岑麗香最新近照公開,眼距再成焦點?!回顧雙眼變精靈進化史
岑麗香升呢做媽媽之後就減少拍劇,不過佢仍間唔中喺IG分享近照。最近佢嘅一張自拍就掀起熱議,原因係雙眼嘅距離再度引起網民關注。不得不說香香喺參選中華小姐入行後越嚟越靚,做咗人妻人母之後眼睛仲更加精靈添!
Photo from 岑麗香IG
岑麗香近照眼距掀熱議
岑麗香參選2010年度國際中華小姐奪冠後入行,獲傳媒稱為「香香」。入行後佢亦出演過好多套電視劇,不過2018年誕下大仔之後減產不少,近年已甚少再拍電視劇。
Photo from TVB
香香喺IG不時會分享同仔仔嘅日常,當然亦唔少得佢嘅美照。最近香香就喺IG公開咗數張近照,相中佢於車內飲住凍飲,不過卻意外掀起網民對佢一雙眼睛嘅熱議。
Photo from 岑麗香IG
回顧雙眼變精靈進化史
有網民指香香眼距似乎比之前又再近咗!其實以往香香常被指雙眼之間嘅距離越變越窄,而且雙眼皮相當明顯,眼睛又大又亮,與初出道時嘅樣子大為不同。
Photo from 岑麗香IG
Photo from 岑麗香IG
參選國際中華小姐時係單眼皮?!
翻睇香香學生時期啲舊照,佢臉上仍有啲baby fat,眉型亦畫得好幼,眼睛尚未好似依家咁有神,而且係單眼皮;到2010年參選國際中華小姐時佢仍然係單眼皮,眼睛較為細長。
Photo from TVB
入行後香香雙眼皮越嚟越明顯
不過香香大熱奪冠後入行,備受力捧嘅佢雙眼皮亦明顯咗不少,眼睛亦變圓咗好多。到2016年岑麗香宣布同男友「強強」結婚,婚後兩年佢更懷孕升呢做媽媽,之後佢嘅近照眼睛就更加有神,雙眼皮亦變闊。
Photo from TVB
Photo from TVB
Photo from TVB
Photo from 岑麗香IG
亦有人認為香香之前其實都係雙眼皮,只不過係唔明顯嘅內雙,可能入行後用得多膠紙先會變成外雙,而眼距變窄則有機會係因為化妝先會令人睇落眼睛之間距離變近。
Photo from TVB
Photo from 岑麗香IG
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
「TVB人前人後最nice藝員」投票!陳豪第1/馬國明包尾!岑麗香、鍾嘉欣榜上無名
17 Sep 2021
TVB節目《思家大戰》每集都有有獎問答遊戲《思家觀眾大戰》,家庭觀眾今次要競猜「TVB人前人後都咁Nice嘅藝員」,搵咗100位TVB台前幕後投票,得出最多人投嘅前6名。日前TVB喺官方Facebook、Instagram公佈完整名單,陳豪毫無疑問登頂第一位!有唔少觀眾都留言話佢真人超nice!
Photo from 陳茵媺IG
陳豪高票得「TVB人前人後最nice藝員」第一位
「TVB人前人後都咁Nice嘅藝員」搵咗台前幕後100位員工,投出前6位(淨返9票各投出唔同嘅人)。第一位陳豪出咗名無架子,100票中佢有23票,獲大批網民力讚佢實至名歸!
Photo from TVB
Photo from TVB
其實當時競猜已有唔少網民估係陳豪,佢顧家好男人形象深入民心,熱愛咖啡嘅佢更開設咖啡店,不時會親身落舖招呼客人,真人的確好nice,佢獲投票第一位,可見佢人前人後始終如一。
Photo from TVB
Photo from 陳茵媺IG
Photo from TVB
陸浩明留言指陳豪毫無架子幫手截巴士
喺留言區有網友表示見接觸過陳豪真人真係好好人,其中陸浩明亦留言稱自己都投陳豪一票,6號回憶稱當年收工跑去巴士站,架巴士準備開車,陳豪好好人咁幫佢截住架巴士,等佢上到車。
Photo from TVB
呢件事6號喺2018年嘅《後生仔傾下偈》就曾經提過,佢當時表示自己啱啱加入TVB,拍完戲一抽二褦拎住啲衫同鞋好輪盡咁嘆趕唔到巴士,而陳豪就做出Iron Man手勢:「得!6號我幫你截住佢!」,6號仲話自己中意咗佢啊!
Photo from TVB
「神之馬壯」黎諾懿獲「最nice藝員」第二位
第二位係黎諾懿!佢同陳豪票數只差3票,以20票位列第二。佢出道近20年,最為人熟悉嘅係喺《愛回家》飾演「馬壯」,近年佢主持烹飪節目《今晚請客》。黎諾懿喺圈中人緣唔錯,睇嚟同佢嘅親切有所關係。
Photo from 黎諾懿IG
3屆視帝黎耀祥排第三位
共獲16票,黎耀祥入行36年,由跑龍套做起,之後2008年憑《秀才愛上兵》出色演技奪得「最佳男配角」,隨後2009年播出嘅《巾幗梟雄》「柴九」一角大受歡迎,黎耀祥首奪「最佳男主角」,晉身視帝。
Photo from 黎耀祥IG
Photo from TVB
從低做起嘅黎耀祥同唔少工作人員嘅關係都好好,但有網友留言指:「黎生一定唔nice,當年係街差少少就撞到佢,我對佢笑,佢雙眼即時閃開扮睇唔到,未有呢個反應前我都好喜歡佢的,之後就冇好感了,覺得佢好串」
Photo from TVB
陸浩明第四位最出乎意料?!
留言投陳豪嘅陸浩明獲第四,佢喺IG感謝大家支持:「你地真係太Nice!多謝晒台前幕後嘅同事, 大家太客氣啦!」,有網民直言:「陸浩估佢唔到」,6號獲第四都係唔少人意料之外。
Photo from 陸浩明IG
Photo from TVB
薛家燕第五位,排名中唯一女士
前四名都係男士,到第五位終於有女士啦!就係薛家燕!家燕姐僅比6號少一票,以11票排第五。家燕姐經常笑面迎人,原來佢人前人後都咁nice~估唔到前六除咗家燕姐竟然無其他女士上榜,可能係因為投票員工比較多係綜藝節目工作人員,女星都係拍劇多。
Photo from 薛家燕IG
第六位馬國明,排名比預料低
第六位係馬國明,佢獲9票排第六,呢個排名比唔少網友想像更低,馬明向來勁有觀眾緣,呆萌個性非常討好,喺圈中亦有好多朋友,相信佢真人亦係非常nice。
Photo from 馬國明IG
Photo from TVB
Photo from TVB
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)