download HolidaySmart 假期日常 app
張致恒打工被笑，吳浩康為兄弟出頭反擊網民！獲讚「真男人」

張致恒打工被笑，吳浩康為兄弟出頭反擊網民！獲讚「真男人」

娛樂新聞
By Jennifer on 19 Jul 2023
Digital Editor
今晚食乜餸：小二，嚟一碟花生！

張致恒（Steven）近日被目擊喺一間小食店打工，野生捕獲Steven嘅網民更喺Facebook笑佢，而昔日同公司嘅好朋友吳浩康（Deep）就挺身而出，留言維護兄弟反擊該網民，獲大讚佢有義氣，係「真男人」。

張致恒（Steven）近日被目擊喺一間小食店打工Photo from 張致恒IG

張致恒被野生捕獲於小食店打工

張致恒（Steven）老婆雯雯懷上第四胎，BB就嚟出世，加上租金、仔仔啲書簿費，各項支出令雯雯大感煩惱，坦言有經濟困難。為咗家庭，Steven外出打工，近日就被目擊喺一間重慶小食店工作。

張致恒（Steven）老婆雯雯懷上第四胎，BB就嚟出世，加上租金、仔仔啲書簿費，各項支出令雯雯大感煩惱Photo from 雯雯IG

Facebook群組「娛樂圈關注組」有網友分享Steven嘅一張打工照，並留言：「啱啱喺重慶撞到張致恆，估唔到，佢去到咁遠搵食。唔知道間舖頭係佢開，定係慘到要返大陸打呢啲XX工？紋身match咗?都肯X定係佢」

Facebook群組「娛樂圈關注組」有網友分享Steven嘅一張打工照Photo from Facebook群組「娛樂圈關注組」

網民留言：「啱啱喺重慶撞到張致恆，估唔到，佢去到咁遠搵食。唔知道間舖頭係佢開，定係慘到要返大陸打呢啲XX工？紋身match咗?都肯X定係佢」 Photo from Facebook群組「娛樂圈關注組」

雯雯曾抱怨張致恒返工後搵佢出氣

由於相中小食店嘅價格較高同用繁體字，所以大部分網民都睇出Steven其實係喺香港打工。雯雯早前亦喺IG斥老公返工後當佢出氣袋：「世界最無奈係，你冇錢，要留喺度，我搵工你返，返完，要畀說話我聽、畀面色我睇、畀氣我受。好嘢！」Steven嘅工作慘被樓主取笑，唔少網友卻表示佢肯做嘢已經算係咁。

雯雯早前亦喺IG斥老公返工後當佢出氣袋Photo from 雯雯IG

雯雯多次喺IG鬧爆老公「又廢又懶」Photo from 張致恒IG

張致恒被笑，吳浩康留言力撐為兄弟出頭

Steven昔日嘅同事吳浩康亦有留言，佢為兄弟出頭反擊樓主：「我好想知樓主係做咩職業？搵緊幾多錢？職業無分貴賤，XX工？你攞你自己份工出嚟講吓先啦！」唔少網友都同意佢嘅講法，有網民大讚吳浩康：「成間英皇舊同事，得你敢用自己account為你依位唔爭氣既朋友出事，真男人。」而吳浩康亦回應稱：「我知佢好差，但佢係我朋友。」

Steven昔日嘅同事吳浩康亦有留言Photo from 吳浩康Facebook

有網民大讚吳浩康：「成間英皇舊同事，得你敢用自己account為你依位唔爭氣既朋友出事，真男人。」而吳浩康亦回應稱：「我知佢好差，但佢係我朋友。」Photo from Facebook群組「娛樂圈關注組」

吳浩康出道20年負面新聞多多，結婚後修心養性

張致恒同吳浩康之前都係英皇娛樂旗下藝人，2003年張致恒同Kenny關智斌組成組合Boy'z出道；同年Deep亦推出唱片於樂壇出道。吳浩康出道20年嚟亦有好多負面新聞，除咗藏有違禁品同打人，佢嘅情史都非常精彩，當中更不乏瞞住女友偷食嘅前科。

2003年張致恒同Kenny關智斌組成組合Boy'z出道Photo from 張致恒IG

吳浩康出道20年嚟亦有好多負面新聞Photo from 吳浩康Facebook

不過2022年吳浩康同郭思琳結婚，婚後兩人育有一子，吳浩康亦似乎修心養性咗唔少，今次佢挺身而出力撐昔日好兄弟亦獲讚真性情、有義氣！

2022年吳浩康同郭思琳結婚，婚後兩人育有一子Photo from 吳浩康Facebook

今次吳浩康挺身而出力撐昔日好兄弟亦獲讚真性情、有義氣！Photo from 吳浩康Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

張致恒被目擊小食店打工，網上發文保護雯雯！網友：終於似返個男人

17 Jul 2023

張致恒（Steven）老婆雯雯近日承認懷有第四胎，不過佢表示經濟困難無力交租，掀網民熱議。近日有人直擊Steven喺小食店打工，另外沉默多時嘅佢亦喺網上發文護妻，獲網民指佢終於有返啲擔當！

張致恒（Steven）老婆雯雯近日承認懷有第四胎Photo from 雯雯IG

雯雯自爆懷有第四胎，無錢交租交書簿費

雯雯自爆已懷有第四胎，雖然屋企經濟唔好，但由於佢知道後BB已有4個月大，佢只能繼續懷孕。不過本身唔富裕嘅張家要養育4個小朋友的確唔易，雯雯坦言上月租金係一位網友幫忙交，而今個月佢交唔起之餘，更要還錢畀人，另外亦無力承擔兩個仔嘅書簿費，仔仔隨時要退學！

雯雯坦言上月租金係一位網友幫忙交，而今個月佢交唔起之餘，更要還錢畀人，另外亦無力承擔兩個仔嘅書簿費Photo from 張致恒IG

張致恒於重慶小食店打工養家

面對經濟困難，仲要生第四胎，唔少網友都唔同情雯雯。而BB嘅爸爸張致恒更加係眾矢之的，佢卻一直沉默，僅有雯雯回應家事。

BB嘅爸爸張致恒一直沉默Photo from 張致恒IG

近日有網友喺連登討論區分享相片，喺一間重慶小食店野生捕獲Steven，相中Steven滿面鬚根，戴住漁夫帽，於廚房整緊小食。

近日有網友喺連登討論區分享相片，喺一間重慶小食店野生捕獲StevenPhoto from LIHKG

網友感唏噓：「肯做嘢算係咁」

唔少網友感唏噓，指佢曾係Boyz嘅成員，又有經典作《死性不改》，但現時淪落到要喺小食店打工，相反佢前同事Kenny、William都有唔錯嘅發展。不過亦有網民表示：「肯做嘢算係咁」、「好過喺屋企等人養」、「話哂都做過明星，踏出呢步唔係咁容易」、「好過日日問條女拎錢」

唔少網友感唏噓，指佢曾係Boyz嘅成員，又有經典作《死性不改》Photo from 張致恒IG

有網民表示：「肯做嘢算係咁」Photo from LIHKG

Steven曾北上登台賺人仔，唱《死性不改》狂走音

有網民就疑惑Steven北上登台唱《死性不改》應該會更好搵，但有人指佢之前唱到走晒音，所以無人再搵佢。翻查資料，Steven自2021年起積極喺內地工作賺錢還債，不過一次登台演唱期間多次走音，被網民批評難聽。Steven又曾經拍片指唱咗《死性不改》一萬次：「日日直播間都有人點唱，真是唱到嘔」，被狠批：「唔係呢首歌你有今日？」雖然事後Steven道歉指只係開玩笑，但網友卻並不受落。

有網民就疑惑Steven北上登台唱《死性不改》應該會更好搵Photo from LIHKG

Steven自2021年起積極喺內地工作賺錢還債，不過一次登台演唱期間多次走音，被網民批評難聽

Steven又曾經拍片指唱咗《死性不改》一萬次

雯雯IG設會員制賺錢

依家Steven留喺香港工作，對於再做爸爸佢一直未有回應，老婆雯雯雖曾指同佢離婚又狠批佢「又廢又懶」，但之後佢喺IG指：「我有第四胎，根本同我離唔離婚係冇關係，我相信，只要我生咗之後，我肯堅持，冇嘢冇可能。」雯雯稱想靠自己照顧屋企，佢開新IG設會員制，follow要畀$50一個月，希望可以幫補家計。

雯雯喺IG指：「我有第四胎，根本同我離唔離婚係冇關係，我相信，只要我生咗之後，我肯堅持，冇嘢冇可能。」Photo from 雯雯IG

雯雯稱想靠自己照顧屋企，佢開新IG設會員制，follow要畀$50一個月，希望可以幫補家計。Photo from 張致恒IG

張致恒發文護妻

Steven沉默多日亦終於喺IG發文護妻：「近日喺某一個直播中出現了一個冒認我老婆ig的情況，呢一個人講嘅說話極度不雅，甚至乎影響我老婆的人格，現在透過律師朋友的意見了解事情，唔排除會進行法律起訴！」雖然有網友質疑佢現時嘅經濟能力仲可唔可以請到律師，但從佢到小食店打工，到佢出聲護妻，都表示Steven：「終於似返個男人」

Steven沉默多日亦終於喺IG發文護妻Photo from 張致恒IG

張致恒同雯雯重修舊好Photo from 張致恒IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

張致恒Facebook娛樂新聞吳浩康