo from 《東張西望》
主持人最後直接致電黃生，黃生得知來電係《東張西望》節目組表現得非常愕然，先係沉默咗一陣，之後被問到知唔知犯法，佢反問：「係呀？你唔好痴線啦！」又疑似爆粗，最後更寸爆回應：「告我呀！Come on！」、「唔好咁小朋友啦！OK？bye bye～」
Photo from 《東張西望》
Photo from 《東張西望》
Photo from 《東張西望》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
