孫慧雪呻未食到魚生日本就排核廢水！急刪文無奈回應：唔好再鬧我

娛樂新聞

By Jennifer on 25 Aug 2023

Digital Editor

今晚食乜餸：小二，嚟一碟花生！

最近誕下細仔嘅孫慧雪啱啱坐完月，佢即喺Facebook大呻因為懷孕無食刺身好耐，但剛好生完BB卻遇上日本宣佈排放福島核廢水！不過佢好快就刪文道歉：「唔好再鬧我～～」掀起網民熱議。

Photo from 孫慧雪Facebook

現年41歲嘅孫慧雪（雪雪）於2016年結婚，上月26號喺Facebook晒出細仔嘅相片，宣佈細仔出世。事隔一個月，孫慧雪即將坐完月「出關」。不過近日佢對日本排核廢水發表意見。

Photo from 孫慧雪Facebook

日本於8月24日正式向太平洋排放福島核廢水，而香港亦宣佈8月24日起，全面禁止嚟自東京、福島、千葉、栃木、茨城、群馬、宮城、新潟、長野、埼玉10個鄰近都縣嘅水產品進口本港，包括所有活生、冷凍、冷藏、乾製，或以其他方式保存嘅水產品、海鹽，以及未經加工或經加工嘅海藻，一律禁止輸入香港及喺境內供應。

Photo from K Kwong Facebook

就算唔係上述10個都縣嘅日本水產，到港後亦要接受輻射檢測先會獲准入口。而啱啱坐完月嘅阿雪就喺Facebook大呻：「懷孕期間都未能食魚生，我而家都未開始食，就倒啲核廢水落海。」仲附上喊喊emoji，睇嚟真係十分傷心。

Photo from 孫慧雪Facebook

不過佢好快就刪文，並轉發化學博士K Kwong對核廢水嘅睇法：「睇到啦！知道啦！唔好再鬧我～～?」似乎十分勞氣。事實上，K Kwong喺Facebook表示唔驚福島核廢水，因為濃度低，又指氚同碳14生物半衰期得幾日，會飛過日本繼續食日本嘢。

Photo from 孫慧雪Facebook

Photo from K Kwong Facebook

喺留言區有唔少網友發表意見：「係驚都日本人驚先啦～」、「理性啲啦真係唔洗太擔心」、「食同唔食，兩邊都大把專家解釋，邊有答案，自己決定啦。」

Photo from 孫慧雪Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【日本核廢水】遊日買手信有限制？香港禁日本10都縣水產！9點核廢水對港的影響須知！

24 Aug 2023

日本宣佈於今日（8月24日）正式向太平洋排放福島核廢水，香港亦於同日起禁止日本10都縣的水產進口，引爆話題！究竟核廢水對港人有咩影響？日本旅遊買手信會唔會有限制嗎？一文睇清日本排放「核廢水」9點須知！

Photo from FB@Visit Japan International

·香港禁10都縣日本水產進口

很多國家紛紛明令禁止進口的日本的海產，當中包括香港在內～香港於8月24日起，全面禁止來自東京、福島、千葉、栃木、茨城、群馬、宮城、新潟、長野和埼玉10個鄰近都縣的水產品進口本港，包括所有活生、冷凍、冷藏、乾製，或以其他方式保存的水產品、海鹽，以及未經加工或經加工的海藻，一律禁止輸入香港及在境內供應。至於來自其他都縣的日本水產，到港後亦要接受輻射檢測才會獲准入口，設多層保障！

Photo from FB@Visit Japan International

·手信不建議買水產品

相信很多人去日本旅遊都會買水產品當手信～帶這類物品回港會唔會受到影響？環境及生態局局長謝展寰日前表示，法例覆蓋進口作售賣商業用途，個人在日本買手信送人，帶少量不會受法例管制。不過，他亦強調屬於禁令範圍的水產品都存在風險，所以建議市民不要帶水產回港啦～

Photo from FB@Visit Japan International

·避食3大水產

鍾意食日本水產的朋友要留意～食物及環境衛生諮詢委員會主席梁美儀日前亦提醒市民儘量避免食用3種較高危的水產，尤其如果每日食用，風險更高！

大型魚類：藍旗藍鰭吞拿魚（拖羅）
由於大型魚類在食物鏈屬於較上層，容易吸入較多對人體有害的污染物。

底棲性魚類：比目魚
污染物容易沉積在泥土，一般生活在海洋底層的生物容易受影響。

貝類或蚌類
這類生物體內容易積累污染物。

Photo from Pinterest

#點解會有「核廢水」？

時間要追溯回2011年3月11日，日本發生史上最強9級大地震，導致引發海嘯，摧毀宮城、岩手及福島岩岸地區，連帶東京電力的福島第一核電廠亦遭殃，發生爆炸泄漏輻射，方圓30公里的居民都必須疏散。在核災難善後中，為了冷卻反應爐內的核燃料，防止反應爐再爆炸發放輻射，東京電力建立水循環系統，利用地下水及海水實施降溫。不過，在冷卻的過程，這些水亦會受到污染。而核汙染的水被抽出後，就會經過液體處理系統（ALPS）去除多數輻射物質，最後變成「核廢水」，並儲存在核電廠內的儲水槽。由於持續累積，導致儲水槽已達約千個，總量超過134萬噸，就快爆滿了！

Photo from 東京電力官網

#什麼是「氚」？

雖然ALPS能淨化核廢水中多達60多種的輻射物質，但卻沒有辦法過濾「氚」（Tritium）！而「氚」係一種含有輻射能量的放射性物質。它雖然擁有多種實際用途，包括製造核武、醫學用的生物顯影劑或逃生口標誌等，需要在黑暗中發光的物品。但更多人擔心攝入氚會影響健康及環境。

Photo from Twitter@OfficialTEPCO

#「氚」對人類有咩影響？

雖然日本根據國際指引進行評估後，指核廢水經過妥善處理及稀釋後，「氚」的濃度會低於安全基準，對健康及環境造成的風險較低。氚會透過呼吸、飲食或皮膚接觸進入人體，有專家指如果吸入高水平的氚，會增加腫瘤、病變及致癌等風險。

Photo from 路透社

#淨化後的「核廢水」可以飲用？

根據WHO（世界衛生組織）定義的飲用水水質標準，允許飲用水中含有的氚濃度為1公升1萬貝克。而排放的「廢核水」中的氚含量為每公升1,500貝克，屬於標準範圍。不過，雖然「氚」和水一樣可以排出體外，但人體需要較長時間才能排出氚，所以持續累積或可能導致病變。另外，除了氚之外，核廢水中可能含有其他放射性污染物，對人體或產生未知的健康風險，甚至影響海洋生態及環境！