郭富城陪方媛回鄉探親！棄酒店住公寓，大宴親朋無天王架子？！

郭富城與方媛結婚7年依然恩愛，出席活動時方媛總係陪伴在旁。近日有內地傳媒就影到郭富城陪方媛返安徽蕪湖娘家探親，有指佢哋唔住五星級酒店而選擇住喺較偏遠嘅小公寓。網上更瘋傳天王宴請方媛親朋戚友嘅相片。

Photo from 方媛微博

郭富城與方媛婚後育有兩女，郭富城出席公開活動時亦經常提及兩位女兒，由舞台王者搖身一變做慈父。而方媛就一心相夫教女，做賢內助，不但陪伴老公城城出席各種活動，又會帶埋一對女兒探班忙於工作嘅郭富城。

Photo from 方媛微博

Photo from 方媛微博

不過城城亦十分寵妻，日前趁方媛36歲生日，城城就帶埋佢同兩個女兒到上海慶祝，城城更book咗五星級嘅深坑酒店為老婆慶生，據知該酒店一晚房價逾20,000元！

Photo from 方媛小紅書

即睇更多人氣文章：
23歲港女排公屋兩年即順利上樓 獲派高層單位令人羨慕 網民:我等18年都未有
香港日式拉麵價格世界第4貴 貴過去日本食3倍 日本人嘆：太過奢侈

Photo from 方媛小紅書

有內地狗仔影到郭富城同方媛現身內地，有指今次係城城陪老婆方媛返安徽蕪湖娘家探親，方媛手捧一紮鮮花，疑似係城城所送，笑得十分甜蜜。

Photo from 微博

有指郭富城陪方媛回鄉住嘅並唔係五星級酒店，反而選擇入住較偏遠嘅小公寓，而公寓正係方媛名下嘅產業，可以慳返幾千蚊住宿費。不過天王對老婆亦非常慷慨，喺方媛生日時配戴嘅首飾已超過70萬！

Photo from 方媛微博

Photo from 小紅書

微博又瘋傳郭富城陪方媛回鄉宴請外父外母及一眾親戚，從相中可見城城毫無天王架子，到處敬酒，又伸手抱親友嘅小朋友。有網友指方媛嫁得好，獲郭富城重視。

Photo from 微博

Photo from 微博

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

方媛郭富城一家四口去旅行！方媛感謝老公竟令網友質疑天王為人？！

18 Apr 2023

「天王嫂」方媛同郭富城結婚後一心相夫教女，日前佢喺社交網站晒出一家四口嘅合照，原來近日佢哋全家都去咗澳門旅行，玩得十分開心，方媛更留言多謝老公郭富城，但竟掀起網友不滿，質疑郭富城為人？！

Photo from 方媛微博

郭富城方媛一家四口去澳門旅行

方媛榮升兩女之母後做全職家庭主婦，不過佢向來對美容、護膚、時尚十分有興趣，因此亦不時會喺社交網站拍片介紹護膚品以及分享自己嘅日常穿著打扮。另外佢亦經常帶兩個女兒出門，享受親子時光。

Photo from 方媛微博

Photo from 方媛微博

最近工作忙碌嘅郭富城有空閒時間帶埋老婆方媛、兩個女兒，以及外父外母一同出門到澳門旅遊，方媛亦喺網上公開一家四口合照，表示今次係第一次全家旅行，同時仲係細女嘅生日之旅。

Photo from 方媛微博

從方媛晒出嘅全家福可見，兩個女兒都大個咗唔少，開心大擺pose。城城causal look比較少見，佢著咗紅色上衣外搭黑色外套，加埋黑褲，打扮十分低調，佢仲孭咗個斜孭袋，成個人睇落好young！

Photo from 方媛微博

即睇更多人氣文章：
日本61歲美魔女甜嫁29歲男 32年婆孫戀引熱話 相遇經歷似偶像劇
韓國網紅來港搭的士投訴「找假錢」！香港網民罕有一面倒為司機平反

Photo from 方媛微博

方媛感謝郭富城竟惹網民不滿

方媛喺留言中表示全家都玩得好開心，又感謝老公郭富城：「謝謝爸爸，帶我們全家去旅行」不過呢句說話卻意外引起網民對城城不滿，微博有留言不解為何方媛要多謝老公：「為啥謝謝呀，應該的」認為做爸爸帶妻女去旅行唔係值得感謝嘅事，但亦有人反駁指方媛咁做EQ高，識得感恩，同老公互相尊重，所以先得天王歡心。

Photo from 方媛微博

Photo from 方媛微博

Photo from 方媛微博

Photo from 方媛微博

Photo from 方媛微博

郭富城被網友質疑孤寒

另外喺小紅書則有網民諷刺郭富城同方媛結婚咁耐先第一次去旅行，仲要係去澳門：「郭富城夠可以」，亦有網友直斥佢「孤寒」，但有網友為城城平反指可能係因為疫情原因去唔到旅行啫。方媛平時用嘅護膚品同服飾有唔少都係名牌，生日亦會大搞party，相信都好得城城愛錫～

Photo from 方媛微博

Photo from 方媛小紅書

Photo from 方媛小紅書

Photo from 方媛微博

其實之前方媛帶兩個女坐經濟艙飛上海探班郭富城，因為妻女都搭經濟艙而城城則曾被目擊坐頭等，唔少網友直言佢「小器」，又有網友聲稱喺倫敦偶遇方媛喺名牌店暗示想買嘢，但城城不為所動，反而催老婆離開店舖，指天王對自己大方，但就唔夠錫老婆同女兒！

Photo from 方媛微博

Photo from 微博

Photo from 方媛微博

相關文章：方媛新相疑P圖太重手驚現1.5米大長腿！官方身高1.6米！網友：條腿長度仲高過佢老公

相關文章：郭富城過奢華生活 豪爽買跑車/做馬主　方媛囡囡超貼地搭經濟艙

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）