前港姐嘉碧儀近況公開？！淡出娛樂圈18年轉戰美國荷李活

2002年「最上鏡小姐」嘉碧儀曾經出演多套電視劇，不過佢早喺2005年就淡出娛樂圈。欠未喺香港露面嘅嘉碧儀美貌依舊，混血靚樣不變！佢同一位外藉男子親密合照曝光，疑為另一半！

現年43歲嘅嘉碧儀係係中葡混血兒，爸爸係葡萄牙人，1984年香港小姐季軍唐麗球係佢嘅姨媽。嘉碧儀跟隨姨媽步伐參選2002年嘅香港小姐，佢係當年嘅大熱人馬，一路入到最後五強，可惜大熱倒灶，三甲不入，只得「最上鏡小姐」等獎項。

不過嘉碧儀美貌與智慧並重，更係門薩會員，雖然落選港姐，但仍獲簽約成TVB旗下藝人，一入行就獲安排出演多套電視劇！不過嘉碧儀只活躍咗3年，2005年佢就離開TVB，更退出娛樂圈！

即睇更多人氣文章：
日本外國遊客消費排行榜！香港人以916億円排第五、中國只得第三名！
港女搭的士遺失iPhone，司機勁可疑！重遇同一架車，後續發展峰迴路轉

有指佢淡出娛樂圈後就返美國亞利桑那大學修讀未完成嘅法律課程，大學畢業之後亦留喺美國發展。嘉碧儀退出香港娛樂圈18年，近日佢嘅近況引起關注。

喺嘉碧儀嘅IG有唔少生活照，佢保養得宜，亦有同朋友到處去玩，生活十分寫意。其中一張相嘉碧儀靠喺一位外藉男嘅膊頭，兩人狀甚親暱，男方疑似係嘉碧儀嘅另一半！

不過嘉碧儀已經好耐係更新社交網站，近兩年亦未有公開新嘅照片。2019年有報道指嘉碧儀簽約外國經理人公司，喺外國繼續演藝事業。2002年港姐蔡潔雯於去年出席公開活動時亦透露嘉碧儀喺美國荷李活工作。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

劉佩玥媽媽原來都有選過港姐！1985年21歲參選 女兒28年後代母圓夢

17 Mar 2023

早前一段1985年《香港小姐》準決賽片段出土，其中15號佳麗竟然係劉佩玥媽媽！當年21歲嘅劉佩玥媽媽雖未當選，估唔到事隔28年，佢個女參選港姐，最後更奪得季軍，為母圓夢。

Photo from TVB

劉佩玥近日於《隱形戰隊》嘅演出掀起關注，佢2013年參選香港小姐並奪得季軍後入行，初時獲安排做主持，後來慢慢出演電視劇，近年佢有份演出嘅劇集都備受好評！估唔到劉佩玥家族唔止佢一個有報名參選香港小姐。

Photo from TVB

Photo from 劉佩玥IG

早前有網民post出1985年《香港小姐》準決賽嘅片段上網。其中15號佳麗林嬌原來係劉佩玥嘅媽媽！佢參選嗰年芳齡21歲，身高1.62米，志願係成為女港督。

Photo from 《1985年香港小姐準決賽》

Photo from 《1985年香港小姐準決賽》

Photo from 《1985年香港小姐準決賽》

不過林嬌最後並未能入選決賽，當年嘅三甲係謝寧、羅錦如、王愛倫。

估唔到事隔28年，佢嘅女兒劉佩玥報名參選2013年港姐，最終更奪得季軍，同屆冠軍係陳凱琳，而亞軍則係蔡思貝。

Photo from TVB

雖然劉佩玥無攞到冠軍，但總算為母圓夢。其實劉佩玥一直同家人感情好好，不過作風低調，向來唔公開家人樣貌。

Photo from 劉佩玥IG

Photo from 劉佩玥IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）