越南世界小姐掀內地網民關注 21歲長腿學生奪冠被指質素完勝近年港姐

By jack on 25 Jul 2023

Digital Content Writer

2023年越南世界小姐決賽上星期六晚（22日）在越南平定省圓滿舉行，越南國立大學的工商管理學生黃陳伊妮（Huỳnh Trần Ý Nhi ）在40名佳麗中脫穎而出，贏得今屆冠軍。比賽結果出爐後，引起內地網民關注，紛紛大讚當晚佳麗位位都美麗動人，更直言：「比近年的香港小姐都漂亮！」

Photo from Miss World FB

擁有空靈美貌及高挑身材曾獲魅力學生亞軍

冠軍黃陳伊妮今年21歲，出身胡志明市，身高175cm，擁有精緻五官，眼大鼻尖，自帶一股空靈氣質，更有修長美腿，身材比例完美。她在大學修讀工商管理，亦有兼職做攝影及時裝模特兒，更曾獲得平定魅力學生亞軍。世界小姐比賽中她憑藉自信表現，深得一班觀眾喜愛，不但入圍了「海之美人」、「慈悲之美」的提名，更榮獲「時尚麗人」的稱號。

Photo from Miss World FB

Photo from huynhtranynhi.1806 IG

Photo from Miss World FB

決賽中對答如流表現得體真正美貌智慧並重

決賽當晚黃陳伊妮被問「現在的年輕人在生活中面臨著很大的壓力，你遇到了哪些問題，你是如何解決的？」她指出每人都有自己的壓力，表示自己出生在和平時期，有很多條件去發展、學習、完善自己，但同時亦會害怕自己不及他人那般成功，不過她認為每個人的起點及長處各有不同，我們不應該把自己與別人的優勢進行比較，而是要找到自己長處並發揮出來。之後她再以鑽石的形成比喻以壓力推動自己進步，大方得體的言論令人留下深刻印象：「我最喜歡的一句話是『創造鑽石的壓力』，如果我們知道如何利用這種壓力，它會讓我們成長，更快地成功，成為閃亮的鑽石。如果我們不能克服壓力，我們就會成為一粒普通的泥土。」

Photo from huynhtranynhi.1806 IG

Photo from Miss World FB

三甲出爐網民大讚佳麗質素完勝港姐

決賽圓滿落幕，三甲人選順利誕生，最終由河內商業技術大學的22歲學生陶氏賢（Dao Thi Hien）奪得亞軍，來自胡志明市農林大學工商管理專業
的19歲學生黃明堅（Huynh Minh Kien）則獲季軍。當晚比賽照片公開後，即引起內地網民熱議，有人大讚多位佳麗都美豔有特色，質素比近年港姐都好：「感覺比港姐好看」、「比港姐漂亮至少一個level」、「比港姐美多了」、「比中國的都好看」

Photo from Miss World FB

Photo from Miss World 官方

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

香港小姐2023｜內地佳麗狂呻選港姐似軍訓！12個鐘不吃不喝不准玩手機

12 Jun 2023

《香港小姐競選2023》首輪面試後有唔少較受關注嘅佳麗背景曝光，包括18歲「嫩版麥明詩」，另外小紅書亦有大批內地佳麗分享佢哋參選港姐嘅經歷，其中一位更大呻選港姐過程嚴苛，好似選緊「特種兵」咁！

Photo from TVB

「翻版范冰冰」、「馮盈盈師妹」、「嫩版麥明詩」參選香港小姐

一年一度嘅港姐競選首輪面試已有唔少佳麗受到關注，好似係於中央戲劇學院就讀表演系嘅「翻版范冰冰」、「馮盈盈師妹」、由雷莊?提名嘅Michelle、啱啱DSE完嘅「嫩版麥明詩」等。其中年僅18歲嘅「嫩版麥明詩」Surine背景好快就曝光！

Photo from TVB

Photo from Surine IG

18歲嘅「嫩版麥明詩」Surine周身名牌勁富貴

有網民指佢喺面試前先啱啱去完謝師宴，然後再直落蘭桂芳飲酒、食水煙。Surine嘅IG有超過2萬個followers，佢毫不吝嗇大晒泳裝照，而且年紀輕輕生活富貴，IG有非常多嘅名牌相，當中包括Chanel、DIOR，生日仲收到Hermès禮物！

Photo from Surine IG

Surine異性緣相當好，佢IG同朋友、同學合照清一色都係男生，佢更同3位男友人一齊去泰國旅行添！唔少網民猜測Surine得18歲就周身名牌，應該家底豐厚，但有疑似知情人卻爆料佢公屋出身？！又指如果佢屋企咁有錢應該會讀國際學校，而唔係本地band 3中學。

Photo from Surine IG

內地佳麗小紅書分享參選港姐經驗

除咗本地佳麗，今屆仲有大量內地佳麗參選，好多人面試完就喺小紅書分享參選體驗，其中一位自稱叫「33」嘅佳麗就於小紅書拍咗短片，佢嘅帳號有2.5萬粉絲，簡介中佢提到自己：「五百強外企職場新人HKBU本科畢業?‍♀️分享港漂生活」，相信佢係喺BU畢業嘅內地生，現時留港工作。

Photo from TVB

Photo from 小紅書

大呻選港姐似軍訓

33表示TVB於6月8號通知佢參加6月10號嘅面試，中間只相隔兩日令人無從準備，然後佢又指面試由上午10點一直到晚上10點，足足12個鐘，大家都攰到無晒精神，而且全程無食物、飲品提供，冷氣超凍而且唔准玩手機。33表示雖然大會允許佢哋自己帶飲品食物，但由於面試嘅佳麗都帶咗幾套衫，包括高踭鞋、泳衣等，已無空餘嘅行李拎埋食物。

Photo from 小紅書

33直言選港姐似選特種兵，到佢終於面試完，但一見到傳媒影嘅相即令佢「想哭但是哭不出來」，唔少網民留言指：「報道上的相才是真樣，不用吐糟」、「老實講，香港小姐最好是有氣質、內涵。我真的看了這麼多年，很不想一些網紅去選，怎麼說，看見他們這種說話方式很不舒服。」、「廣東話都說不好選甚麼港姐」。

Photo from 小紅書

佢之後再出咗一條片分享參選感受，佢指選港姐想跳出舒適圈，面對輿論壓力，又大讚其他佳麗好nice，大家互相鼓勵，令佢十分感動。

Photo from 小紅書

Text: HolidaySmart Editorial

香港小姐2022豪宅聚會欠亞軍許子萱！屢次缺席港姐活動傳提早解約

8 Feb 2023

TVB《香港小姐競選2022》事非多多，其中亞軍許子萱近日被發現多次缺席港姐活動，被指想盡快回復自由身，不欲履行港姐職責。近日2022年香港小姐一班佳麗去陳瑞菱豪宅聚會，許子萱再度缺席，令佢想提早解約嘅傳聞又添一「證據」？！

Photo from TVB

香港小姐2022亞軍許子萱多次缺席活動，傳想卸下港姐頭銜

TVB嘅《香港小姐競選》向來係全城熱話，2022年都掀起唔少關注，其中冠軍「星二代」林鈺洧因為父母嘅事一度成為焦點，五強徐麟亦獲曾志偉睇中加入《獎門人》做獎老。近日亞軍許子萱就因為多次缺席港姐活動而成為網友討論對象。

Photo from TVB

港姐當選後一年都會出席唔同嘅公開活動，通當都會由冠亞季三甲以及「友誼小姐」一同出席。最近嘅活動都未見亞軍兼國際親善小姐許子萱出現，因此傳出佢難忍香港娛樂圈嘅壓力，不欲履行港姐義務。有指TVB高層為挽留佢應承畀佢缺席活動，只需出席新一屆嘅港姐加冕儀式，不過許子萱去意已決，想同TVB提早解約，盡快回復自由身。