港男返工與同事零交流，自己一人食飯！網友：最怕一齊行去搭車

返工好怕遇到唔好嘅同事，令人增加額外嘅工作壓力。近日有網友喺連登討論區發文表示自己喺工作時間同同事完全無任何交流，即使食飯都選擇一個人去食，獲唔少網民認可，認為係最好嘅職場生活。

Photo from 《我要準時下班》劇照

喺職場人際關係好重要，如果不幸遇到一啲唔友好嘅同事會十分影響日常工作，仲會添加好多壓力。不過平時返工都要social嘅話又真係好攰。近日有網民喺連登討論區開post「有冇人返工同同事係無交流」，掀起熱議。