阿晶離世，與微辣鬧翻時間線一覽！思男急解釋用filter原因

By Jennifer on 27 Jul 2023

Digital Editor

今晚食乜餸：小二，嚟一碟花生！

微辣前經理人阿晶（Jane）喺網上公開「告別千字文」後輕生離世。微辣成為眾矢之的，而旗下嘅藝人亦紛紛喺IG悼念阿晶。其中佩男同思男兩姊妹就分別表示阿晶選擇輕生與佢哋無關，思男更開live解釋自己之前點解要用喊嘅filter出Story。

微辣前經理人阿晶輕生離世

微辣前經理人阿晶（Jane）突然喺IG發千字文，表示受情緒困擾，更疑似「告別」，打算做傻事！而喺千字文中阿晶亦控訴微辣一眾員工嘅行為令佢飽受haters攻擊，同日澳門警方證實有一名29歲女子輕生離世。阿晶與微辣不歡而散，雙方都曾經隔空爆料。

阿晶與加蔥分手後互爆大鑊

同加蔥分手後阿晶於2022年年初大爆對方曾經迫佢中止懷孕！加蔥後來回應時坦言自己有講過唔想要個BB，但強調會尊重阿晶嘅決定，佢又承認自己喺對方要做手術時去咗香港做嘢，唔喺佢身邊陪伴佢。不過加蔥反指阿晶男女關係混亂，佢表示舊年想轉經理人原因正正係「接受唔到佢一路喺出面亂搞男女關係」。

阿晶曾指離職時六毫子喊住挽留，微辣藝人post哭喊filter疑暗寸阿晶

雖然後來加蔥同阿晶喺IG公開聯合聲明表示已消除咗誤會，但加蔥與阿晶分手幾個月後就同儀仔公開戀情，曾被指係「不婚主義」嘅加蔥更宣佈向儀仔求婚成功。另外阿晶離職同公司不歡而散，佢表示老闆六毫子有喊住挽留佢，但之後微辣一眾藝人及老闆六毫子就用喊喊嘅filter post IG Story表示：「六毫子真係好鍾意喊」，疑似暗寸阿晶。

阿晶被多姐指私吞藝人sponsor

阿晶離開微辣後，微辣嘅人亦有指控阿晶嘅為人處事，Doris多姐更直指阿晶私吞藝人sponsor，阿晶曾要對方公開證據但不了了之，阿晶開直播時更被另一位微辣老闆Jacky留言要佢回應私吞sponsor事件。

由於阿晶喺千字文中稱提到「老闆那時哭著叫我留下來也是真的。你們覺得好笑好玩的Story讓我承受了許多haters的攻擊。」微辣成為眾矢之的，而且喺微辣官方證實阿晶離世消息嘅聲明中，全篇無提過阿晶，僅用「前員工」代指，被網友斥無情！

佩男、思男澄清與阿晶事件無關

阿晶離世後，有微辣嘅藝人發文悼念佢。其中佩男、思男則公開澄清自己與阿晶選擇輕生無關，佩男post story指「清者自清」，而思男更於IG開live，佢表示自己雖然有用喊喊filter，但其實唔知道有咩意思，只係見到人哋用佢先跟住用。

思男又表示阿晶曾要同人逐位道歉，但無搵到佢道歉，之後自己亦有幫對方搵job，同去佢嘅cafe買曲奇，網民指思男嘅意思係阿晶控訴嘅人唔包括佢，不過就認為佢喺呢個時候開live唔係一個合適嘅做法。

儀仔就表示同阿晶只係同事，並唔熟悉，自己亦無做第三者。阿晶前男友加蔥及曾指阿晶私吞sponsor嘅多姐IG都有大批網民留言指責，但兩人暫時仍未有回應。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

微辣加蔥公開新戀情網友送祝福卻被前度阿晶表哥大爆不負責行為？

25 Oct 2021

澳門娛樂公司「微辣Manner」於YouTube設有自己嘅頻道，一直以來都受到唔少網民嘅關注。今年初就傳出經紀人阿晶（Jane）同旗下藝人加蔥（林茂發）分手嘅消息，令網民議論紛紛。最近，加蔥就於直播嘅時候公開認愛公司職員「儀仔」，而有位自稱阿晶表哥嘅網民亦忍唔住大爆加蔥嘅「真面目」？！

Photo from 阿晶IG

# 「微辣Manner」內有多對情侶！

澳門娛樂公司「微辣Manner」於2013年成立，截止現時為止YouTube頻道訂閱數量逾69萬人，旗下藝人有32位。而公司內就有幾對真實情侶，其中包括經紀人阿晶（Jane）同旗下藝人加蔥（林茂發）呢對，而佢哋亦不時會亦螢幕情侶嘅形式拍攝影片。

Photo from 阿晶IG

Photo from YouTube@Nathan Lam加蔥

# 今年初阿晶與加蔥分手！

不過，兩人於今年初嘅時候就爆出分手，同一時間阿晶亦於IG發長文宣佈離開工作8年嘅公司，「唔會後悔我喺呢個時間走，因為我覺得已經時機成熟，大家都各自搵到大家嘅定位」，令唔少網民不禁聯想到佢好有可能係因為戀情而選擇離開！

Photo from 阿晶IG

# 阿晶坦承分手真正原因！

而後來，阿晶就上旗下藝人Jacky Lou嘅頻道大爆分手內幕，直言最大原因係因為男方現階段唔想結婚「佢話唔想結婚，我知道佢唔想hurt到我」，同一時間由於屋企發生好多事情令佢最終決定分手，唔希望因此而拖累對方！而佢亦承認離開公司嘅念頭係同加蔥啱啱分手嘅時候開始出現，「我嘅情緒已經負荷唔到我嘅工作」，表示當時飽受情緒上嘅困擾。