研究發現：好朋友變胖，自己也有57%機會跟著一起胖！只怪我跟你感情太好～～

What？肥胖都會傳染？其實一個人變肥嘅因素有好多，而有研究就發現，一個人嘅生活圈子、交乜野朋友，也會對自己嘅體型有很大影響！如果你身邊嘅朋友係瘦，咁你能夠瘦落嚟嘅機率會比較高；相反嘅話，你將會好難瘦落嚟！

美國芝加哥洛約拉大學對2000名學生進行調查，發現原本一個體重超標嘅學生，認識咗一個瘦子朋友之後，變瘦機率高達40%。相反，一個體重超標嘅學生交了同佢體型相約嘅朋友，咁佢變瘦嘅機率下降至只有15%！

之前「新英格蘭醫學期刊」報告亦指出，如果好朋友變胖嘅話，自己都會有高達57%機會跟住變肥！而呢個研究結果喺情侶同夫妻身上都適用，如果另一半變肥，自己有37%機會變胖！而且，如果對方同你好親密嘅話，變胖機率更加會増大3倍啊！

相反，如果好朋友比自己更瘦，咁你變瘦嘅機會亦會大大増加，而且即使變胖，速度都會減慢！究竟點樣解釋呢個「近胖者胖、近瘦者瘦」嘅概念呢？其實除咗同生活圈子影響有關係之外，從心理學上解釋也合理。

經常性同胖子接觸或是一齊生活，佢嘅生活習慣、理念同行為都會對身邊嘅人帶嚟影響。舉例說如果你有一個70 KG嘅好朋友，而你只有50 KG，喺比較加上寬慰心理狀態之下，你更容易縱容自己變胖。

但如果朋友比你瘦的話，你就會更有動力的去跟她變成相若，會更節制自己啊！而研究亦表示，由於人會模仿周遭朋友嘅行為，所以如果當身邊的人變胖的話，你就會給藉口自己放任啊！

所以說，肥胖真係會傳染㗎！快啲同好朋友一起多多互相鞭策，一起變瘦吧～～

Text: Girls editorial
Photo Source: pinterest／Instagram
Source: eknow

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）