沈月金髮look令人眼前一亮！與王室公主係閨密，超強人脈躋身王室名流

現年21歲嘅沈月一向都係各大名媛宴會嘅常客，早年佢更獲邀出席一年一度嘅巴黎名媛舞會（Le Bal des Débutantes）。近日沈月晒出近照，佢首度將頭髮染成金色，又同好朋友合照，而佢嘅閨密身份非一般，竟然係王室成員！

Photo from 沈月IG

「最美星二代」沈月

獲譽為「最美星二代」嘅沈月得到多個品牌嘅青睞，經常獲邀拍攝畫報及廣告，當中不乏奢侈名牌，除此之外佢又經常出席上流聚會，早已係香港有名嘅名媛。而身為星二代，加上沈月嘅外貌氣質，佢嘅一舉一動亦備受注目。

Photo from 沈月IG

沈月首度染金髮

沈月不時出席公開活動，雖然佢拍攝各種時尚畫報時會嘗試唔同嘅髮型同妝容，但一直以嚟佢都係以深色長髮嘅造型示人，最近沈月喺IG公開近照，今次佢形象有突破！

Photo from 沈月IG

Photo from 沈月IG

雖然無剪短頭髮，但沈月染咗比較淺色嘅金髮，有別於以往嘅溫婉氣質，而且沈月初試淺色髮色，唔少網友都表示眼前一亮，但亦有網民指黑髮較適合佢：「喜歡你黑髮，比較有氣質」

Photo from 沈月IG

即睇更多人氣文章：
池美麗日本與出租男友約會！獲拖手、喂食服務，指對方靚仔啲更好
【富士山登山攻略】富士山7月開放登山！開山時間+登山路線+裝備+登頂貼士+交通一覽！新手登頂必睇！

Photo from 沈月IG

沈月好閨密竟是王室公主

沈月亦公開咗同好朋友嘅合照，佢留言：「Finally reunited with one of my best friends」，沈月同好閨密身處法國聖特羅佩（St Tropez）嘅沙灘上，佢同best friend攬攬，關係親密。

沈月呢位閨密原來大有來頭，佢係西班牙波旁王朝意大利分支兩西西里王國嘅公主—「Princess Maria Chiara di Borbone delle Due Sicilie」，於2005年1月1日出生，今年18歲。身為公主，佢亦經常陪伴父親卡斯特羅公爵及公爵夫人出席各種活動。

近日外國傳媒報導佢正同現年17歲嘅丹麥王子Prince Christian拍拖，沈月同王室成員係閨密，佢嘅交際圈已超越上流社會，更有機做埋未來王妃嘅好友！

Photo from 沈月IG

相關文章：沈月坦承成功全靠媽媽邱淑貞協助？！曾獲邀參加巴黎名媛舞會，超強人脈認證！激罕公開素顏

相關文章：巴黎名媛舞會雲集世界各地名門望族！甚少華人出席，歷年僅3位星二代獲邀

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

甘比大女劉秀樺與何超欣出席活動，有沈月同場！上流社會名媛雲集

5 Dec 2022

甘比（陳凱韻）近日與愛女劉秀樺一同出席活動，席上仲有已故賭王四房千金何超欣、邱淑貞大女「最美星二代」沈月，活動雲集上流社會名人。劉秀樺與媽媽、黎姿、何超欣合照，14歲嘅秀樺亭亭玉立，成為外界焦點。

Photo from 劉秀樺IG

大劉甘比14歲大女劉秀樺

甘比為富商劉鑾雄（大劉）於2008年誕下一女並取名為劉秀樺，有指大劉為愛女買下價值$7400萬嘅珍稀藍鑽「Star of Josephine」，藍鑽呼應秀樺英文名「Josephine」，十分有意義。

Photo from 甘比IG

而近年秀樺年紀漸長，備受外界關注。近日14歲嘅秀樺就同媽媽一齊出席尖沙咀活動，同場邀請好多知名人士，包括劉嘉玲、鄭秀文、馮德倫等。

Photo from K11 MUSEA

Photo from K11 MUSEA

何超欣、沈月、劉秀樺同場出席活動

香港唔少上流社會名媛、富二代亦獲邀出席活動，嫁咗畀商人馬廷強嘅黎姿、已故賭王四房千金何超欣、邱淑貞大女「最美星二代」沈月都有份出席活動。其中甘比同黎姿份屬好友，佢哋更同秀樺、超欣影合照。甘比母女與黎姿一齊坐、對面仲有甄子丹夫婦。

Photo from 黎姿IG

Photo from 黎姿IG

即睇更多人氣文章：
日本神戶酒店激平入住 似鬼屋環境陰森嚇親網民
密碼2022｜最常見排行榜！「123456」第二、大部分可於一秒內破解

甚少公開出席活動嘅秀樺一現身即成焦點，佢喺IG亦公開同媽媽甘比嘅自拍。同其他人相比，秀樺打扮相對低調，而賭王千金何超欣同沈月都以抹胸禮服裙現身。

Photo from K11 MUSEA

Photo from K11 MUSEA

劉秀樺打扮低調，沈月、何超欣以抹胸禮服裙現身

甘比母女同何超欣一齊影活動合照，雖然兩人唔算係同齡人，畢竟超欣今年剛從北京清華大學研究生畢業，但公開嘅合照嚟睇秀樺同超欣感情不錯，兩人雖然都係名門千金，但平日都比較低調，今次結伴出席活動，成為話題。

Photo from 黎姿IG

Photo from 劉秀樺IG

Photo from 劉秀樺IG

而另一位「最美星二代」沈月一向都出席唔少名牌活動，佢亦有喺IG公開好多合照，即使單人出席活動亦應對自如，好有經驗！

Photo from 沈月IG

相關文章：女首富甘比傳奇發跡史！從月薪1萬娛樂記者到身家700億CEO！憑3件事冧掂大劉

相關文章：秀樺廚房｜大劉甘比深水埗開社企餐廳 預計11月開業！免費派飯＋聘請特殊人士

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）