劉馬車向鄧月平示愛！自稱當年無好好珍惜對方，鄧月平回應惹爭議

By Jennifer on 25 Jul 2023

Digital Editor

今晚食乜餸：小二，嚟一碟花生！

網絡紅人劉馬車重獲自由後再犯，佢保釋後密密更新近況。近日佢喺IG晒出與鄧月平嘅合照，仲向女方示愛，懊悔當年無好好珍惜對方。鄧月平亦有回覆劉馬車，卻因為一句說話引起網民不滿！

Photo from 劉馬車IG

劉馬車出獄後再犯

劉馬車2016年被深圳當局判處有期徒刑2年6個月，2018年出獄後同年再因同一罪名被捕並判監3年6個月。早前佢刑滿出獄回港，隨即復出喺YouTube拍片，劉馬車一如以往出位，首先係宣佈參加《全民造星5》，又無報名擅自闖入渣打馬拉松，被田總判終身禁賽。

Photo from 劉馬車IG

劉馬車出獄後又故態復萌，涉嫌非禮三名13至14歲女童，佢還押2個月後保釋再度活躍喺社交網站。最近劉馬車就喺IG公開佢與鄧月平嘅多張合照，並留言向對方示愛！

Photo from 劉馬車IG

劉馬車向鄧月平示愛

劉馬車：「鄧月平，當年我無好好珍惜你，我好後悔！我真係唔想你再為我傷心了，今後我一定會好好做人，我會好好去保護你！因為，我愛你，我想比幸福你！」佢提到自己當年無好好珍惜對方，似乎暗示兩人有過一段情。其實劉馬車之前曾經喺YouTube透露佢同一個女仔食同一支甜筒，女方就係鄧月平。

Photo from 劉馬車IG

Photo from 劉馬車YouTube

鄧月平回應：「馬車，多年不見！」

劉馬車又喺YouTube連環出片，更唱歌送畀鄧月平，一片痴心令唔少網友吃驚：「原來你兩個都有啲咁不為人知嘅故事？！」鄧月平亦有喺劉馬車嘅IG度回應：「馬車，多年不見！估不到你依然是個有創意力想像力的青年。希望你好好做人，遇上難題不要傷害自己傷害別人，盡量尋求信任的人幫助！大家都唔好笑馬車啦！另外平祝馬車你官司關關難過關關過，平有點忙，學左一身好功夫可以保護好自己，勿念。勿念，不過原來我15歲時幾靚」

Photo from 劉馬車YouTube

Photo from 劉馬車IG

「馬車，多年不見！」令唔少網友認為兩人的確係識於微時，但亦有網民指「估不到你依然是個有創意力想像力的青年」應該係指劉馬車自己幻想佢哋曾有一段情。另外有人就表示睇唔出相中嘅鄧月平只有15歲。

Photo from 劉馬車IG

鄧月平留言惹爭議

不過鄧月平呢個留言惹起爭議，原因係佢一句：「祝馬車你官司關關難過關關過」，有網友斥劉馬車對少女做成不可磨滅嘅傷害，鄧月平卻祝佢官司過關：「你講呢句說話有冇諗過啲靚妹感受？」、「啫係你想啲人唔好鬧佢都唔係叫佢可以過到官司咯！應該係要受到應有懲罰」，有人為鄧月平解釋，認為只係一句好意說話，甚至係「抽水」。

Photo from 鄧月平IG

Photo from 劉馬車IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

劉馬車內地出獄後重出江湖

23 Jan 2023

有「天水圍墮天地獄獸」之稱的網絡紅人劉馬車2016年因犯猥褻罪而被深圳當局判處有期徒刑2年6個月，其後2018年出獄後同年再因同一罪名再次被捕，被判監3年6個月。近日終於刑滿出獄回港，並上載多條短片到Youtube宣布回歸。

Photo from 劉馬車@Youtube

事隔三年終回復自由，並承諾會好好做人

劉馬車早前（20日）出獄回港後短短3日已經極速上傳25條影片到Youtube，並且將過往歷年的影片都一一刪除，意味重新來過。而他亦於影片中表示對於過往自己所傷害的人感到很抱歉，在獄中已經相當後悔「千祈唔好好似我咁衰，我唔知自己有冇機會翻身，我想做返個普通人但冇可能，個情況好麻煩，但我都要去面對社會、面對壓力。」

Photo from 劉馬車@Youtube

自覺多年來愧對爸爸，獄中曾嘗試自殺

影片一開始劉馬車向爸爸表示抱歉，指父親這幾年來每天都為他「牽腸掛肚，茶飯不思」，每次出獄時爸爸都會親自接他，他亦有感父親年紀老邁，外貌開始蒼老憔悴。其後他亦透露獄中被打的真實苦況，自爆曾因出言頂撞獄警而被虐打「曾經有諗過自己係冇命出返嚟...個口都係血，唞氣都唞唔到，嗰下覺得就嚟要死。如果我就咁死咗喺入面，喺呢個世界有邊個會在乎呢？只有我爸爸會為我傷心，為我流淚。我就諗如果我仲有命，雖然我身體愈嚟愈差，一定要好好奮鬥，搵多啲錢去報答佢。」

Photo from 劉馬車@Youtube

他亦坦言過去幾年感受好深，明白到這個世界能夠雪中送炭的人很少，但喜愛「落井下石，一沉百踩」的人有好多，自言曾在獄中嘗試過自殺「成支洗潔精啪落去，扻頭埋牆又試過，攞較剪插自己...人生好多嘢面對唔到係真係好想死咁去。」

Photo from 劉馬車@Youtube

希望外界可以給予機會改過重新做人

影片中又指自己的人生正重新出發，不想再令老天爺跟家人有所失望，希望可以擺脫過去的自己，呼籲對他有興趣的朋友又或者想給他機會的外界可以跟他聯絡，給予其工作機會。而依然熱愛音樂的劉馬車亦上載多條唱歌影片，表示自己仍然視羅力威為偶像。並透露自己之後的影片將會更加有社會貢獻，積極考慮跟不同人士合作交流，感謝每一位仍然願意去支持他的人，敬請大家期待咁話。