download HolidaySmart 假期日常 app
Sue 5歲大女被網民指唔靚，嬲爆反擊！一句KO到對方刪留言

Sue 5歲大女被網民指唔靚，嬲爆反擊！一句KO到對方刪留言

娛樂新聞
By Jennifer on 17 Aug 2023
Digital Editor
今晚食乜餸：小二，嚟一碟花生！

KOL Sue Chang（張厚耀）成為兩女之母，佢個女亦有拍廣告。最近佢喺IG分享大女Jane見到自己廣告嘅反應，竟被網民留言指佢女兒唔靚，Sue即時回覆反擊，又cap圖放上Story，該網民將自己嘅留言刪除。

KOL Sue Chang（張厚耀）成為兩女之母Photo from Sue IG

Sue係中韓混血兒，佢早年經營YouTube Channel吸咗唔少fans，之後佢仲有出書，擁有韓國血統嘅Sue更拍片教韓文，又曾擔任韓國旅遊大使。2016年佢與男友結婚，婚後育有兩女，現時IG擁有逾33萬followers。

Sue係中韓混血兒，佢早年經營YouTube Channel吸咗唔少fansPhoto from Sue IG

身為人氣KOL，Sue有唔少商業合作，連囡囡亦獲廣告商青睞。Sue 5歲大女Jane就為運動品牌拍攝廣告，近日Sue就喺IG分享女兒見到自己所拍廣告嘅反應。

身為人氣KOL，Sue有唔少商業合作，連囡囡亦獲廣告商青睞。Photo from Sue IG

Jane喺街上見到自己嘅廣告十分驚喜，亦開心與廣告牌合照，Sue則表示：「Proud Mama！媽媽永遠是你頭號粉絲」，不過咁溫馨嘅影片卻有網民留言「破壞氣氛」。

Sue則表示：「Proud Mama！媽媽永遠是你頭號粉絲」Photo from Sue IG

有網民直指Sue嘅女兒唔靚：「如果唔係你，佢一世都唔會賣到廣告啦！」而Sue亦不甘示弱，回覆反擊：「咁唔抵得，下世投胎做我個女囉」，又附上錫錫emoji，完美KO對方！

有網民直指Sue嘅女兒唔靚：「如果唔係你，佢一世都唔會賣到廣告啦！」而Sue亦不甘示弱，回覆反擊Photo from Sue IG

事後Sue又將留言cap圖放上Story，佢表示：「好少覆呢啲，但見你攻擊我個女，我覆返你啦，點知你又delete自己留言」，原來對方已刪除該留言。

事後Sue又將留言cap圖放上StoryPhoto from Sue IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

Coffee林芊妤晒兒子相片被嫌煩「其實你個仔唔得意」！發長文回應

18 Mar 2022

Coffee（林芊妤）IG除咗做瑜伽嘅照片外，亦不時大晒兒子「伯伯」翟德彥嘅日常趣事。近日有網友私訊佢並直言「其實你個仔真係唔得意」，指唔想再喺佢IG見到佢兒子，Coffee即喺Story公開有關對話。

Coffee（林芊妤）IG除咗做瑜伽嘅照片外，亦不時大晒兒子「伯伯」翟德彥嘅日常趣事Photo from Coffee IG

Coffee愛於IG分享兒子「伯伯」日常照

Coffee 2018年誕下仔仔「伯伯」翟德彥後就經常分享兒子嘅日常照。兒子初出生時Coffee曾為佢開咗一個專屬IG，不過後來表示因為仔仔唔中意決定尊重佢唔再更新。

兒子初出生時Coffee曾為佢開咗一個專屬IG，不過後來表示因為仔仔唔中意決定尊重佢唔再更新。Photo from Coffee IG

Coffee之後就喺自己嘅IG分享仔仔嘅生活照，如今伯伯已經3歲大，Coffee嘅個人IG亦超過103萬個followers，有唔少都係伯伯嘅fans。

Coffee之後就喺自己嘅IG分享仔仔嘅生活照，如今伯伯已經3歲大，Coffee嘅個人IG亦超過103萬個followersPhoto from Coffee IG

網民mean爆稱唔想再見到Coffee放仔仔上網

不過亦有網民不滿Coffee日日晒個仔，日前有網民私chat Coffee，表示：「其實你個仔真係唔覺得得意，你成日好自戀你個仔，可唔可以唔好再放上網，其實你啲行為好cheap」，又稱自己無聊先會撳Coffee IG嚟睇但開始頂唔順。

日前有網民私chat Coffee，表示：「其實你個仔真係唔覺得得意，你成日好自戀你個仔，可唔可以唔好再放上網」Photo from Coffee IG

Coffee發長文認真回覆

網友言論用字幾mean，Coffee亦唔客氣喺Story公開兩人對話，佢回覆該網民自己無逼人睇佢IG，表示：「我真係覺得我個仔好得意，同埋我真係好鍾意我個仔，所以我嘅IG都充滿着佢嘅足跡」，盡顯母親對兒子嘅愛！

Coffee亦唔客氣喺Story公開兩人對話，佢回覆該網民自己無逼人睇佢IG，表示：「我真係覺得我個仔好得意，同埋我真係好鍾意我個仔」Photo from Coffee IG

稱自己IG中意擺咩就擺咩，獲其他網民力撐

Coffee稱佢從來無要求過其他人都要中意佢仔仔，但佢個人IG想擺咩就擺咩，唔需要他人過問。Coffee又認為既然對方咁睇唔過眼就唔應該繼續follow佢，呼籲對方盡快unfollow。

Coffee稱佢從來無要求過其他人都要中意佢仔仔，但佢個人IG想擺咩就擺咩，唔需要他人過問Photo from Coffee IG

Coffee指好少收到啲message令佢會認真回覆，希望大家唔好因為無聊而嘥時間睇啲唔想睇嘅嘢。佢之後都收到其他網民嘅支持，力撐伯伯帶咗唔少歡樂畀大家，指Coffee唔使理會「無謂人」。

Coffee之後都收到其他網民嘅支持，力撐伯伯帶咗唔少歡樂畀大家，指Coffee唔使理會「無謂人」。Photo from Coffee IG

曾被指唔識做媽媽，Coffee發火反駁

其實今次唔係Coffee第一次反擊網民留言，之前伯伯因為生牙瘡搞到塊面腫咗，Coffee都被質疑「唔識做媽媽」，當時佢嬲爆回覆斥對方無同理心，當時都獲其他網民力撐。

之前伯伯因為生牙瘡搞到塊面腫咗，Coffee都被質疑「唔識做媽媽」，當時佢嬲爆回覆斥對方無同理心Photo from Coffee IG

今次事件Coffee有再喺Story表示如果自己IG出post都要考慮他人感受：「咁我咪好唔得閒？」佢又指收到好多人嘅私訊，發現佢哋比自己更激動，佢稱無咁易畀人影響到。

今次事件Coffee有再喺Story表示如果自己IG出post都要考慮他人感受：「咁我咪好唔得閒？」Photo from Coffee IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

網民熱話娛樂新聞KOL