最美變性人Poyd與老公歐遊恩愛放閃！嫁入豪門做少奶奶生活美滿

泰國有「最美變性人」之稱嘅Poyd Treechada今年初與相識20年嘅學長結婚，近日佢同老公去歐洲度蜜月，Poyd於IG分享咗好多靚相，同老公親密合照，十分恩愛！睇嚟結婚後嘅佢過得十分幸福～

Poyd因為有份拍攝港產片《掃毒》而為港人熟悉，早前佢就宣佈同拍拖多年嘅男朋友結婚，佢哋嘅合照都睇到兩人非常甜蜜！Poyd與老公Oak相識20年，初識時Poyd仍是男兒身，而Oak則係佢嘅同校學長。

據知Oak係Poyd哥哥嘅朋友，雙方家人亦早就認識。Poyd 17歲就變性成為女人，19歲參加選美比賽更獲得冠軍。佢同老公相識多年，對方一直支持佢嘅演藝事業，兩人終於喺2023年拉埋天窗。

即睇更多人氣文章：
港男返工與同事零交流，自己一人食飯！網友：最怕一齊行去搭車
2023年全球最強護照排名出爐 新加坡榮贏日本登榜首 香港排XX位

Poyd嘅丈夫喺普吉島經營著名嘅Baan Ar Jor餐廳同埋博物館，係當地知名嘅富商。結婚當日Poyd更著上傳统服飾，身上嘅首飾十分有貴氣。

近日Poyd同老公去歐洲旅遊度蜜月，佢喺IG分享咗唔少風景照，當中更有不少「放閃」相片，喺瑞士街頭佢同老公就親密攬腰同行；另一張相佢瞓喺老公大髀上，Oak仲溫柔摸佢嘅頭髮，非常甜蜜！

從Poyd分享嘅相片，可見佢老公好錫佢，當初Oak力追先成功令學弟變女朋友，見到Poyd依家咁幸福，唔少網民都為佢送上祝福！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

越南美女網紅前身竟係花美男！不顧家人反對決心做自己　打工賺錢變性後感嘆真愛難尋！

18 Mar 2021

網絡世界發達，現代人要欣賞世界各地嘅美女真係冇咩難度。就好似早前越南就有一位外貌甜美嘅女生喺網上爆紅，依位女生無論外貌身材都十足十洋娃娃一樣，不過最令人意外嘅係佢其實係一位變性人嚟，而之前仲大方咁分享自己變性前嘅照片添！

依位居住喺越南胡志明市，能操流利英語嘅 24 歲女生 Mym Tran，因其標緻甜美外貌而喺網上爆紅，而佢喺一次當地傳體訪問中表示自己小時候其實係男生嚟，佢指自己小時候個性非常溫柔，喜好與其他男仔非常不一樣，當其他男仔到處跑嘅時候，佢就喜歡留喺屋企玩公仔，自小就非常渴望自己係一位女生嚟。

Mym 更透露自己從小就鍾意同女生一起玩，又鍾意畫畫，所以當時會畫自己變成女生嘅模樣，仲會以外表畫得好靚，將自己心底嘅渴望盡現喺畫中。

但當年佢媽媽就因為擔心佢難以融入社會生活，以及有變性嘅念頭，所以曾一度下令唔畀佢再畫。不過 Mym 亦冇就此順從父母嘅心意，下定決心瞞著家人打工儲錢，慢慢分階段完成變性手術。

變性後嘅 Mym 依舊繼續努力工作，佢將收入都用嚟支付當初所借嘅貸款同家人嘅房租，有剩嘅先會留畀自己當生活費。

而佢媽媽亦喺睇到佢變性後可以融入社會，仲可以工作賺錢已經慢慢將改變原有嘅想法同態度，並會經常喺網上睇佢嘅訪問片段！

另外，Mym 又指變性後佢隔咗一段時間先敢再歸社交平台，更大方公開自己男兒身時嘅照片，相中 Mym 五官相當精緻，舉止神態猶如女生一樣，而佢直言當年有唔少人對佢感興趣，有支持佢變性亦有批評嘅聲音，當中唔材不知道佢係變性人嘅男生喺知道後就即轉變態度，但佢亦不太在意仲表示相當理解：「我只是想活得更好。」

而當被問到變性後嘅感情生活時，Mym 坦言曾拍過幾次拖，可惜冇一段係真愛，仲令佢愈拍愈失落：「我覺得自己很難會找到真愛。」佢指同佢交往嘅男生一開始都係睇上佢嘅外表，並冇發展長遠關係嘅打算。

Mym 雖然對戀愛愈拍愈失落，但佢仍希望有一日可以遇到一個真心了解同接受佢所有嘅另一半。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）